Нов чекор назад за Манчестер Сити во одбраната на титулата во Премиерлигата. „Граѓаните“ на својот стадион одиграа само 2-2 против Кристал Палас со свтогол во последните моменти од мечот.

Играчот на Палас Тосун во 40 минута го стиша „Итихад“, погоди за гостински 0-1.

Сити се мачеше речиси цело второ полувреме да ја наметне својата препознатлива игра и да го сврти резултатот.

Тоа му успеа на голгетерот Кун Агуеро. Тој постигна два гола набрзина за целосен пресврт. Првиот во 82, а вториот во 87 минута.

Кога сите на стадионот го очекуваа последниот судиски свиреж, во 90. минута Фернандињо постигна автогол за конечни 2-2.

Екипата на Арсенал повторно одигра само реми, дури 11-то сезонава. На домашен терен бод на „топчиите“ им зеде екипата на Шефилд јунајтед, мечот заврши со резултат 1-1.

Мартинели со гол во првото полувреме донесе предност за Арсенал.

Тој резултат беше активен се до 83 минута кога Флик погоди за конечни 1-1.

На останатите попладневни мечеви во ПЛ беа постигнати следните резултати:

Брајтон-Астон Вила 1-1
Норич-Борнмут 1-0
Саутемптон-Вулверхемптон 2-3
Вест Хем-Евертон 1-1

Мадридски Реал благодарение на двата гола на Касемиро успеа да слави значаен триум против Севилја (2-1) со што се искачи на првото на Ла Лига.

Иако посетителите на „Сантијаго Бернабеу“ 57 минути гледаа фудбал без голови, за само 12 минути дури трипати се тресеа мрежите.

Најпрво Касемиро погоди за 1-0 во 57 минута, а Севилја возврати преку Лук де Јонг во 64 минута.

По само 5 минути повторно Касемиро донесе предност за Кралскиот клуб која избраниците на Зинедин Зидан не ја испуштија до крајот.

Со новата победа, Реал има 43 бода, три повеќе од Барселона која утре на својот стадион ја пречекува екипата на Гранада.

Голеадата на теренот на Аугсбург беше среќна за гостите од Дортмунд, ѕвезда на денот во Германија е „чудото од дете“ од Норвешка, Ерлинг Халанд. Аугсбург загуби од Борусија (Д) со 3-5 иако до 59 минута од мечот имаше позитива од 3-1 против „милионерите“.

Сепак, во 56 минута во игра влезе новото засилување за Борусија од Салцбург, Халан кој првиот гол го постигна во 59 минуат и намали на 3-2.

По само 2 минути Санчо погоди за 3-3, а вториот гол на Халанд во 70 минута донесе предност од 3-4. Точка на мечот со хет-трикот стави во 79 минута.

Во останатите натпревари од 18-тото коло или прво по зимската пауза, Вердер како гостин во Диселдорф славеше минимално со 1-0 против Фортуна.

Келн на домашен терен беше убедлив против Волфсбург, Ајнтрахт (Ф) како гостин славеше кај Хофенхајм со 2-1, а со истиот резултат заврши и мелот на кој Мајнц дома беше поразен од Фрајбург.
Подоцна започнува мечот меѓу Лајпциг и Унион Берлин.