Спорт
Чичарито поради гревовите од минатото нема да игра на СП
Хавиер Чичарито Ернадез, најдобриот стрелец на репрезентацијата на Мексико, поради гревовите од минатото нема да настапи на Светското првенство во Катар.
Мексиканските медиуми, пред почетокот на Мундијалот, пишуваат за скандалот што се случил десет дена пред почетокот на Светското првенство во Русија во 2018 година. Неколку репрезентативци организирале оргии со проститутки. Тогаш Фудбалскиот сојуз на Мексико успеаја некако да го прикријат скандалот, не ги открија имињата на фудбалерите. Четири години подоцна мексиканските медиуми излегоа со името на главниот виновник.
Станува збор за легендата на репрезентацијата Хавиер Ернандез Чичарито, поранешен напаѓач на Манчестер јунајтед и Реал Мадрид. Чичарито по Светското првенство во Русија одигра само три натпревари за репрезентацијата. Иако постоеше основано сомневање дека тоа е доказ дека тој стои зад оргиите, приказната се потврди дури деновиве.
Новинарот Хозе Рамон Фернандез за политичкиот дневен весник „Процесо“ откри зошто Чичарито, кој моментално настапува за Лос Анџелес Галакси, нема да биде во Катар.
„Тато Мартино ни призна дека Чичарито ангажирал две проститутки за себе за време на патувањето во Њујорк и Сан Антонио. Сите го одбиле затоа што не сакаа да прават компромиси, особено затоа што многу од нив се во брак. Беа обвинети за учество во оргии и жените после тоа беснееја на нив. Чичарито не побара навреме прошка, туку негираше дека го направил тоа“, откри Фернандез.
Во истото интервју Фернандез откри дека лицето од Фудбалскиот сојуз на Мексико, кое му помогнало на фудбалерот да ги ангажира проститутките веднаш добило отказ. Според новинарот, денес тоа лице работи во ФИФА и е далеку од мексиканскиот фудбал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Милевски: Данска е извонредно квалитетна репрезентација
Репрезентацијата на Македонија на денешната ждрепка во Цирих го дозна противникот во полуфиналето во мундијалскиот бараж, На 26 март, Македонија е гостува во Копенхаген кај Данска. Ако Македонија ја елиминира Данска, на 31 март во плејоф финалето ќе игра во Прага или Даблин, против Чешка или Република Ирска.
Селекторот на македонската репрезентација, Благоја Милевски, кој го следеше извлекувањето во Цирих, вели дека во оваа фаза нема лесни противници.
„За разлика од минатиот пат, кога бевме во плеј-офот и ги извлековме топ фаворитите Италија и Португалија, сега на „хартија“ добивме полесен противник, иако морам да потенцирам дека кога си во конкуренција на најдобрите 16 репрезентации, нема лесни противници, напротив. Штета што повторно немавме среќа за евентуален домашен натпревар. Данска е извонредно квалитетна репрезентација, неблагодарно е да даваме било каква прогноза. Во ова друштво нема слаби репрезентации и апсолутно не можеш да се надеваш на сигурен пласман, но ќе дадеме се од себе да бидеме конкурентни и во плеј-офот“.
Извор/ Фудбалска федерација на Македонија
Спорт
Билд: Адејеми поради Кавгите со Ковач го напушта Дортмунд
Карим Адејеми (23), крилен играч на Борусија Дортмунд и германската репрезентација, ќе го напушта клубот со кој има договор до летото 2027 година. „Билд“, тврди дека со менаџерот на фудбалерот преговори водат Интер и Манчестер Јунајтед.
„Билд“, во објавата на оваа информација напиша дека: „Емоционалните испади и конфликтите на Адејеми со тренерот Нико Ковач придонесоа тој порано да го заврши престојот во Дортмунд“.
Проблемите на младиот напаѓач се натрупуваат и на теренот и надвор од него. Адејеми не постигнал гол, ниту асистенција од крајот на септември, а тензиите со хрватскиот тренер кулминираа во јавен конфликт.
Инцидентот се случи на 25 октомври за време на победата од 1:0 против Келн, кога Адејеми фрли шише со вода кон клупата додека го напушташе теренот. Ковач јавно го осуди таквото однесување.
Фрустрациите продолжија и за време на последниот првенствен натпревар, ремито со Хамбург (1:1), кога Ковач беше видливо незадоволен од одлуките на Адејеми на теренот, поради што го замени во 66-та минута.
„Билд“ пред две недели напиша дека менаџерот на Адејеми инсистира на долгорочно продолжување на договорот, кое би вклучувало откупна клаузула од околу 80 милиони евра. Сега, сепак, се случи пресврт. Клучна улога во евентуален трансфер би можел да игра супер агентот Жорже Мендеш, кого Адејеми неодамна го ангажираше.
Мендеш има одлични односи со раководството на „Олд Трафорд“, каде што веќе посредуваше за доаѓањето на Лени Јоро и Мануел Угарте.
Адејеми дојде во Дортмунд пред три години од Салцбург со обештетување од 30 милиони евра. Оттогаш, на 121 настап за Борусија, постигна 29 гола и забележа 22 асистенции.
Спорт
Македонија против Данска во полуфиналниот бараж за пласман на СП
Фудбалската репрезентација на Македонија ќе игра против Данска во полуфиналниот бараж за пласман на Светското првенство во САД, Мексико и Канада.
Доколку Македонија успее да го мине полуфиналето на 26 март, во финалето на 31 март, повотено ќе гостува кај победникот од дуелот меѓу Чешка и Република Ирска.
Европски плејоф, полуфинале:
Патека А: 1. Италија-Северна Ирска , 2. Велс- Босна и Херцеговина (домаќин во финалето)
Патека Б: Украина-Шведска (домаќин во финалето), Полска-Албанија
Патека Ц: Турција-Романија, 2. Словачка-Косово (домаќин во финалето)
Патека Д: Данска-Македонија, 2. Чешка-Република Ирска

Интерконтиненталниот бараж ќе се игра во Мексико, на стадионите во Гвадалахара и Монтереј. Учествуваат шест репрезентации, во финалето ќе ги чекаат ДР Конго и Ирак.
ДР Конго ќе игра со победникот од натпреварот Нова Каледонија-Јамајка, а Иран ќе се сретне со победникот од дуелот меѓу Боливија и Суринам.
Досега пласман на СП изборија 42 репрезентации.
Од Европа, Англија, Франција, Хрватска, Португалија, Норвешка, Германија, Холандија, Белгија, Шпанија, Шкотска, Австрија и Швајцарија ќе играат на Светското првенство следното лето.
Бранителот на титулата Аргентина, Бразил, Колумбија, Еквадор, Парагвај и Уругвај се квалификуваа од Јужна Америка.
Австралија, Јужна Кореја, Иран, Јапонија, Јордан, Узбекистан, Катар и Саудиска Арабија се квалификуваа од Азиската зона.
Претставник на Океанија е Нов Зеланд, а од Северна, Централна Америка и Карибите (КОНКАКАФ) се квалификуваа Панама, Курасао и Хаити, како и домаќините САД, Канада и Мексико.
Од Африка пласман на Мундијалот обезбедија Мароко, Тунис, Алжир, Египет, Гана, Зелено’ртски Острови, Јужна Африка, Сенегал и Брегот на Слоновата Коска.
Фото/ Фудбалска федерација на Македонија

