Спорт
Во Дејвис-купот Русите подобри од шампионот Хрватска, Белгија преку Колумбија

Актуелниот шампион од Дејвис-купот, Хрватска, го загуби првиот меч од финалето во нов формат на тениското натпреварување кога Русија во Мадрид го победи со 2:0.
Андреј Рублев лесно со 6:3/6:3 го совлада дебитантот во тимот, Борна Гојо, по што Карен Хачанов со 6:7(4)/6:4/6:4 беше подобар од Борна Чориќ. Младиот Хрват спасуваше три брејк-топки во првиот сет пред да го освои во тај-брејк, но потоа Хачанов безмилосно со два брејка го освои мечот.
Сепак, ова не значи дека Хрватите се елиминирани бидејќи со новиот формат на натпреварување, креиран од ИТФ и од фудбалерот на Барселона, Жерард Пике, во финалето на Дејвис-купот настапуваат 18 репрезентации во 6 групи – покрај Хрватска и Русија, во таа група се и Шпанците. Во четврт-финалето ќе се пласираат победниците во шесте групи и најдобропласираните две втори репрезентации.
Белгија, пак, исто така стигна до стартна победа – Стив Дарси беше подобар од Сантјаго Хиралдо (6:3/6:2), а Давид Гофан со 3:6/6:3/6:3 го совлада Даниел Галан Риверос.
Victories secured for Belgium and Russia ✅
?? and ?? are still battling it out at Stadium 2 as Berrettini forces a decided against Shapovalov!#DavisCupMadridFinals pic.twitter.com/cQcL0Lrdvp
— Davis Cup (@DavisCup) November 18, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Баерн за Дијаз подготви 85 милиони евра

Баерн не се откажува од трансферот на Луис Дијаз од Ливерпул.
Германскиот шампион испрати понуда од 65 милиони евра пред неколку дена, но челниците на клубот од „Енфилд“ ја отфрлија без размислување.
„Билд“ тврди дека челниците на Баерн доцна синоќа испратиле понуда од 85 милиони евра, плус пет милиони евра бонуси, за колумбискиот репрезентативец, кој пред две недели донесе одлука да го напушти Ливерпул.
Многумина веруваат дека оваа понуда ќе биде прифатена и дека Дијаз ќе биде нов член на Баерн од понеделник.
Foto/ EPA
Спорт
Ѓокереш официјално е играч на Арсенал

Виктор Ѓокереш е новиот играч на Арсенал, 27-годишниот напаѓач денес ги помина медицинските тестови во Лондон и потпиша договор со гигантот од „Емирати“.
Најголемото воодушевување беше забележано кај Микел Артета, кој верува дека конечно доби напаѓач кој може да постигне најмалку 20 голови во една сезона.
„Воодушевени сме што го пречекуваме во клубот. Неговите голови зборуваат за него. Има толку многу квалитет, брз е, силен, со неверојатни бројки. Возбудени сме од она што може да ни го донесе. Нему и на неговото семејство му посакуваме добредојде во Арсенал“, рече Артета.
Патем, Џокерес го зеде бројот 14 во Арсенал.
Извонредниот Швеѓанец минатата сезона за Спортинг постигна 54 голови на 52 натпревари.
Арсенал за трансферот издвои 63,5 милиони евра, а дополнителни 10 милиони Спортинг може да заработи преку дополнителните бонуси.
Foto/ arsenal.com
Спорт
ПСЖ мора да го продаде Донарума

Каде ќе брани еден од најдобрите голмани во светот во новата сезона?
Како што стојат работите, тој нема да биде во Пари Сен Жермен. Како што објави „Фудбал Италија“, повикувајќи се на „Лекип“,бигантите од Манчестер, Сити и Јунајтед се вклучиј во трката за потписот на Џиџи Донарума.
Во последните денови, се повеќе се навестува дека иднината на Донарума во Франција е сериозно доведена во прашање. Неговиот договор важи само до 30 јуни 2026 година, а преговорите за продолжување се во ќорсокак.
Пари Сен Жермен не сака да дозволи уште една ѕвезда од тимот да си замине без обештетување и се чини дека затоа одлучиле да го продадат одличниот голман ова лето.
По тој повод, „Лекип“, пишува дека Манчестер Јунајтед и Сити им се придружија на Челзи и Галатасарај, кои беа поврзувани со Донарума уште претходно.
Доколку се врати во Серија А, единствените веројатни кандидати би биле Интер и Јувентус, наведува „Фудбал Италија“.
Италијанецот беше еден од најдобрите играчи на Пари Сен Жермен минатата сезона на патот кон освојување на Лигата на шампионите.
Во исто време, ПСЖ бара негов наследник, а изборот наводно паднал на Лука Шевалие, голманот на Лил.