Бразилската фудбалска легенда, Роналдињо имал позитивен тест на корона вирусот, објавуваат јужноамериканските медиуми.

40-годишниот поранешен фудбалер на Барселона се чувствувал добро, немал симптоми и се наоѓа во изолација во Бразил.

Ова е уште еден пех за Роналдињо оваа година, откако помина неколку месеци во затвор и во домашен притвор во Парагвај поради влегување во земјата со фалсификуван пасош.

Кими Раиконен неодамна го прослави својот 41. роденден и стана рекордер по бројот на трки во Формула 1, а на сите критичари кои сметаат дека „Ајсмен“ одамна треба да е во пензија треба да им се покаже видеото на неговиот старт на Португалското ГП во Портимао во неделата.

Од 16. место на стартот со слабиот болид на Алфа Ромео, Кими успеа да стигне до шестата позиција во фуриозен старт, но на крајот заврши на 11. место и му избега поен. Запрашан за неговиот фантастичен старт тој одговори во свој стил.

„Не мислам дека стартот беше толку добар, бидејќи прво загубив место. Но, потоа искрено во еден момент си помислив: ‘Што прават другиве?’“, вели Финецот.

From P16 to P6 😎

An amazing start for Kimi Raikkonen at Portimao 🚀#PortugueseGP 🇵🇹 #F1 pic.twitter.com/cRneQ4dw2O

— Formula 1 (@F1) October 25, 2020

Вулверхемптон не успеа да го совлада Њукасл јунајтед во попладневниот меч од Премиер лигата, и покрај фантастичниот гол на Раул Хименез, откако „чавките“ успеаја да израмнат во финишот на мечот.

Мексиканскиот напаѓач Хименез, кого го посакуваат повеќе европски гиганти, во 81. минута постигна фантастичен гол од далечина откако двата тима пропуштија повеќе шанси, но во 89. минута, Џејкоб Марфи постигна исто толку убав гол од слободен удар, мамејќи го голманот Руи Патрисио за поен на „Молињу“.

По шест кола, „Волците“ се на седмото место на табелата со 10 поени, додека Њукасл се 14-ти со 8 поени.