Спорт
(Видео) Де Хеа „подари“ победа за Вест хем, местото во ЛШ за Јунајтед сè понеизвесно
Манчестер јунајтед доживеа уште еден гостински пораз, втор во низа, овојпат со 1:0 кај Вест хем јунајтед, по кое пласманот во топ 4 и место во Лигата на шампиони, кое сметаа дека веќе го имаат гарантирано сега е неизвесно, посебно по одличната форма на Ливерпул.
Клучниот момент се случи во 28. минута, кога Давид де Хеа, во својот 450. настап за Манчестер јунајтед, со што постави рекорд за еден голман на „ѓаволите“, реагираше катастрофално на обидот на Саид Бенрама, и дозволи „чеканите“ да дојдат во водство. И покрај тоа што во првото полувреме има повеќе шанси пред голот на домаќините, Јунајтед не направија доволно за да дојдат до гол, а нивната форма беше драматично лоша во финишот на второто полувреме.
Со поразот, Јунајтед остануваат на четвртото место на табелата со 63 поени, два зад Њукасл и само еден поен зад „забревтаниот“ Ливерпул. Њукасл и Јунајтед имаат по 34 меча, односно уште четири до крајот на сезоната, додека Ливерпул има 35 меча, односно три до крајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пулишиќ е повреден, нема да игра против Лацио
Кристијан Пулишиќ американскит репрезентативец и херој на неодамнешната победа во дербито против Интер ќе го пропушти претстојниот првенствен натпревар против Лацио, потврди тренерот Масимилијано Алегри.
На прес-конференцијата пред натпреварот, Алегри истакна дека Пулишиќ „веројатно нема да игра“, но остави мала можност за промена со оглед на тоа што остануваат уште два дена до натпреварот.
Тој нагласи дека остатокот од тимот е во добра состојба, но дека не сака да ризикува со Американецот, особено затоа што неодамна се опорави од повредата на тетивата.
Оваа ситуација е особено фрустрирачка за Милан бидејќи Пулишиќ штотуку се врати во полна форма по повредата здобиена за време на репрезентативните обврски во октомври.
И покрај тоа што пропушти четири натпревари, Пулишиќ беше клучен играч за Милан оваа сезона со седум гола и две асистенции во само 10 настапи во сите натпреварувања.
Спорт
(Видео) Нејмар ги игнорираше лекарските совети и му донесе на Сантос важна победа
Нејмар постигна гол и асистенција, а Сантос го победи Спорт Ресифе (3:0) во клучниот натпревар, во борбата за опстанок на славниот тим во бразилската Серија А.
Нејмар реши да игра и покрај проблемите со повредата на коленото и препораката од лекарите да не игра.
Тој беше во почетниот состав во натпреварот од 36-тото коло на бразилското првенство.
Игнорирајќи го советите на лекарите, тој продолжи да тренира во текот на неделата, а неговата решителност се исплатеше на теренот.
Нејмар го постигна првиот гол во натпреварот, а подоцна забележа асистенција.
Neymar is injured and yet still scoring to save Santos from relegation; football is not just a game. ❤️ pic.twitter.com/aOfzheOtj6
— 𝐌 (@MooreRMFC) November 29, 2025
„Физички сум добро, се чувствувам сè подобро и подобро. Оваа повреда е иритирачка, но нема да ме спречи да продолжам. Затоа сè уште играм. Сега е време да размислувам за Сантос, да размислувам за тоа Сантос да остане таму каде што заслужува да биде, во Серија А“, рече 33-годишниот Нејмар.
Со новите три бода, Сантос, во најлош случај, ќе го заврши овој викенд на 16-то место, веднаш над зоната за испаѓање, благодарение на подобрата гол-разлика од Интернационал.
Спорт
Педри се враќа во тимот на Барселона, Араухо ќе отсуствува
Тренерот на Барселона, Ханси Флик, изјави дека Педри ќе се врати на теренот на натпреварот против Алавес, додека капитенот Роналд Араухо нема да игра поради стомачни проблеми.
Педри го одигра својот последен натпревар на 26 октомври против Реал Мадрид, по што ја повреди левата нога, а Флик изјави дека шпанскиот фудбалер ќе игра против Алавес, но нема да биде стартер.
Тренерот на Барселона додаде дека Араухо нема да може да биде во тимот.
Флик истакна дека сите во тимот се чувствуваат лошо по поразот од 3:0 од Челзи во Лигата на шампионите и рече дека е оптимист за натпреварот против Алавес.
Фудбалерите на Барселона од 16:15 часот ќе го пречекаат Алавес во 14-то коло од Ла Лига. Барселона е на второто место на табелата во шпанското првенство со 31 бод, додека лидерот Реал Мадрид има 32.

