На годишното Собрание на Реал, првиот човек на „кралскиот клуб“ остро ги критикуваше практично сите нивоа на фудбалот. За тоа, тој доби овации од сите делегати.

Годишната седница на Собранието на Реал ја отвори Флорентино Перез, кој по којзнае кој пат „удри“ по Ла Лига и нејзиниот шеф Хавиер Тебас, кон УЕФА и кон Барселона и секако кон судиите.

Не е прв пат, но зборовите на Перез, се чини, никогаш не биле толку остри. Говорот на првиот човек на клубот траеше 78 минути и, според новинарите од Шпанија, никогаш еден негов говор не бил успратен со толку многу аплаузи. Сите делегати, со оваации ја поздравиле неговата презентација.

„Освоивме 30 титули во последните 15 сезони, но сите знаеме што се очекува од Реал. Минатата сезона се боревме до самиот крај, но мора да се сетиме дека таа сезона беше многу тешка поради повредите на Карвахал и Милитао. Себаљос, Камавинга, Менди исто така имаа повреди. Одигравме повеќе од 80 натпревари и тоа е резултат на сè понапорниот распоред“, рече Перез.

Критика кон УЕФА

„Не е вистина дека сме против сè, туку сме против она што е нелегално и неетичко. Не е ниту нормално ниту легално да се обидувате да им ја одземете можноста на клубовите да организираат свои турнири. Не е нормално УЕФА да се обидува да ја одреди нашата судбина или да нè принудува да играме натпревари во формати што не се добри за навивачите. Никој не може да нè казни – клубовите се слободни, како што покажува пресудата.

Имаме две права – правото на надомест што се мери во милијарди евра и правото да го воспоставиме нашето натпреварување, и ве уверувам дека ќе ги искористиме обете права. Но, имајте предвид дека УЕФА се грижи за своите гласачи. Затоа нè принудуваат да играме натпревари во Азија или на границата со Кина. Тоа не е нормално во 21 век, а самото гледање фудбал станува премногу скапо.“

Потоа дојде Ла Лига и Хавиер Тебас

„Нивото на судење во Ла Лига е едноставно неприфатливо. Голем срам е што ФИФА не избра ниту еден од 35-те шпански судии. Исто така, неприфатливо е што Барселона, од која било причина, му плаќа на потпретседателот на судиите осум милиони евра во последните 17 години. Тој беше на важни позиции, и дали е случајност што во тој период Барселона ги забележа најдобрите резултати?

Исто така, не е нормално што Ла Лига продолжува да троши милиони евра од нашите пари на неуспешниот проект на Музејот на легендите, што треба да ги оправда инвестициите во медиумите.

Постојат медиуми кои се создадени само за да му наштетат на Реал. И уште позагрижувачки е што го прават тоа отворено. Нивниот претседател одбива да ни даде информации.

Ќе кажам уште неколку работи. Сега е на нив да ги утврдат своите одговорности. Претседателот на Ла Лига дејствуваше сам и мора да преземе одговорност. Не смееме да заборавиме на начинот на кој беше реагирано на штрајкот на играчите. Сите сме сведоци на срамна цензура. Не знам што беше посрамно – одложувањето на натпреварите за 30 секунди или фактот што за луѓето пред екраните беше напишано „ние сме посветени на мирот“. На кој мир?

Дали мислите дека е нормално што некои играчи на Реал освоија повеќе титули во Европа отколку во лигата? Мислам дека тоа е проблемот.

Исто така, не мислам дека е нормално претседателот на лигата да биде потпретседател на фудбалската асоцијација. Исто така, сакам да ви кажам нешто што никој не го знае – претседателот ми понуди да бидам член на Сојузот. Морав да им кажам дека мислам дека не ме познаваат.“

Ниту Здружението на европски клубови не се извлече од критиките

„Баравме договор со УЕФА, но тоа не беше можно. Ни рекоа да одиме во Здружението на европски клубови. Но, од Здружението не замолија да се откажеме од борбата против УЕФА. А тоа потенцијално би значело откажување од милијардите евра што ќе ги добиеме на крајот.“

За крај упати и извинување поради еден бизарен детаљ што го одбележа Собранието: додека траеше говорот.

Реал им се извини на Елче и на играчот на овој клуб, Андре да Силва, чија слика, по грешка, се појави во видеото наместо сликата од Андреа Силва, братот на Диого Жота, кој загина во сообраќајна несреќа со играчот на Ливерпул.

Foto/ EPA

По две години, два месеци и 19 дена, Пол Погба му се врати на фудбалот.

Толку време помина откако беше суспендиран поради позитивен допинг тест. И многу, многу повеќе помина од последниот пат кога одигра цел натпревар. Триесет и двегодишниот Погба влезе во игра во саботата во 84-та минута во поразот на Монако од Рен (1:4).

Навивачите го поздравија со овации.

Погба беше многу емотивен по само десет минути на теренот.

„Во моментот кога ја видов публиката како станува и аплаудира, не можев ни да замислам дека тоа некогаш ќе се случи. Сега е лесно бидејќи повторно играм фудбал, тоа е она што го сакам најмногу на светот“, им рече Погба на новинарите.

„Сè уште има многу работа, патот до враќањето во форма е долг, денот кога ќе можам да играм 90 минути е далеку. Ако не играм добро за Монако, можам да заборавам на дресот на репрезентацијата.“

Но, верувам во себе, во мојот квалитет. Знам дека она што се случи не беше моја вина, никогаш не престанав да верувам“, рече Погба.

Пет натпревари се одиграа во НБА во ноќта помеѓу саботата и неделата. Никола Јокиќ одигра уште еден брилијантен натпревар, но неговиот Денвер доживеа пораз на домашен терен од Сакраменто Кингс 123:128.

Првото полувреме им припадна на Денвер. Јокиќ и неговите соиграчи имаа 65:61 на паузата, што се покажа како недоволно.

Во текот на третата четвртина, Кингс вратија уште три поени, а во одлучувачките 12 минути беа подобар ривал.

Расел Вестбрук беше мотивиран, а тоа го раздвижи целиот тим на Кингс. Јокиќ практично играше сам.

Кингс ги предводеше Денис Шредер со 21 поен, три скока и седум асистенции. Вестбрук го следеше со 21 поен, шест украдени топки и 11 асистенции. Кингс имаа уште четворица кошаркари со двоцифрен број на поени – Мареј додаде 19 поени, ДеРозан 17, Лавин два помалку, а Монк 12.

Кај Денвер Јокиќ забележа 44 поени со 13 скока и седум асистенции. Тој имаше 13 од 22 шута од поле, три од шест за тројки, но имаше и две изгубени топки. Мареј додаде 23 поени со девет асистенции, Џонсон имаше 20, а Вотсон имаше 15 поени.

Денвер на овој меч беа без тројца повредени играчи од стартната петорка: Кристијан Браун, Кем Џонсон и Арон Гордон.

Денвер сега има скор од 12:4, Сакраменто е претпоследен тим на Западот. Ова беше само нивната четврта победа, со 13 порази.

Резултати:

Орландо – Њујорк 133:121
/Вагнер 37 – Бренсон 33/

Њу Орлеанс – Атланта 98:115
/Квин 20 – Порзингис 29/

Чикаго – Вашингтон 121:120
/Вучевиќ 28 – Витмор 20/

Милвоки – Детроит 116:129
/Ролинс 24 – Канингем 29/

Далас – Мемфис 96:102
/Томпсон 22 – Алдама 20/