Спорт

Дејан Верон ја продолжи традицијата на своите татко и дедо во Естудијантес

Објавено пред

1 месец

- 9 март, 2021

Од

Естудијантес е еден од големите аргентински клубови со голем број славни имиња во своите редови во историјата, но клубот од Ла Плата е специјално поврзан со едно семејство – Верон.

Во 60-тите и 70-тите Хуан Рамон Верон беше една од ѕвездите во најуспешниот дел од историјата на клубот освојувајќи три последователни титули од Копа Либертадорес, а во 1968 и до славна победа над Манчестер јунајтед во интерконтиненталниот куп.

Три децении подоцна неговиот син, Хуан Себастијан Верон, ја почна блескавата кариера во повеќе европски клубови (меѓу кои и Јунајтед) пред да се врати во Ла Плата и да ја освои првата титула од Либертадорес по таа златна ера во 2009 година.

Сега тука е третиот Верон. Синот на Хуан Себастијан, 20-годишниот Дејан Верон, во текот на викендот дебитира за првиот тим на Естудијантес најавувајќи нова епизода во историјата. Доколку се чудите на името на младиот фудбалер (во оригинал Deian), тој го доби името по поранешниот соиграч на Верон од Интер, а сега тренер на Црвена звезда, Дејан Станковиќ.

Ваков семеен континуитет во еден клуб е многу редок. Даниел Малдини во февруари 2020 заигра за првиот тим на Милан за да ги следи стапките на својот татко Паоло и својот дедо Чезаре откако неговиот постар брат Кристијан не успеа во тоа.

Во Јужна Америка, пак, има два слични случаја. Уругвајскиот Пењарол беше дом на фудбалерот од средниот ред, Хуан Карлос Корацо, неговиот зет Пабло Форлан и неговиот внук Диего Форлан, кои добија статус на икони на клубот.

Во Буенос Аирес, пак, во тимот на Лос Андес е семејството Де Граса – Мануел де Граса, еден од првите фудбалери со африканско потекло во аргентинскиот фудбал, во 1938 година заигра за клубот, пред за него да играат и синот Абел и внукот Ернан.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Шпанците инсистираат дека ќе играат фудбал против „територијата на Косово“

Претходно

Беше дебелиот шампион – сега не е ни едното, но ни другото

Спорт

УЕФА се сомнева на два наместени меча во Србија

Објавено пред

43 минути

- 11 април, 2021

Од

TopSport.mk

УЕФА пратила порака до Фудбалскиот сојуз на Србија (ФСС) околу сомнеж за два наместени меча во оваа земја, поради високи уплати на кладилниците во Европа и Азија, тврди „Спортклуб“.

Вниманието на УЕФА го предизвикале големите парични средства уплатени на два натпревари минатиот месец, од кои на едниот имало неверојатни уплати на далечниот Исток во „обложување во живо“.

Според „Спортклуб“, неколку фудбалери се под сомнеж дека учествувале во местенката. Во Србија случајот ќе го испитува Светислав Ѓуровиќ, поранешниот полицаец, кој оваа година беше именуван за главен за интегритет на фудбалот во ФСС.

Прикажи повеќе...

Спорт

УФЦ: Дерн ја доби „битката на мајките“ со Нина Ансароф-Нунеш

Објавено пред

3 часа

- 11 април, 2021

Од

TopSport.mk

Нина Ансароф Нунеш имаше неуспешен камбек во УФЦ кафезот по речиси две години во аут, откако Мекензи Дерн стана фаворит за титулата во перо категорија со убедлива победа во првата рунда.

Ансароф Нунеш, инаку Американка со македонско потекло, стави пауза на кариерата во октомври 2019, за да стане првпат мајка со нејзината сопруга, УФЦ шампионката во бантам и перо категорија, Аманда Нунеш во септември.

Дерн, која исто така паузираше со кариерата да стане мајка во јуни 2019 година, ја запечати победата во последните секунди од првата рунда.

„Нема изговори. Се согласив за мечот бидејќи мислев дека сум подготвена. Ќе се вратам бргу. Благодарам до семејството и пријателите кои ми веруваа. Вечерва беше нејзина, но ќе се вратам“, напиша Нунеш на Инстаграм.

Прикажи повеќе...

Спорт

Куман лут: Не знам зошто имаме ВАР во Шпанија – Зидан: Ако не свирнал, нема пенал!

Објавено пред

3 часа

- 11 април, 2021

Од

TopSport.mk

Роналд Куман беше бесен по 2:1 поразот на Барселона во „Ел класико“ во саботата, прекинувајќи го интервјуто по мечот бидејќи сметаше дека Мартин Брејтвајт требал да добие пенал во 84. минута од мечот.

Поразот ги намалува шансите на Барселона за титула, откако Реал Мадрид ги помина на второто место, а Атлетико Мадрид остануваат лидери на само осум меча пред крајот.

„Навистина сме лути околу ситуацијата со пеналот. Тоа не е ферплеј. Не сфаќам како тоа не беше јасен пенал. Само барам судиите да ги направат вистинските одлуки. Не ни дадоа пенал, а потоа даде само четири минути продолжение и покрај тоа што судијата мораше да застане поради проблем со комуникацијата. Да беше 2:2 ќе беше поинаку. Навистина не знам зошто имаме ВАР во Шпанија“, изјави Куман.

Зинедин Зидан имаше едноставен одговор на овие зборови.

„Ако судијата не свирна пенал, тоа е бидејќи немаше пенал. Дополнителното време? Тоа може да биде три, четири, пет или шест минути. Судијата го одлучува тоа“, изјави Зидан.

La entrevista post partido a Koeman. #ElPartidazoDeMovistar https://t.co/2kXpZSDhJr pic.twitter.com/e013XMQbBq
— Fútbol en Movistar+ (@MovistarFutbol) April 10, 2021

This is a clear penalty
1. Mendy did not go for the ball
2. Mendy had contact with Braithwaite instead
3. Jordi Alba gets booked for complaining
4. Ronaldo Koeman gets booked for complaining
5. Where is VAR when you need them?
*Just spoiled El Classico for me pic.twitter.com/Znu1FyC1VQ
— Cule Stegen (@CuleStegen) April 10, 2021