Спорт
Давид Хосе Писонеро е нов тренер на Вардар

Давид Хосе Писонеро (46) ќе го наследи сонародникот Гарсија Парондо на клупата на европскиот шампион Вардар, објави клубот на својата интернет страница. Писонеро во изминатите две сезони бил предводник на Валјадолид.
„Верувам дека клубот бараше некои карактеристики за наследник на Парондо во кои и јас се гледам себе си, и стил на игра што јас го негувам. Јас сакам да работам секојдневно и да размислувам така, и не гледам далеку пред себе. Горд сум што ќе бидам тренер на Вардар и што ќе бидам дел од Лигата на шампионите, изјави Писонеро.
Писонеро доаѓа од Валјадолид, каде работел во последниве две сезони. Претходно бил играч 12 години, од што девет сезони како дел од Валјадолид, Кантабрија и Адемар Леон.
Како тренер почнал во Валјадолид и му бил и тренер на Фернандо Хернандез. Во помладите категории бил првак на Шпанија со кадети и младинци. Бил и со репрезентацијата на Шпанија како дел од младинскиот тим на СП 1993 година во Египет.
Како играч двапати го освои Купот Асобал со Кантабрија и Валјадолис, и неколкупати бил вице-првак во неколку натпреварувања, вклучувајќи го Купот на ЕХФ и Купот на градовите, и тоа двапати со Валјадолид. Со Сантандер го освоил клупскиот светски куп во 1997.
Кариерата, поради повреда, ја завршил на 30 годишна возраст, во мај 2003 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шок за Грците во Лимасол, загубија од Босна и Херцеговина

Босна и Херцеговина ја победи Грција со 80:77 во третото коло, во Д групата на Европското првенство во кошарка.
Натпреварот во Лимасол, покажа дека Грција без Јанис Адетокумбо е просечна репрезентација. Еден од најдобрите играчи во светот, натпреварот го пропушти поради лесна победа на коленото.
И без Јанис, Грците почнаа добро, го контролираа натпреварот, а во втората четвртона дојдоа до највисоката предност 34:21. Од тој момент Босанците се разбудија, направија серија 18:0, не им дозволија на Грците пет минути да постигнат кош и на полувреме заминаа со предност 38:44.
На шесте поени предност Босанците надогради уште три на крајот од третиот период, со големи девет поени предност влегоа во решавачката четвртина.
Босна и Херцеговна о диктираше ритамо дојдоа до предност од 14 поени, која поради слободните фралања може да ја загубат до крајот.
Кошаркарите на Босна и Херцеговина во текот на мечот погодина само 13 од 27-те слободни фрлања, а во последните две ипол минути беа 11 пати на линијата за слободни, погодија само три.
Јусуф Нуркиќ повторно постигна дабл-дабл со 18 поени и десет скока. Исто толку поени постигна и Џон Роберсон, кој го одигра својот најдобар натпревар во првенството. Двоцифрен беше и Един Атиќ со 15, од кои 10 постигна во серојата 18:0 во втората четвртина.
Кај Грците, Слукас пуфрли 15 поени, додека Дорси имаше еден помалку.
Foto/ EPA
Спорт
Тен Хаг отказот го наплати со пет милиони евра

Челниците на Баер Леверкузен, немаа трпение со Ерик тен Хаг. Му врачија отказ на Холанѓанецот по само 62 дена. Тен Хаг го водеше Баер на три официјални натпревари, вкупно 27 минути.
Ниту еден тренер во историјата на Бундес лигата не добил отказ толку бргу. По тоа Тен Хаг ќе биде запишан во историјата.
Но, Баер ќе мора да го испплати Холанѓанецот, бидејќи договорот еднострано е раскинат.
„Билд“, објави дека Тен Хаг ќе добие обесштетување од 5.000.000 евра. Кога ќе се земе предвид дека седеше на клупата 62 дена, излегува дневно тој заработувал речиси 100.000 евра.
Foto/ EPA
Спорт
Карагер: Харизмата, шармот и добриот изглед се причините зошто Аморим се уште не добил отказ

Џејми Карагер има необична теорија зошто Рубен Аморим сè уште не е отпуштен од Манчестер јунајтед и покрај низата катастрофални резултати на „Олд Трафорд“. Поранешната ѕвезда на Ливерпул верува дека харизмата, шармот и добриот изглед на Аморим му помагаат на португалскиот тренер да ја задржи својата работа, пишува „Дејли Мејл“.
Зборувајќи за „The Overlap Fan Debate“, Карагер го објасни својот став.
„Постои голема желба Жозе Мурињо да се врати во англискиот фудбал, а причината е што тој секогаш зборуваше без „влакна“ на јазикот, но тој беше победник. Секогаш се сеќаваме на Брајан Клаф, кога бев дете и тој зборуваше, го слушавте затоа што беше победник.
Всушност, го гледам тоа и мислам дека ако Аморим не беше толку харизматичен на прес-конференциите, ако не беше толку убав маж, можеби ќе ја изгубеше работата многу порано. Кога ќе ги погледнете резултатите, тие се ужасни.“
Статистиката не е во корист на Аморим. Јунајтед ја заврши минатата сезона на разочарувачкото 15-то место во Премиер лигата, го загуби финалето на Лигата на Европа од Тотенхем и лошо ја започна новата сезона.
По поразот на домашен терен од Арсенал (0:1), следеше нерешен резултат со Фулам (1:1), а сето тоа кулминираше со шокантно испаѓање од Карабао Купот по поразот по изведувањето на пенали од членот на четвртата лига Гримсби Таун.
Тие тесно го победија Барнли, со гол од пенал во 97.минута (3:2), минатиот викенд.
Во 46 натпревари на клупата на Јунајтед, Аморим успеа да постигне само 18 победи и е под огромен притисок да ја задржи својата работа.
foto/ index.hr