Спорт
Дејвид Мојс: Јас сум победник, со Вест хем на долги патеки

Дејвид Мојс се врати на позицијата менаџер на Вест хем јунајтед во понеделникот, ветувајќи дека е „роден победник“ и дека гледа долгорочна иднина со тимот од источен Лондон.
56-годишниот поранешен тренер на Манчестер јунајтед ги спаси „чеканите“ од испаѓање кога беше шест месеци на чело на клубот во 2017/18, и се враќа во позиција во која Вест хем повторно е само 17. и го очекува лута борба за опстанок.
„Овојпат ќе осигурам сопствениците да немаат избор и да ми го обноват веднаш договорот. Тоа е мојот план и сега фудбалерите ќе треба да го реализираат“, вели Мојс, откако потпиша 18-месечен договор со клаузула за продолжување.
„Чеканите“ се решија за Мојс откако го отпуштија Чилеанеот Мануел Пелегрини, кој беше на чело на клубот 18 месеци. Покрај Пелегрини замина и директорот за фудбал, Марио Хусилјос. Во тимот на Мојс пак, ќе бидат неговиот шкотски сонародник Алан Ирвајн и поранешниот дефанзивец на „чеканите“, Стјуарт Пирс. Неговиот прв меч ќе биде против Бурнемаут на Нова Година.
Иако многумина се сомневаат во неговите квалитети, поранешниот шеф на Евертон, Манчестер јунајтед и Сандерленд вели дека е „роден победник“.
„Мислам дека има само двајца-тројца менаџери со подобар скор во Премиер лигата. Тоа го правам јас, победувам. И доаѓам во Вест хем по победи за да се вратиме на вистинската половина од табелата“, вели самоуверено Мојс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Се за пари – Виљареал и Барселона ќе играат во Мајами

Натпреварот од 17-то коло од шпанската Ла Лига помеѓу Виљареал и Барселона треба да се игра на 20 декември во Мајами, беше објавено на официјалната веб-страница на натпреварувањето.
„Одборот на директори на Шпанската фудбалска федерација (RFEF) денес го одобри барањето на Виљареал и Барселона натпреварот од 17-то коло од Ла Лига да се игра во Соединетите Американски Држави“, се вели во соопштението.
Формален домаќин на овој дуел ќе биде Виљареал. „Марка“, известува дека по ова одобрување, RFEF ќе поднесе барање до Европската фудбалска унија (УЕФА) за започнување на процесот на одобрување од страна на Меѓународната фудбалска федерација (ФИФА) натпреварот помеѓу Виљареал и Барселона да се игра на 20 декември оваа година на стадионот „Хард Рок“ во Мајами, во согласност со меѓународните прописи на ФИФА и имплементациските прописи одобрени од RFEF.
Истиот извор понатаму наведува дека ова ќе биде прв пат во историјата натпревар од Ла Лига да се игра надвор од Шпанија.
Финансиските детали за проектот не се објавени, но се претпоставува дека станува збор за поголема сума за Ла Лига и клубовите.
Новата сезона во Примера започнува веќе следниот викенд, на 15 август.
Спорт
Роналдо ќе се жени

Кристијано Роналдо наскоро ќе застане пред олтарот, објавуваат сите влијателни медиуми во Шпанија и Португалија.
По толку години „бегање“ од брак, суперѕвездата конечно ќе се ожени со својата долгогодишна партнерка Џорџина Родригез.
Токму таа се пофали со големиот прстен што го добила од него на социјалните мрежи и така информацијата стигна до јавноста.
Џорџина, која е по потекло од Аргентина, го запознала Роналдо додека работела во бутикот „Гучи“ во Мадрид, кога фудбалерот го носеше дресот на Реал Мадрид.
Од 2016 година, двојката е неразделна, а во меѓувреме добија две деца.
Фото/ Принтскрин
Спорт
ПСЖ го отстрани Донарума од екипата

Иднината на Џанлуиџи Донарума во Пари Сен Жермен е под голем знак прашалник.
Италијанскиот голман не е вклучен во составот на „Светците“ за натпреварот во среда против Тотенхем во Европскиот Суперкуп.
Донарума имаше една од клучните улоги во освојувањето на Лигата на шампионите, но Луис Енрике и клупските челници решија да го отстранат откако тој одби да го продолжи договорот. Договорот на Донарума со ПСЖ истекува наредното лето.
За 40 милиони евра, ПСЖ го донесе Лукас Шевалие од Лил, кој ќе биде прв избор, а тука се и Матвеј Сафонов и Арно Тенас.
Менаџерот на Донарума, Енцо Раиола е во контакт со гиганти како Манчестер јунајтед, Челзи и Интер, кои внимателно ја следат ситуацијата.
Минатата сезона, Донарума прими 43 гола на 47 натпревари, а во 17 од нив не прими гол.