Спорт
Далас продолжи да тоне, Дончиќ промаши шут за победа
Одличен меч одиграа синоќа Далас и Феникс, гостите се радуваа на триумф од 109-108.
Во израмнет натпревар Феникс во самиот финиш постигна тројка, а за Далас останаа секунда и пол до крајот, доволно за шут за победа. Дончиќ шутира и промаши.
Крис Пол со 34 поени беше најефикасен на мечот, а херојот на „сонцата“, Девин Букер, придонесе со 24 поени.
Кај Далас, Дончиќ постигна 25 поени, 24 имаше Ричардсон, а 19 Порзингис.
Хјустон ја прегази Оклахома со 136-106. Уште во првата четвртина „ракетите“ уфрлија 48 поени.
Ерик Гордон со 25 поени беше најефикасен, по 18 имаа Вуд и Вол, а 17 уфрли Казинс.
На другата страна Шеј Гилџес Александер беше најпрецизен со 19 поени.
„Езерџиите“ како гости славеа против Атланта со 107-99.
Дејвис кај Лејкерс и Јанг кај Хоукси беа најефикасни на мечот со по 25 поени, а Леброн Џејмс броеше до 21.
Ова се резултатите од сите ноќешни натпревари:
Атланта – ЛА Лејкерс 99-107
Мајами – Шарлот 121-129
Чикаго – Њујорк 110-102
Кливленд – Минесота 100-98
Милвоки – Портланд 134-106
Њу Орлеанс – Сакраменто 109-118
Оклахома – Хјустон 106-136
Далас – Феникс 108-109
Сан Антонио – Мемфис 102-133
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Дали Премиер лигата е најсилна во светот на фудбалот?
Сезоната 2023/2024 во европските купови стана вистински кошмар за клубовите од најсилната лига во светот, англиската Премиер лига.
Во завршницата, Премиер лигата има само еден тим. Честа на англиското фудбал ја брани Астон Вила и тоа во третото според ранг европско натпреварување, Конференциската лига.
Англија нема претставник во Лигата на шампионите, откако Манчестер сити и Арсенал беа елиминирани во средата, во четвртфиналето, а претходно Манчестер јунајтед и Њукасл испаднаа во фазата по групи.
Во елитното натпреварување Премиер лигата доживеа вистински дебакл, бидејќи англиските тимови освоија три титули во последните пет сезони.
Синоќа, во четвртфиналето сезоната во Лига Евопа ја завршија Ливерпул и Вест Хем. Во
За прв пат по девет години ниту, Англија нема полуфиналист во двете најсилни европски натпреварувања.
Честа на англискиот фудбал остана да ја брани Астон Вила. Клубот од Бирмингем во полуфиналето ќе игра против Олимпијакос.
Спорт
Дождот направи хаос, Норис пред Хамилтон и Алонсо на пол-позицијата за спринт-трката во Шангај
Ландо Норис најдобро се снајде во хаотичните услови во квалификациите за првата спринт трката оваа сезона во Формула 1, Големата награда на Кина.
Дождот им создаде големи проблеми на возачите, а во такви услови најдобар беше пилотот на Мекларен. Норис забележа време 1:57.940 минути, кое беше за 1,2 секунди подобро времето на Луис Хамилтон (Мерцедес) и 1,9 секунди побрзо од времето на Фернандо Алонсо (Астон Мартин).
Искуството на Хамилтон и Алонсо пресуди во борбата со пилотите на Ред Бул и Ферари кои возат подобри болиди.
Актуелниот светски првак, Макс Ферстапен спринтот в Шангај ќе го започне од четвртото место, зад него се Карлос Саинц (Ферари), Серхио Перез (Ред Бул), Шарл Леклер (Ферари), Оскар Пјастри (Мекларен), Валтери Ботаси и Жу од Заубер.
Спринт трката во пресрет на Големата награда на Кина, утре се вози во 5 часот по македонско време. Квалификациите за главната трка ќе се одржат четири часа подоцна. Големата награда на Кина започнува во недела во 9 часот.
Спорт
„Им посакувам сѐ најдобро на моите браќа на Олимпијадата, јас не сум доволно добар“
Кошаркарот на Далас Кајри Ирвинг не се најде на списокот на репрезентацијата на САД за претстојните Олимписки игри во Париз.
Плејмејкерот на Маверикс изјави дека не е изненаден што не е меѓу 12-те избрани за олимпискиот турнир.
Ирвинг, освои злато со тимот на САД на Олимпијадата во 2016 година во Рио де Жанеиро.
„Им посакувам се најдобро на моите браќа. Едноставно не бев доволно добар за овој тим“, рече Ирвинг.
„Процесот на изборот беше тежок. Но, повторно, немам ништо друго освен почит кон овие момци. Во овој момент од мојата кариера, мислам дека мојот фокус треба да биде на освојување на шампионатот“, додаде бекот на Далас.
Тимот на Стив Кер во Париз го сочинуваат Леброн Џејмс, Девин Букер, Џејсон Тејтум, Кави Ленард, Џоел Ембид, Тајрис Халибартон, Џру Холидеј, Бем Адебајо, Стеф Кари, Ентони Дејвис, Ентони Едвардс и Кевин Дурент.