Спорт
Циркус во Далас – Маверикс бранеше погрешен кош, Дончиќ ги обвини судиите дека се поткупени
Во исклучително важен натпревар во битката за плеј-офот, шампионот на НБА, Голден стејт Вориорс, во Далас ги победи Маверикс со 127:125 и ги турна на работ на елиминација и од плеј-ин.
Неизвесниот натпревар го решаваа деталите, а една таков се случи се случи во финишот на третата четвртина, кога Вориорс ја земаа топката и постигнаа кош во ситуација пет на нула, додека играчите на Далас беа на другата страна на теренот.
Додека Кевон Луни забива на неодбранет кош, на спротивната страна од теренот, можете да ги видите кошаркарите на Далас како ги шират рацете, а еден од нив трча кон „десната“ половина од теренот и енергично протестира.
Тренерот Џејсон Кид се расправаше со судиите, но два поени беа доделени за Вориорс, а бидејќи натпреварот заврши со нивна победа од два разлика, јасно е дека тие не беа неважни.
„Судиите им ја доделија топката им припаѓа на играчите на Далас. Тоа го објави официјалниот спикер. Потоа имаше тајм-аут. За време на тајм-аутот судиите ја сменија одлуката, но не ни кажаа. Видоа дека сме се позициониравме како да е наша топка, а потоа тие само ја дадоа топката на Вориорс, без ништо да ни кажат. Лудо е што на крајот решаваќки беа тие два поени. Ова е можеби најлошата одлука на судијата во историјата на Требаше да ни кажат, а не го направија тоа“, објасни сопственикот на Мавс, Марк Кубан.
Umm, what?
The Mavericks were defending the wrong basket so the Warriors got an easy bucket 😂
🎥 @warriors pic.twitter.com/5cryMpNffa
— The Athletic (@TheAthletic) March 23, 2023
Тој исто така најави дека ќе испрати официјален протест до НБА поради оваа ситуација.
Сепак не е реално НБА да го поништи натпреварот, а овој пораз може да има сериозни последици за Мавс на крајно израмнетиот Запад. Вориорс сега се шестти, имаат две победи повеќе и подобар меѓусебен скор од Далас. Мавс се на деветтото место, имаат само победа поеќе од тимовите кои се на 11. и 12. место на табелата.
Покрај сериозната грешка на судиите, мечот во Далас го обележа и потегот на Лука Дончиќ, за кој Американците велат дека ќе добие сериозна казна.
На 1,7 секунди до крајот, при водство на Вориорс 125:122, Словенецот тргна да шутира од контакт со Дрејмонд Грин. Целта му беше да погоди и да изнуди слободно фрлање, за да може да го израмни резултатот. Но, тој не погоди, а освен што топката не влезе во кошот по одбивањето околу обрачот, не доби ниту фаул.
Дончиќ поради тоа многу се налутил и со прстите гестикулираше кон записничката маса како да брои пари. Алузијата е јасна, сакаше да каже дека судиите се поткупени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Палмер најдобар млад играч во Премиер лигата
Фудбалерот на Челзи Кол Палмер е најдобриот млад играч во Премиер лигата оваа сезона.
Палмер, кој летово пристигна во Челси од Манчестер сити, постигна 22 гола на 33 натпревари и забележа десет асистенции.
Тој е водечка сила на сините оваа сезона, а на последните три натпревари постигна по два гола.
Тој победи во конкуренција на Александер Исак (Њукасл), Коби Мајно (Манчестер јунајтед), Букајо Сака и Вилијам Салиба (Арсенал) и Дестини Удоги (Тотенхем).
Траката за Златната копачка во Премиер лигата, Палмер ќе ја заврши на второто место зад Ерлинг Халанд од Манчестер сити, кој постигна 27 гола.
И не само тоа, 22-годишниот Палмер е номиниран и за најомилен играч на гласањето на навивачите во Премиер лигата.
Офанзивниот играч за врска на Челзи неодамна беше прогласен и за играч на месец април во Премиер лигата, откако постигна седум гола на четири натпревари.
Треба да се додаде дека тој со огромно мнозинство ја освои наградата за најдобар играч на Челзи оваа сезона.
Спорт
Салфетката на која Меси потпиша за Барселона продадена за 760.000 фунти
Салфетата на која Лионел Меси ја потпиша согласноста дека ќе и се приклучи на Барселона во 2000 година е продадена за 760.000 фунти (околу 888.000 евра), објави во петокот британската аукциска куќа Бонамс.
Бонамс првично очекуваше продажната цена да биде во опсег од 300.000 фунти до 500.000 фунти. Онлајн аукцијата траеше од 8 до 17 мај.
„Салфетката ја промени судбината и на клубот и на Меси, кој стана еден од најголемите играчи на сите времиња“, објави Бонамс.
Овој фудбалски сувенири бил внимателно чуван во сеф од Хорасио Гаџиоли, тогашниот менаџер на Меси. На салфетката не е само потписот на Меси, туку и потписите на Карлес Рексач, тогашниот спортски директор на Барселона и Хосеп Марија Мингела, скаутот за таленти кој го препозна потенцијалот на Меси.
Салфетката, која беше потпишана за време на ручекот во „La Reial Societat de Tennis Pompeia“ во Монжуик, содржи писмена обврска од Рексач.
„Во Барселона, на 14 декември 2000 година, во присуство на господата Мингела и Хорасио, Карлес Рексач, спортски директор на ФК Барселона со ова се согласува, под негова одговорност и без разлика на какви било спротивни мислења, да потпише договор со играчот Лионел Меси под услов да се држиме до договорените суми“, пишува на салфетката.
Меси, кој оттогаш освои голем број големи титули, вклучувајќи ја Лигата на шампионите и Светското првенство, имаше само 13 години кога се приклучи на академијата на Барселона, откако дојде од аргентинскиот клуб Њуелс Олд Бојс.
Спорт
Алкалоид го победи Вардар 1961, ќе се бори за трофејот во Купот
Фото/ facebook.com/rkalkaloid
Алкалоид ќе му се спротивстави на Еурофарм Пелистер во борбата за трофејот во Купот на Македонија. Вечерва, Алкалоид славеше победа над бранителот на пехарот, Вардар 1961 со 25:24 (15:13).
Со исклучок на почетните минути кога црвено-црните поведоа со 4:0, натпреварот беше изедначен, а во финишот крајно драматичен.
Во последните осум минути Алкалоид влезе со предност 24:22. Во последната минута екипата на Кире Лазаров влезе со 25:24, не го искорсит последниот напад, а Вардар 1961 во последната секунда избори седмерец.
Голамнот Галевски го одбрани ударот на Срдановиќ. Најдобар стрелец на мечот беше Мартин Серафимов со седум гола, пред Арно Бинго со шест гола.
Финалниот натпревар во СЦ „Борис Трајковски“ ќе се одигра в недела од 19:30 часот.