Спорт
Четвртфинале за Шпанија, по 120 минути ја скршија Хрватска – уживање со 8 гола на „Паркен“
Осум гола во Копенхаген, во осминафиналето меѓу Шпанија и Хрватска. На крајот момците предводени од Луис Енрике поуспешни со 5-3.
Шпанија доминираше во 90-те минути на стадионот „Паркен“ во Копенхаген против селекцијата на Хрватска и кога се чинеше дека заслужено ќе обезбеди пласман во четвртфиналето на ЕУРО 2020, шок од Хрватите во 92 минута. По првите 90 минути од петтото осминафинале на ЕУРО 2020 3-3.
Иако избраниците на селекторот Златко Далиќ беа тие кои први дојдоа во водство, и тоа во 20 минута, сепак Модриќ, Ковачиќ и останатите беа комплетно надиграни од расположените Шпанци.
Педри враќаше една топка од половина терен во 20 минута кон својот голман Унаи Симон, овој деконцентрирано дозволи топката од неговата нога да заврши во мрежата.
Шпанците до крајот на полувремето сериозно притиснаа кон голот на Ливаковиќ, па израмнувањето дојде во 38 минута. Сарабија налета на една топка по одбрана од противничкиот голман и ја смести во небранетиот дел од мрежата за 1-1 на полувреме во Копенхаген.
Во вториот дел Шпанија со исто темпо, топката во околу 70% од времето беше во нивните нозе, додека пак Хрватите беа главно ориентирани на зачувување на овој резултат и можност со контра напад преку нововлезениот Крамариќ и Анте Ребиќ (подоцна и Оршиќ) да го загрозат противничкиот гол.
Аспиликуета со својот првенец во националниот дрес во 57 минута ја казни летаргичноста на хрватската одбрана. Скокна највисоко во петте метри и го совлада немоќниот Ливаковиќ.
Блесок на Хрватска. Модриќ со асистенција до Гвардиол во 67 минута, овој биеше од близина, Унаи Симон со крајни напори спречи израмнување.
Токму Гвардиол беше играчот поради кој Шпанија стигна и до 3-1 на овој меч. Се играше 77 минута, една долга топка упатена кон Феран Торес на десната страна. Гвардиол помалку несреќно се лизна баш кога требаше да ја отстрани опасноста, па Шпанецот во продолжение на акцијата лесно го совлада хрватскиот голман.
Во 85-тата минута по асистенција на Модриќ и еден карамбол во шеснаесетникот на Унаи Симон, Хрватска успеа да постигне втор гол. Мислав Оршиќ ја испрати топката позади гол линијата на шпанскиот гол за неизвесни последни минути во Копенхаген.
Се играше 92 минута кога нововлезениот Пашалиќ донесе радост на трибините на „Паркен“ но и во цела Хрватска.
По една нафрлена топка од левата страна, сосема сам се најде во противничките 5 метри пред голот и со глава постигна многу значаен гол за израмнување и продолженија од двапати по 15 минути.
А во првото продолжение Хрватска беше поконкретна. 100-процентна шанса за водство пропушти Крамариќ во 96 минута. Голманот Унаи Симон му фати чист зицер.
Кај Шпанија се чини во продолжението Дани Олмо ја направи разликата. Алваро Мората, еден од најкритикуваните Шпанци постигна прекрасен гол во 100 минута за водство од 4-3 со неговиот шести гол на европските првенства. Асистенцијата беше на Олмо.
Токму поранешниот играч на Динамо Загреб – Дани Олмо одлично нафрли од десната страна, а Ојарзабал погоди лесно покрај Ливаковиќ за конечни 5-3 во 104 минута.
Во второто продолжение Хрватите немаа сили за нов подвид, па Шпанија е четвртфиналист на ЕП.
Противник на „Фуријата“ во борбата за влез во полуфиналето ќе е подобриот од вечерашниот дуел во Букурешт меѓу Франција и Швајцарија, од 21 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Модриќ ги избра петте најдобри фудбалери на сите времиња
Капитенот на хрватската репрезентација, Лука Модриќ, за шпански „АС“, ги избра петте најдобри фудбалери во историјата.
Модриќ (40), играч од средниот ред на Милан, беше замолен да издвои пет играчи од која било ера.
„Марадона, Франческо Тоти, Бразилецот Роналдо, Звонимир Бобан, кој е мој идол, и Зизу (Зинедин Зидан)“, рече Модриќ.
Модриќ е најтрофејниот играч во историјата на Реал Мадрид, кој замина ова лето по 13 сезони во клубот.
Со Хрватска, тој освои сребро на Светското првенство во 2018 година, а истата година ја доби и „Златната топка“ за најдобар играч во светот.
Тој има и бронзен медал од Светското првенство во 2022 година, а треба да го предводи националниот тим и на следниот Светски шампионат.
Спорт
ФИФПРО ги објави идеалните тимови за 2025 година
Здружението на професионални фудбалери, ФИФПРО, во понеделникот ги објави идеалните тимови во машката и женската конкуренција за 2025 година. Повеќе од 26.000 фудбалери од 68 земји гласаа за најдобрите 11 во машката и женската конкуренција.
Во „идеалните 11“ се вклучени најмногу играчи од европскиот шампион Пари Сен Жермен: Ашраф Хакими, Нуно Мендес, Витиња и Усман Дембеле, како и поранешниот играч Џанлуиџи Донарума, кој ја освои Лигата на шампионите со Парижаните и се пресели во Манчестер Сити ова лето.
Со само 18 години, напаѓачот на Барселона, Ламин Јамал, стана најмладиот играч именуван во тимот на годината, соборувајќи го рекордот поставен од Килијан Мбапе во 2018 година, кога францускиот напаѓач беше именуван во тимот на 19 години.
Посебно изненадување е отсуството на ѕвезди како Ерлинг Халанд, Мохамед Салах и Рафиња, кои не влегоа во првите 11.
Идеалните 11 (Мажи):
Голман: Џанлуиџи Донарума (ПСЖ/Манчестер Сити, Италија)
Одбрана: Вирџил ван Дајк (Ливерпул, Холандија), Ашраф Хакими (ПСЖ, Мароко), Нуно Мендес (ПСЖ, Португалија)
Среден ред: Џуд Белингам (Реал Мадрид, Англија), Кол Палмер (Челзи, Англија), Педри (Барселона, Шпанија), Витиња (ПСЖ, Португалија)
Напаѓачи: Усман Дембеле (ПСЖ, Франција), Килијан Мбапе (Реал Мадрид, Франција), Ламин Јамал (Барселона, Шпанија).
Во женска конкуренција има најмногу англиски фудбалерики, дури шест. Меѓу нив е Луси Бронз, која испиша историја, осми пат е во тимот на годината, надминувајќи ја Французинката Венди Ренард.
За прв пат, две африкански фудбалерки, Барбра Банда (Замбија) и Гизлан Чебак (Мароко), се појавуваат во идеалните единаесет.
Идеални 11 (Жени):
Голман: Хана Хемптон (Челзи, Англија)
Одбрана: Она Батле (Барселона, Шпанија), Мили Брајт (Челзи, Англија), Луси Бронз (Челзи, Англија), Леа Вилијамсон (Арсенал, Англија)
Среден ред: Аитана Бонмати (Барселона, Шпанија), Гизлејн Чебак (Бадалона/Ал-Хилал, Мароко), Алексија Путелас (Барселона, Шпанија)
Напаѓачи: Барбра Банда (Орландо Прајд, Замбија), Клои Кели (Манчестер Сити/Арсенал, Англија), Алесија Русо (Арсенал, Англија)
Спорт
И Мастантуоно има проблем со пубалгијата, го чека подолга пауза
Фудбалерот на Реал Мадрид, Франко Мастантуоно, ќе биде надвор од терените на неопределено време поради повреда на препоните или спортска хернија, пишуваат шпанските медиуми.
Според овие извори, 18-годишниот Мастантуно не тренирал заедно со тимот на Реал во понеделникот.
„На нашиот играч Мастантуоно му е дијагностицирана пубалгија по медицинските тестови. Неговото закрепнување ќе биде внимателно следено“, објави клубот.
Во соопштението не се наведува колку долго аргентинскиот фудбалер ќе биде надвор од терените. Мастантуоно одигра 12 натпревари за Реал оваа сезона во сите натпреварувања.
Аргентинецот дојде во „кралскиот клуб“ од Ривер Плата на почетокот на оваа сезона. Досега постигна еден гол за најтрофејниот клуб во светот. Тој се смета за еден од најголемите таленти во светскиот фудбал.
Инаку, сличен проблем со пубалгија има и младата ѕвезда на барселона, Ламин Јамал.
Пубалгијата е комплексна и многу непријатна повреда за спортистите. Таа влијае на пубичната област и долниот дел од грбот и често се опишува како една од најлошите што може да ги доживее еден фудбалер.
Како се третира пубалгијата?
Нема брзо решение: Експертите предупредуваат дека пубалгијата не се решава сама по себе за еден месец. Често е состојба која бара долгорочна адаптација, а не „класично“ закрепнување.
Одморот и намалувањето на оптоварувањето, специфичниот тренинг за зајакнување на стабилизаторите на трупот, редовна физикална терапија и постепено враќање на полн интензитет помагаат.
Можни последици: Доколку не се третира правилно, пубалгијата може да стане хронична и да предизвика дегенеративни промени во ткивото, што дополнително ја комплицира кариерата на фудбалерот.
(Видео) ДИК ги соопшти првичните официјални резултати од вториот круг на локалните избори
Државната изборна комисија попладнево ги соопшти првичните официјални резултати од вториот круг на локалните избори. Гласањето како што информираше претседателот...
Уапсен е возачот кој денеска со „пасат“ усмрти велосипедист на булеварот „Гоце Делчев“ во Скопје и побегна од местото
Денеска (03.11.2025) во Скопје, полициски службеници од СВР Скопје го лишија од слобода Х.К.(37) од Скопје. Тој околу 12:30 часот...
За вакцинација против сезонскиот грип досега пријавени над 76 илјади граѓани, почна и вакцинацијата со комерцијалните вакцини за 700 денари
Министерството за здравство информира дека за вакцинација против сезонскиот грип за ризичните категории населени досега се пријавени над 76 илјади...
(Видео) Мисајловски: Со освоени 54 општини и градот Скопје, ВМРО-ДПМНЕ е апсолутен победник на овие локални избори
Со освоени 54 општини и градот Скопје, ВМРО-ДПМНЕ е апсолутен победник на овие локални избори. А владината коалиција, на овие...
Претседателот на општинската организација на СДСМ во Ѓорче Петров поднесе оставка
Претседателот на општинската организација на СДСМ во Ѓорче Петров, Костадин Ацевски, поднесе оставка поради лошите резултати на локалните избори. Според...
Александар Стојкоски го доби уверението за втор мандат како градоначалник на општина Ѓорче Петров
Општинската изборна комисија денес официјално му го врачи уверението за избор на Александар Стојкоски за градоначалник на општина Ѓорче Петров,...
Глобален индекс на мирот 2025: Русија најнебезбедна земја во светот, Македонија на 51. место
Институтот за економија и мир (IEP) го објави својот годишен глобален индекс на мирот, сеопфатна анализа што рангира 163 земји...
Уапсен возач во Скопје: прегазил пешак и избегал од местото на несреќата
Вчера во 19:10 часот во СВР Скопје е пријавено дека на улицата „Димитрие Чуповски“ во Скопје, патничко возило „фолксваген тигуан“...
Во двор во семејна куќа во Битолско организирани борби со кучиња: поведена постапка против двајца
Основното јавно обвинителство Битола поведе постапка против две лица за кривично дело – Убивање и мачење животни од член 233...
„Влен“: Со еден глас Албанците го запечатија крајот на ерата на Ахмети!
„Изборите што ги нарекоа „референдум“ завршија како политички суд против оние што го држеа албанскиот народ како заложник 23 години...
(Видео) Најмалку 20 мртви, а повеќе од 150 повредени во силниот земјотрес во Авганистан
Земјотрес со јачина од 6,3 степени го погоди северниот авганистански град Мазар-е Шариф рано наутро во понеделник, при што загинаа...
Брнабиќ: Поранешниот претседател на Србија, несреќа од човек, повикува на граѓанска војна
Претседателката на српското Собрание, Ана Брнабиќ, остро го критикуваше поранешниот српски претседател Борис Тадиќ откако тој ги повика граѓаните да...
Обвинител: Грабежот во „Лувр“ е дело на ситни криминалци, а не на професионалци
Спектакуларната кражба на накит од 88,4 милиони евра во музејот Лувр минатиот месец не е дело на професионални крадци во...
Трамп: Не размислувам да испратам ракети „томахавк“ во Украина
Американскиот претседател Доналд Трамп изјави дека всушност не размислува да ѝ даде на Украина крстосувачки ракети „Томахавк“ со долг дострел....
(Видео) Мециновиќ до гласачите на СДСМ: Браната е пукната и ние сме вашата опција, затоа што Левица е опозицијата на ВМРО-ДПМНЕ
Во изминатите два месеци постигнавме нешто што не можевме да го замислиме. Во создавањето на ова движење, во овие 60...
(Видео) Фатмир Дехари падна од народот кој се обедини против раскалашеноста и недомаќинското работење, рече Мицкоски за победата во Кичево
Премиерот и лидер на ВМРО – ДПМНЕ, Христијан Мицкоски, вечерва многу порано отколку во првиот круг прогласи голема победа на...
Орце Ѓорѓиевски: Скопје е ослободено!
Кандидатот на ВМРО-ДПМНЕ за градоначалник на Град Скопје, Орце Ѓорѓиевски, ја слави победата на денешните избори. Тој вели дека вечерва...
(Видео) Герасимовски: Центар што го сакаме е победнички и во сигурни раце
Кандидатот за градоначалник на Општина Центар од редовите на СДСМ Горан Герасимовски, вечерва во изјава за медиумите потенцираше дека денеска...
(Видео) Победата на Орце Ѓорѓиевски се слави пред Белата палата
Победата на кандидатот на ВМРО-ДПМНЕ за градоначалник на Скопје, Орце Ѓорѓиевски се слави пред Белата палата. Од обработени 97,69% досега,...
(Видео) Филипче: Покрај освоените три градоначалнички места во првиот круг, имаме победа уште во три
Претседателот на СДСМ, Венко Филипче вечерва на прес-конференција им честиташе на граѓаните за достоинственото гласање на вториот круг на изборите....
