Спорт
Далиќ: Заслужуваме поголема почит од ФИФА
Селекторот на фудбалската репрезентација на Хрватска, Златко Далиќ, изненади со одлуката да не гласа во изборот за наградата на ФИФА. Селекторот откри зошто решил да го бојкотира изборо. Наградата за најдобар играч заврши кај Лионел Меси.
Далиќ одбил да гласа бидејќи смета дека во изборот биле застапени премалку хрватски репрезентативци. Тој образложи на што се темели неговото разочарување.
„Разочаран сум од односот на ФИФА кон хрватската репрезентација, верувам дека заслужуваме поголема почит од Светската фудбалска организација за резултатите што ги постигнавме во последните години. Ние сме единствената репрезентација која се најде меѓу четирите најдобри на светот на СП и во Лигата на нации.
Го шокиравме целиот свет со победата против најголемата светска репрезентација Бразил, а ние сме единствената селекција со два медали од последните две светски првенства, заедно со Французите. Ја победивме Франција во Париз, Данска во Копенхаген, ги исфрливме Бразил и Белгија од СП, на 23 натпревари по ЕП загубивме само два пати.
И покрај ова, погледнете ја листата од 14 кандидати за најдобар играч на светот – освен одличниот Модриќ, каде се Хрватите? Не би набројувал поединци од други земји бидејќи навистина имам голема почит кон секој играч и тренер, но немаше ли место за Матео Ковачиќ кој стана светски клупски шампион и одигра брилијантно на Светското првенство?
Немаше место за Гвардиол, кој според повеќето избори беше меѓу најдобрите 11 на Мундијалот и во Бундеслигата? Зарем Ливаковиќ не заслужи да биде меѓу петте кандидати за најдобар голман по се што направи на Мундијалот?
Меѓу петте предложени селектори кои многу ги ценам има и тројца селектори, но ниту еден не избори пласман на завршниот турнир од Лигата на нации и медал на Светското првенство. Со голема почит за успехот на Мароко и нивниот селектор, но Хрватска на два меча има нерешено и победа во борбата за бронзениот медал.
Да потсетиме, според бројките и впечатокот, Доминик заслужи да биде најдобар голман на Мундијалот, а Јошко најдобар млад играч на Мундијалот. Сето тоа го доживувам како недостаток на почит, што го доживеав и при изборот на термините на нашите натпревари, но и според критериумот на судење што го имавме за време на Светското првенство, особено во полуфиналниот натпревар.
Верувам дека нашата репрезентација со своите игри и со однесувањето на теренот и надвор од него заслужи поголема почит, истата почит што ја покажуваме кон противниците од натпревар во натпревар.
Ако англиските, бразилските, шпанските, германските или италијанските играчи и тренери постигнаа резултати како нас, ќе беа добро застапени на сите избори. Сакам повеќе почит за нас, за нашата репрезентација, за нашите играчи, па дури и за себе, бидејќи со два медали сме апсолутна светска сензација.
ФИФА треба повеќе да не промовира бидејќи покажавме дека една мала земја може да биде конкурентна на најголемите, што е најдобрата реклама за фудбалот во целиот свет.
Поради сето горенаведено решив годинава да не учествувам во изборот, но на сите победници од срце им честитам на заслужените награди, а особено на нашиот Лука на одличното четврто место, со фактот дека за мене тој е секогаш број еден“, изјави Далиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шаховскиот клуб Мулти есенс се квалификува во Втората лига: младинците ја оправдаа довербата
Под закрила и спонзорство на компанијата АЛКАЛОИД АД, оваа година е формиран уште еден шаховски клуб, ШК Мулти Есенс, првенствено за да им се даде шанса на младите шахисти да продолжат да играат шах и да се усовршуваат низ натпревари во екипна сениорска конкуренција. Многу добро е познато дека Шаховскиот клуб Алкалоид е меѓу најуспешните спортски колективи во Македонија, силно етаблиран и добро познат не само во европски рамки (како европски шампион и како вицешампион), но, генерално, и во светски рамки. Во клубот членуваат и најдобрите македонски шахисти (велемајстори и интернационални мајстори), кои се и лиценцирани тренери од ФИДЕ (Светската шаховска федерација) и кои континуирано работат со младите категории шахисти.
На квалификациитe за Втората лига екипата на ШК Мулти Есенс, под водство на велемајсторот Трајко Недев, како капитен, успешно настапи и во конуренција на 18 екипи успеа да се пласира во Втората лига. Во вкупно шест кола одиграни според швајцарскиот систем, ШК Мулти Есенс оствари три победи и две ремија и со само еден пораз, со освоени 8 бода, се пласираше на делба на третото место (според дополнителниот критериум заврши на четвртото место). Покрај првите три тима (екипите на победникот ШК Нов Напредок од Штип, второпласираната ШК Кочани и третопласираната екипа на ЖШК Прилеп), ШК Мулти Есенс ќе настапи во Втората лига, која, во согласност со календарот на натпревари, треба да се игра на почетокот на јули.
Екипата на ШК Мулти Есенс ја сочинуваат:
1. Теодор Јовановски (во 2023 го подели првото место на Државното јуниорско првенство до 18 години)
2. Матео Ефтовски (двократен јуниорски првак до 18 години во 2020 и во 2021 година)
3. Стојан Велкоски (четвртопласиран на Европското аматерско првенство 2022 за ело < 2000)
4. Христијан Цакончев
5. Кирил Николовски (државен шампион во 2023 г. за јуниори до 14 години)
6. Андреј Иванов (државен шампион во 2022 г. за јуниори до 12 години)
7. Дино Табаковски (второпласиран на Европското аматерско првенство 2022 г. за ело < 1800)
8. Стефан Мелник (многу талентиран и посветен шеснаесетгодишен јуниор, кој се натпреварува и во конкуренција на шахисти со оштетен вид, а во јуни ќе учествува на Европското првенство на ИБЦА – International Braille Chess Association – за возрасни).
Новата надградена развојна стратегија ќе овозможи ШК Мулти Есенс да биде одличен полигон на кој младите талентирани шахисти ќе можат да настапат против многу поискусните шахисти и на спортски начин да се докажуваат и да напредуваат, за во иднина да станат дел од сениорскиот тим на ШК Алкалоид!
ПР текст
Спорт
Мајката на Мбапе на прашањето каде ќе оди нејзиниот син: Мислам дека знаете
Килијан Мбапе се прости од Пари Сен Жермен, а на 30 јуни и официјално ќе стане слободен играч.
Светските медиуми веќе подолго време пишуваат за неговиот трансфер Реал Мадрид, а се очекува наскоро тоа да биде и официјализирано.
На прашањето за иднината на нејзиниот син, мајката на Килијан, водно и негов менаџер, Фаиза Ламари даде индиректен одговор.
„Мислам дека веќе го знаете тоа“, рече таа, што беше протолкувано како сигурен знак дека оди во „кралскиот клуб“.
Мбапе одигра 307 натпревари за ПСЖ. Постигна 256 гола и имаше 108 асистенции. Со Франција беше светски првак во Русија во 2018 година.
Спорт
„Макс e шапион само благодарение на болидот на Ред Бул“
Макс Верстапен е трикратен последователен шампион во Формула 1 и е на добар пат да ја освои четвртата врзана круна во најбрзиот циркус.
Сепак, Зек Браун, првиот човек на Мекларен смета дека Холанѓанецот е местото каде што е единствено, благодарение на моќниот болид на Ред Бул.
„Мислам дека сега имаме шест или седум возачи кои би биле шампиони со Ред Бул. Иако возачките квалитети на Макс се неспорни, тој не би бил светски шампион во ниту еден друг болид, освен со Ред Бул“, истакна Браун.
Шампионатот во Формула 1 продолжува оваа недела со Големата награда на Монако во Монте Карло.