Спорт
Челси скапо ја плати грешката со Кепа – 80 милиони евра

Во 2018 година Челси на Атлетик Билбао му плати вртоглави 80 милиони евра за речиси анонимниот голман Кепа Аризабалага и со тоа го направи најскапиот чувар на мрежата во светот. Денес, по само 2 години „сините“ се свесни дека ја направија една од најголемите грешки во историјата.
Кепа синоќа на „Енфилд“ прими 5 гола од англискиот првак Ливерпул.
Податоците велат дека Челси сезонава прими 54 гола, од кои 36 на гостувањата. Тоа е анти-рекорд на Челси во ерата во Премиерлигата посебно ако се земе од моментот кога Роман Абрамович е на чело на лондонскиот клуб.
Неверојатно звучи податокот дека дури 20 голмани во Премиерлигата сезонава забележале повеќе одбрани од Кепа Аризабалага.
Две сезони е меѓу стативите на голот на Челси, а статистиката покажува дека ги примил 8% од головите што Челси ги примил од почетокот на Премиерлигата (1992 година).
Само во домашното првенство сезонава прими 86 гола, а во сите натпреварувања вкупно 109.
На последните 6 меча на голот на Челси, Кепа од 14 удари кон неговиот гол, успеал да одбрани само 3.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Фокс потпиша нов договор со Спарс – ќе заработува повеќе од Дончиќ

Кошаркарот на Сан Антонио Спарс, Диерон Фокс, потпиша нов, максимален договор со НБА франшизата од Тексас. За четири години ќе заработи 229 милиони долари.
Фокс ќе заработува 57,5 милиони долари годишно во следните четири години.
За споредба, Лука Дончиќ потпиша тригодишен договор со Лос Анџелес Лејкерс, според кој ќе заработува 165 милиони долари во текот на три години, или 55 милиони долари годишно.
Фокс беше разменет во февруари 2025 година, во трејдот учествуваа три франшизи: Сакраменто Кингс, Сан Антонио Спарс и Чикаго Булс.
Тој имаше просек од 19,7 поени, 6,8 асистенции, 4,3 скока и 1,5 украдени топки по натпревар во 17 натпревари минатата сезона за Сан Антонио Спарс.
Во својата кариера, претходно играше за Сакраменто Кингс, кои го избраа како петти пик на НБА драфтот во 2017 година.
Спорт
Њукасл испрати нова понуда за Шешко

Англискиот фудбалски клуб Њукасл испрати втора, подобрена понуда за напаѓачот на РБ Лајпциг, Бенјамин Шешко.
Германски „Скај Спортс“ тврди дека Њукасл нуди 69,7 милиони фунти (80 милиони евра) фиксна компензација, со дополнителни бонуси. „Страчките“ првично понудија 65,3 милиони фунти плус 4,36 милиони фунти (75 милиони евра + 5 милиони евра) бонуси.
На Њукасл очајно му се потребни засилувања во нападот.
Тренерот Еди Хау ги има на располагање само Вилијам Осула и Александар Исак, кој неодамна му соопшти на клубот дека сака да го напушти клубот.
Ливерпул испрати понуда за Швеѓанецот, но Њукасл ја одби, а судбината на Исак е неизвесна.
Шешко, заедно со Лоис Опенда, беше главен столб на клубот од „Ред Бул Арена“ и минатата сезона. Словенецот постигна 21 гол во сите натпреварувања и запиша уште шест асистенции.
Спорт
Роналдо покажа со прстот кон Гринвуд

Кристијано Роналдо продолжува да го обликува тимот според своите желби, а сега е пронајдено ново име кое би сакал да го види во тимот.
Според „Марка“, португалскиот фудбалер побарал од раководството на клубот да го доведе Мејсон Гринвуд.
Англискиот офанзивен играч се прероди и е најдобриот играч на Марсеј. Тој веќе имаше покани од Саудиска Арабија минатата сезона, но тогаш не сакаше да го промени средниот ред.
Не е лесно да останеш имун кога ќе те повика Кристијано Роналдо, иако медиумите тврдат дека Гринвуд не размислува за заминување, иако и Интер го има на својот радар.
Жоао Феликс неодамна пристигна во Ал Наср, а Роналдо сака по секоја цена да го освои првиот трофеј на Блискиот Исток.
Фото: ЕПА