Спорт
Четворица играчи на Јунајтед влегле во клинч по поразот од Брајтон

Рано утрово англиските медиуми објавија дека атмосферата во Манчестер јунајтед е драматично нарушена. Дека многу работи во клубот не одат според плант покажа и дебаклот во саботата на домашен терен од Брајтон (1:3). По мечот имало жесток конфликт меѓу четворица фудбалери.
Против Брајтон, фудбалерите на Манчестер јунајтед изгледаа како никогаш да не одиграле ниту еден натпревар заедно, а сето тоа кулминираше по натпреварот во соблекувалната.
Според англиските медиуми, по натпреварот се случиле два одвоени инциденти во соблекувалната во кои учествувале четворица играчи.
Прво, капитенот на клубот Бруно Фернандеш решил да му каже некои работи на помладиот колега од средниот ред, Скот Мектоминеј.
Против Брајтон младиот Шкотланѓанец го имаше првиот старт сезонава во Премиер лигата. Како одигра подобро беше повторно да биде резерва.
Жесток конфликт имале и партнерите во последната линија, Лисандро Мартинез и Виктор Линделоф.
Останува да се види како Ерик Тен Хаг ќе ја реши оваа ситуација, бидејќи ова на тест го става авторитетот што ги има во соблекувалната.
Манчестер јунајтед моментално се наоѓа на 13. место на табелата во Премиер лигата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мењан во Челзи, во Милан доаѓа Милинковиќ-Савиќ

Францускиот репрезентативен голман Мајк Мењан (29) ќе ја продолжи кариерата во Челзи. „Сините“ за услугите на голманот на Милан ќе му платата 18 милиони евра отштета, објавија италијанските медиуми.
Мењан пристигна во Милан летото 2021 година од Лил, а неговиот договор важеше до јуни следната година.
Милан се согласи да го продаде бидејќи не можеше да се договори за продолжување на договорот, па овој летен преоден рок беше последна шанса да заработи нешто од неговиот трансфер.
Мењан треба да биде заменет на голот на Милан со српскиот голман Вања Милинковиќ-Савиќ (28), чиј договор со Торино истекува за една година.
Спорт
Седум играчи го засилија Алкалоид

Фото/ rkalkaloid.mk
РК Алкалоид останува на својата определба и во следната сезона да биде клуб составен во најголем дел од македонски ракометари кои ќе добијат врвни услови за тренинг, ќе работат според професионална програма и ќе имаат простор за напредок преку настапите на домашната и на европската сцена.
Неколку ракометари со голем потенцијал и за клубот и за сениорската репрезентација на Македонија доаѓаат следната сезона во клубот.
Алкалоид кој ја освои титулата во Европскиот куп, за следната сезона ангажира седум нови играчи, шестмина се Македонци, странец е само Србинот, Урош Борзаш. Покрај него нови играчи на Алкалоид се: Ненад Костески, Емилијан Ѓорговски, Михаил Аларов, Михаил Иваноски, Ѓорѓи Николовски и Давид Трајкоски,
Спорт
Пукна љубовта, Мурињо ќе го напушти Фенербахче

Жозе Мурињо и Фенербахче ќе го објават прекинот на соработката во следните неколку дена, тврдат турските медиуми.
Ова е епилогот од средбата во Лондон помеѓу познатиот тренер и Али Коч, претседателот на клубот од Истанбул. Мурињо бара 15 милиони евра за предвремен раскин на договорот.
Португалецот го презеде тимот минатото лето, но Фенербахче под негово водство не освои ниту еден трофеј. Во првенството на Турција, тие беа втори зад нивниот најголем ривал Галатасарај.
Покрај тоа, Мурињо беше во постојан конфликт, со судиите, со службените лица од другите клубови, што предизвика гнев кај навивачите и новинарите и му наштети на угледот на турскиот фудбал.