Спорт
Деле Али: Добро сум, клубот ми даде слободен ден
Тренерот на Бешикташ, Шенол Гунеш, вчера одржа прес-конференција на која рече дека поранешниот англиски репрезентативец Деле Али (26) исчезнал во Турција. Али настапува за Бешикташ и не се појавил на тренингот во средата.
„Му дадовме неколку слободни денови, но не се врати. Го бараме на мобилен, не се јавува, се обидуваме да дојдеме до него. Се надевам дека не му се случило нешто и дека се е во ред со него“, изјави Гунеш.
Сепак, доцна Али се јави со објава на Инстаграм.
„Здраво момци, добив еден куп пораки, па сакам само да расчистам некои работи. Клубот ми даде слободен ден денес за да одам на доктор. Утре се враќам на тренинг, како што беше планирано”, напиша Али.
Али моментално е играч на Евертон на позајмица во Бешикташ. Турските и англиските медиуми пред неколку дена објавија дека Деле Али е исфрлен од тимот на Бешикташ и дека до крајот на сезоната ќе ги следи натпреварите од трибините. На крајот треба да се врати во Евертон.
Оваа сезона одигра 17 натпревари и постигна три гола, што е далеку од неговото поранешно ниво. Додека играше за Тотенхем пред четири години, Али беше најдобар млад играч во Англија и еден од најдобрите во Европа.
Тогаш неговата цена на Трансфермаркт изнесуваше до 100 милиони евра. Има 37 настапи за англиската репрезентација со која беше на Светското првенство во 2018 година. Неговата кариера веќе подолго време се движи по надолна линија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Спектакл на стартот на Ролан Гарос, Надал против Зверев – Ѓоковиќ во првото коло против Ербер
Попладнево во Париз со ждрепка е одреден костурот за вториот грен слем турнир во сезоната, Ролан Гарос.
Апсолутно дерби во првото коло ќе биде дуелот меѓу Рафаел Надал, кој настапува со специјална покана од организаторот и четвртиот тенисер на АТП листата, Александар Зверев.
Зверев и Надал последен пат на Ролан Гарос играа во 2022 година. Надал успеа да се пласира во финалето откако Зверев се здоби со тешка повреда на зглобот. Во моментот кога Германецот го предаде мечот Надал имаше предност во сетови 1:0, сетот го доби во тај-брејк со 10:8, а во втроиот сет резултатот беше 6:6.
Подоцна Надал лесно го победи Каспер Руд во финалето и ја освои 14. титула на Ролан Гарос.
Бранителот на титулата, Новак Ѓоковиќ за противник во првото коло го доби домашниот тенисер Пјер-Иго Ербер, кој како и Надал доби покана од организаторот.
Надал и Зверев се во делот од костурот каде што се наоѓа и Ѓоковиќ, а во оваа половина е и Даниил Медведев, кој во првото коло доби незгоден ривал во Германецот, Доминик Кепфер.
На другата страна од костурт се Карлос Алкараз и јаник Синер. Алкарас во првото коло ќе игра против квалификант, додека Јаник Синер за противник го доби го очекува Крис Јубенкс.
#RolandGarros Men’s Singles draw: pic.twitter.com/JAAF9YPTMT
— José Morgado (@josemorgado) May 23, 2024
Спорт
Челзи и Брајтон се заинтересирани за менаџерот на Ипсвич
Менаџерот на Ипсвич, Киран Мекена, најверојатно ќе ја одбие понудата да го продолжи договорот со клубот, откако Чесли и Брајтон покажаа интерес за него. Како што тврдат во Англија, благ фаворит за неговиот потпис е Челси.
Киран Мекена (38) има договор со Ипсвич до 2027 година, но има и големи амбиции во кариерата.
Според Би-би-си, Мекена викендов треба да се сретне со челниците на Ипсвич, но ќе ја одбие нивната понуда.
Би-би-си понатаму наведува дека Челзи е пред Брајтон, а ситуацијата во Манчестер јунајтед е покомплицирана отколку во овие два клуба бидејќи „црвените ѓаволи“ се уште не го кажале својот став за судбината на Ерик тен Хаг.
„Клубот кој ќе сака го доведе младиот менаџер прво ќе треба да му плати четири милиони фунти на Ипсвич, а со Мекена би пристигнал и неговиот помошник Мартин Перт.
Мекена ја доби наградата за менаџер на сезоната во Чемпионшип, а беше избран и за менаџер на годината во изборот на Здружението на професионални менаџери.
Мекена помина пет години во Манчестер јунајтед како асистент на Жозе Мурињо и Оле Гунар Солскјаер, пред да замине во Ипсвич во декември 2021 година.
Спорт
Баерн сѐ уште заработува од трансферот на Левандовски
Баерн Минхен се уште заработува од трансферот на Роберт Левандовски. Полјакот летото 2022 година од Баерн се пресели во Барселона.
Барселона за Левандовски плати 45 милиони евра. Во договорот што го потпиша постои клаузула дека Баерн ќе добива бонус од 1,25 милиони евра за секоја сезона во која ќе постигне најмалку 25 голови.
Минатата сезона, кога Барселона ја освои Ла Лига, постигна 33, а оваа сезона против Рајо Ваљекано го постигна својот 25 гол и повторно донесе пари во касата на Баварците.
Левандовски има договор со Барса до 2026 година и потенцијално може преку бонусите да му донесе на Баерн вкупно пет милиони. Иако има интерес од Саудиска Арабија, Левандовски потврди дека останува во Барселона.