Спорт
Дали реакцијата на Аргентинците беше оправдана? Холанѓаните едноставно претераа!
ФИФА потврди дека Аргентина и Холандија се под истрага за однесувањето во текот на нивниот меч од четврт-финалето од Светското првенство во Катар, со потенцијални казни за двете репрезентации, нешто што може повеќе да влијае на Аргентинците, кои ги очекува полуфинална пресметка со Хрватска.
Иако многумина беа шокирани од однесувањето на повеќето аргентински репрезентативци по крајот на мечот, посебно од Лео Меси, кој покрај тоа што имаше непријателски краток разговор со холандскиот селектор Луис ван Гал, исто така му довикуваше на Вут Вегхорст по крајот на мечот, снимките кои се „вртат“ на социјалните мрежи покажуваат какви провокации правеа фудбалерите на Холандија во текот на изведувањето на пенал-серијата.
Во главна улога беше фудбалерот на Интер, Дензел Дамфрис, кој заедно со Вегхорст ги провоцираа изведувачите на пенали, а и пред последниот пенал на Лаутаро Мартинез им се приклучи и холандскиот голман Андрис Ноперт, кој дури се поттурна со Лаутаро.
И покрај ваквото однесување, посебно на Дамфрис, кој доби и црвен картон на крајот на мечот, тој по мечот се смири со соиграчот од Интер, Дамфрис.
Dumfries and Weghorst were harassing every Argentina player before each penalty. pic.twitter.com/X53O4a02bM
— Crni Labud (@CrniiiLabud) December 10, 2022
Lautaro Martínez and Argentina are in the semi finals. 🇦🇷pic.twitter.com/jnqIVCyEBK
— Mundo Albiceleste 🇦🇷 (@MundoAlbicelest) December 11, 2022
Your GOAT Messi saying this to Weghorst:
“What are you looking at fool?”#FIFAWorldCup #Argentina #NetherlandsvsArgentina— NUFCTalk 🥇 (@Newcastle_FC) December 10, 2022
🫂 Essere INTERISTI oltre tutto 🖤💙#Lautaro #Dumfries #OlandaArgentina #Qatar2022 pic.twitter.com/hfsx87Mhue
— Radio Nerazzurra (@Rnerazzurrait) December 10, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Палмер најдобар млад играч во Премиер лигата
Фудбалерот на Челзи Кол Палмер е најдобриот млад играч во Премиер лигата оваа сезона.
Палмер, кој летово пристигна во Челси од Манчестер сити, постигна 22 гола на 33 натпревари и забележа десет асистенции.
Тој е водечка сила на сините оваа сезона, а на последните три натпревари постигна по два гола.
Тој победи во конкуренција на Александер Исак (Њукасл), Коби Мајно (Манчестер јунајтед), Букајо Сака и Вилијам Салиба (Арсенал) и Дестини Удоги (Тотенхем).
Траката за Златната копачка во Премиер лигата, Палмер ќе ја заврши на второто место зад Ерлинг Халанд од Манчестер сити, кој постигна 27 гола.
И не само тоа, 22-годишниот Палмер е номиниран и за најомилен играч на гласањето на навивачите во Премиер лигата.
Офанзивниот играч за врска на Челзи неодамна беше прогласен и за играч на месец април во Премиер лигата, откако постигна седум гола на четири натпревари.
Треба да се додаде дека тој со огромно мнозинство ја освои наградата за најдобар играч на Челзи оваа сезона.
Спорт
Салфетката на која Меси потпиша за Барселона продадена за 760.000 фунти
Салфетата на која Лионел Меси ја потпиша согласноста дека ќе и се приклучи на Барселона во 2000 година е продадена за 760.000 фунти (околу 888.000 евра), објави во петокот британската аукциска куќа Бонамс.
Бонамс првично очекуваше продажната цена да биде во опсег од 300.000 фунти до 500.000 фунти. Онлајн аукцијата траеше од 8 до 17 мај.
„Салфетката ја промени судбината и на клубот и на Меси, кој стана еден од најголемите играчи на сите времиња“, објави Бонамс.
Овој фудбалски сувенири бил внимателно чуван во сеф од Хорасио Гаџиоли, тогашниот менаџер на Меси. На салфетката не е само потписот на Меси, туку и потписите на Карлес Рексач, тогашниот спортски директор на Барселона и Хосеп Марија Мингела, скаутот за таленти кој го препозна потенцијалот на Меси.
Салфетката, која беше потпишана за време на ручекот во „La Reial Societat de Tennis Pompeia“ во Монжуик, содржи писмена обврска од Рексач.
„Во Барселона, на 14 декември 2000 година, во присуство на господата Мингела и Хорасио, Карлес Рексач, спортски директор на ФК Барселона со ова се согласува, под негова одговорност и без разлика на какви било спротивни мислења, да потпише договор со играчот Лионел Меси под услов да се држиме до договорените суми“, пишува на салфетката.
Меси, кој оттогаш освои голем број големи титули, вклучувајќи ја Лигата на шампионите и Светското првенство, имаше само 13 години кога се приклучи на академијата на Барселона, откако дојде од аргентинскиот клуб Њуелс Олд Бојс.
Спорт
Алкалоид го победи Вардар 1961, ќе се бори за трофејот во Купот
Фото/ facebook.com/rkalkaloid
Алкалоид ќе му се спротивстави на Еурофарм Пелистер во борбата за трофејот во Купот на Македонија. Вечерва, Алкалоид славеше победа над бранителот на пехарот, Вардар 1961 со 25:24 (15:13).
Со исклучок на почетните минути кога црвено-црните поведоа со 4:0, натпреварот беше изедначен, а во финишот крајно драматичен.
Во последните осум минути Алкалоид влезе со предност 24:22. Во последната минута екипата на Кире Лазаров влезе со 25:24, не го искорсит последниот напад, а Вардар 1961 во последната секунда избори седмерец.
Голамнот Галевски го одбрани ударот на Срдановиќ. Најдобар стрелец на мечот беше Мартин Серафимов со седум гола, пред Арно Бинго со шест гола.
Финалниот натпревар во СЦ „Борис Трајковски“ ќе се одигра в недела од 19:30 часот.