Спорт
Челси под истрага за трансфери пред десет години
Премиер лигата ги истражува трансферите на Вилијан и Самуел Ето од Анжи во Челси, во летото 2013 година. Ова е дел од пошироката истрага за офшор плаќања за време на ерата на Роман Абрамович.
Пред повеќе од една година, британските медиуми пишуваа за тоа како имало потенцијални неправилности во исплатите пред доаѓањето на Тод Боли на чело на клубот, а само неколку дена откако американскиот бизнисмен ќе го преземе клубот за 2.500.000.000 фунти, од продажната цена беа отстранети” 100.000.000 евра за покривање на „непредвидени обврски”.
Од „Стемфорд Бриџ“, потоа доброволно пријавиле финансиски трансакции помеѓу 2012 и 2019 година до Фудбалската асоцијација на Англија, Премиер лигата и УЕФА, по што лигата започна истрага. Дел од истрагата, како што тврди „Тајмс“, се и трансферите на Вилијан и Ето од рускиот клуб Анжи од Махачкала, поради сомнежи дека при споменатите трансакции биле извршени уплати на „руски ентитети“.
Да потсетиме, Челзи за бразилското крило плати 35.500.000 евра, додека ден подоцна без обештетување го донесе Камерунецот.
„Овие наводи претходат на моменталната сопственост на клубот. Тие се однесуваат на субјекти кои наводно се контролирани од поранешниот сопственик на клубот и не се однесуваат на ниту еден поединец моментално во клубот. Сопственичката група на ФК Челзи го заврши купувањето на клубот на 30 мај 2022 година. Поради детална анализа пред завршувањето на купувањето, сопственичката група стана свесна за потенцијално нецелосно финансиско известување поврзано со историски трансакции за време на претходната сопственост на клубот. Веднаш по завршувањето на купувањето, клубот проактивно ги пријави овие работи до сите важечки фудбалски регулатори. Во согласност со основните принципи на клупската сопственичка група за целосна усогласеност и транспарентност, клубот проактивно им помагаше на релевантните регулатори во нивните истраги и ќе продолжи да го прави тоа“, се вели во соопштението на лондонскиот клуб.
Како и да е, некои англиски медиуми велат дека Челзи би можел да биде санкциониран финансиски, но и со одземање бодови, поради споменатата истрага. Да потсетиме, во јули УЕФА веќе го казни лондонскиот клуб со околу 10.000.000 евра поради кршење на правилата за финансиски фер-плеј како резултат на „доставување нецелосни финансиски информации“ во периодот меѓу 2012 и 2019 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.
Спорт
Математиката на Челси, Лукаку+пари = Виктор Осимен
Ромелу Лукаку (30), по три сезони минати во Интер и една во Рома, во Серија А би можел да го облече дресот на Наполи.
Белгиецот изминатите две сезони настапува како позајмен, во Интер и Рома. Доколку се пресели во Наполи тој би бил дел од трансферот на Виктор Осимен.
Италијанските медиуми најавуваат дека 25-годишниот Нигериец следното лето би можел да го засили Челзи во трансфер вреден меѓу 80 и 90 милиони евра и дека Лукаку ќе послужи како своевидна „доплата“ во таа „зделка“.
За Осимен се заинтересирани и саудиските клубови, па Челзи ќе мора да му понуди голема плата доколку сака да го обезбеди потписот на нигерискиот репрезентативец.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.