Традиционалниот отворен меѓународен турнир во забрзан шах (популарно рапид) Алкалоид 2019 оваа година со нов рекорден број од 168 учесници од шест држави, од кои 32 со меѓународни титули, а покрај нив и голем број шахисти аматери и вљубеници во оваа игра.

Со освоени осум поени (седум победи и две реми) на врвот на турнирската табела се најдоа двајца велемајстори. По дополнителниот критериум, првото место му припадна на македонскиот репрезентативец ВМ Кирил Георгиев, а второто на ВМ Бобан Богосављевиќ од Србија. Зад нив следи група од 6 шахисти со по 7 поени ( од 9 партии), која ја предводеа членовите на ШК Алкалоид ИМ Филип Панчевски, ИМ Дејан Стојановски и ФМ Тони Лазов, потоа ВМ Горан Тодоровиќ од Србија, ИМ Никола Николовски (ШК Гамбит Ассеко) и ФМ Марио Ливаја од Србија.

На турнирот земаа учество и 39 јуниори до 18 години, од кои посебно се истакна 14годишните Стојан Велкоски од ШК Алкалоид и Ташев Александар од Бугарија со освоени 6 поени.

Најуспешна шахистка беше македонската репрезентативка и членка на ШК Алкалоид ФИДЕ Мајсторот Моника Стојковска со 5 поени.

Турнирот, кој се одржува осма година по ред, помина во беспрекорна организација, препознатливата позитивна, фер атмосфера, покрај со признак на шаховски празник кој ги следи настаните во организација на ШК Алкалоид.

Лос Анџелес Лејкерс забележаа нова победа во НБА-лигата. „Езерџиите“ предводени од своите супер ѕвезди Леброн Џејмс и Ентони Дејвис победија во Атланта. Во ноќта што измина одлични изданија имаа Србите Богдан Богдановиќ и Никола Јокиќ, односно Црногорецот Никола Вучевиќ.

Лејкерси против еден од најлошите тимови во лигата мораа да одиграат максимално сериозно за да забележат победа 101:96 над Атланта Хокс. Леброн Џејмс натпреварот во Атланта го заврши со 32 поени, 13 скока и седум асистенции, а Ентони Дејвис забележа 27 поени и 13 скока. Кај домашниот тим се истакна талентираниот плејмејкер Тре Јанг со 30 поени.

Лејкерс со скор од 24 победи и три порази заедно со Милвоки Бакс е лидер во НБА-лигата.

Деневер Нагетс имаше предност и од 20 поени против Њујорк Никс, но на крајот извојуваа тешка победа 111:105.

Српскиот центар Никола Јокиќ го предводеше Денвер до 19 победа во сезоната со 25 поени, 10 скока и пет асистенции. Ова беше шестиот меч во низа со дабл-дабл учинок за Јокиќ.

Неговиот сонародник Богдан Богдановиќ имаше речси перфектен шут во победата на Сакраменто над Голден стејт 100:79. Богдановиќ мечот го заврши со 25 поени (9/11 шут од поле, 4/5 тројки).

Орландо во Њу Орлеанс ги декласира Пеликанс со 130:119. Во тимот на Орландо по 20-дневната пауза се врати Никола Вучевиќ со учинок од 20 поени и девет скока. Интересно, Вучевиќ беше еден од осумтемина играчи на Орландо со двоцифрен број поени.

Арсенал вчера без да пружат отпор беа поразени од Манчестер сити (0:3). Привремениот тренер, Фреди Љунберг, на прес-конференцијата по мечот упатил јаса порака до челниците на клубот.

„И претходно им кажав дека мора да донесат некаква одлука. Јас и моите соработници сме тука да помогнеме колку што можеме, но време е некој да повлече потег бидејќи ова му штети на клубот. Ако треба да ме сменат нека го направат тоа, време е да дознаеме на што сме. Пер Мертесакер е тренер во академијата, тој сега во исто време е на две работни места. За мене е голема чест што сум на оваа позиција, но не знам уште колку ќе можеме вака. Час поскоро мора нешто да се направи“, рекол Љунберг.

Арсенал пред нешто помалку од еден месец му врачија отказ на Унаи Емери, но се чини дека во клубот нема јасна визија што треба да се прави понатаму.

Како наследници на Емери се споменуваат Масимилијано Алегри, Карло Анлелоти и Маурсио Покетино меѓутоа ова се само новинарски шпекулации, досега никој од челниците не проговорил околу името на новиот тренер.