Спорт
Далас Маверикс ќе го пензионираат бројот 41
![](https://makfax.com.mk/wp-content/uploads/2021/11/Nowitzki-1.jpg)
Далас Маверикс на 5.јануари ќе го повлечат бројот 41, во чест на Дирк Новицки, најдобриот играч во историјата на франшизата. Спектаклот ќе се случи на полувремето на натпреварот Далас-Голден стејт Вориорс.
Новицки, за кого многумина тврдат дека е најдобриот европски играч на сите времиња, кариерата ја заврши во 2019 година. Во НБА дебитираше во 1998 година, тој е единствениот играч во историјата на лигата кој одиграл 21 сезона за еден клуб.
Најголемиот успех на Новицки со Далас е освојувањето на шампионскиот прстен во 2011 година. Германецот беше МВП на лигата во 2007 година, четири пати бил во идеалната петорка, 14 пати учествувал на Ол стар натпреварите.
Новицки е шестиот најдобар стрелец на сите времиња, во кариерата постигнал 31.560 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Дали знаете кој е најбрзиот фудбалер на ЕП 2024?
![](https://makfax.com.mk/wp-content/uploads/2024/07/mbape-1.jpg)
Официјалниот профил на УЕФА ја објави листата на најбрзите играчи на овогодинешното Европско првенство во Германија.
Фудбалерите од сите селекции се подложени на комплетни статистички анализи, а малкумина се издвојуваат на врвот на секоја листа – по добро или лошо.
УЕФА ја анализираше брзината на сите играчи на ЕП 2024 и ги создаде првите 10.
Првото место, многумина ќе кажат очекувано, го држи Французинот Килијан Мбапе со брзина од 36,5 км/ч.
По него е Шпанецот Феран Торес, кој трча половина километар на час побавно од Мбапе.
Бенјамин Шешко изненадувачки се најде на самиот врв. Словенецот за време на еврото постигна брзина од 35,9 км/ч.
Спорт
Италијанскиот тенисер го оствари својот детски сон
![](https://makfax.com.mk/wp-content/uploads/2024/07/lorents.jpg)
Лоренцо Мусети го постигна својот најдобар резултат на Вимблдон со пласманот во четвртфиналето.
Италијанецот го победи Французинот Џовани Петши Перикар со 4:6, 6:3, 6:3, 6:2 и со тоа стана вториот Италијанец меѓу осумте најдобри во Лондон.
По мечот Италијанецот не ги криеше емоциите.
“Секогаш ми е тешко да покажам емоции. Но денеска успеав. За овој момент сонував уште од дете. Отсекогаш имав семејство кое ме поддржуваше во остварувањето на моите соништа”, изјави Мусети.
“Тешко ми е да зборувам, извинете. Би сакал да му се заблагодарам на тренерот Симоне Тартарини. Без него вакво нешто не би било возможно. Благодарам на моето семејство, мојата партнерка Вероника. Сите се тука”, додаде Мусети.
Тој во четвртфиналето ќе игра со победникот од мечот меѓу Тејлор Фриц и Александар Зверев
Спорт
Страхиња Стојачиќ, нашата цел на ОИ е злато
![](https://makfax.com.mk/wp-content/uploads/2024/07/str.jpg)
Репрезентацијата на Србија во кошарка 3х3 на Олимписките игри во Париз ќе ја претставуваат Страхиња Стојачиќ, Дејан Мајсторовиќ, Михаило Васиќ и Марко Бранковиќ.
Најдобриот светски кошаркар Страхиња Стојачиќ изјави дека за него е голема чест што ја претставува Србија и дека очекувањата се големи.
Фиба на социјалните мрежи објави дека Србија на Олимписките игри во Париз ќе ја претставува истата репрезентација која претходната година ги освои Светските и Европските првенства.
„Секако е голема чест и привилегија да се претставува Србија на ваков натпревар. Ова е најголемиот настан на кој учествуваат најдобрите спортисти и убаво е да се биде меѓу нив“, изјави Стојачиќ.
Најдобриот светски кошаркар Страхиња Стојачиќ изјави дека репрезентацијата има најголема цел и дека ќе даде се од себе да ги исполни.
„Целта е јасна, одиме на златен медал, и ќе дадеме се од себе да ја оствариме. Прво ќе ја одработиме групната фаза според планираното , ќе се потрудиме да бидеме на првите две места и да се пласираме директно во полуфиналето.
Србија во Париз ќе игра во група со САД, Литванија, Кина, Холандија, Франција, Летонија и Полска.
Српските кошаркари освоија бронзен медал на претходните Игри во Токио во 2021 година.
Игрите во Париз ќе се одржат од 26 јули до 11 август.