Светската спортска јавност со голем интерес ги следи случувањата во случајот Манчестер сити. Клубот е обвинет за кршење на финансиските прописи.

Неодамна дојде до значителен напредок во истрагата за 115-те обвинувања против клубот, а Премиер лигата е предупредена да се подготви за сите можни сценарија.

Сити беше обвинет за прекршување на финансискиот фер-плеј од страна на управното тело на Премиер лигата, но клубот силно ги отфрла сите обвинувања. Формалното сослушување започна во септември, но конечната пресуда сè уште не е донесена од независна комисија. Новите извештаи сугерираат дека бројот на обвиненија ќе се зголеми на 130.

Доколку се потврди дека Манчестер сити ги прекршил финансиските правила, тоа ќе има големи последици за иднината на натпреварувањето во Премиер лигата.

Иако не е јасно какви казни ќе бидат изречени, постои можност независна комисија да препорача исфрлање на клубот од лигата. Сепак, доколку биде донесена ваква одлука, за не ќе треба да се изјаснат сите останати клубови во Премиер лигата.

„Правилото Б6 на Премиер лигата вели дека мора да се донесе специјална резолуција за исфрлање на клуб од натпреварувањето. За да биде спроведена треба да ја поддржат најмалку 15 клубови. Доколку Сити ги отфрли сите обвинувања, тоа ќе ја покаже слабоста на Премиер лигата во спроведувањето на правилата“, рече Арјаман Бањери, шеф на фудбалската администрација во Лејн Кларк и Пикок.

Првотимецот на Интер, Пјотр Зјелински ќе отсуствува неколку недели поради повреда на листот на десната нога, соопшти италијанскиот клуб.

Зјелински се повреди во саботата, при победата од 3:2 против Монца во Серија А. Тој влезе во игра во 70. минута, но мораше да го напушти теренот само три минути подоцна.

„Состојбата на полскиот играч за врска ќе биде проценета за неколку недели“, се вели во соопштението.

Зјелински сигурно ќе го пропушти утрешниот реванш осминафинален натпревар од Лигата на шампионите против Феенорд, со почеток во 21 часот во Милано. Тој оваа сезона одигра 33 натпревари во сите натпреварувања и постигна два гола.

Косопственикот на Манчестер јунајтед, Сер Џим Ретклиф, изјави дека некои играчи „не се доволно добри“ за клубот и дека некои од нив се „преплатени“.

Ретклиф, спомна играчите како Касемиро, Расмус Хојлунд, голманот Андре Онана, Антони и Џејдон Санчо, кои се на позајмица во други клубови, како фудбалери кои неговото раководство ги наследи.

Навивачите ги критикуваа овие играчи додека беа на „Олд Трафорд“.

„Потребно е време да се оддалечиме од минатото на ново место во иднината“, рече Ретклиф.

На прашањето дали сугерира дека овие фудбалери не се доволно добри за Манчестер јунајтед, тој одговори:

„Некои од нив не се доволно добри, а некои веројатно се преплатени, но за да формираме тим за кој сме целосно одговорни, ќе треба време. Како што знаете, имаме одлични играчи во тимот, капитенот е одличен фудбалер. Дефинитивно ни треба Бруно (Фернандеш), тој е фантастичен фудбалер“, рече тој.

Ретклиф е навивач на Манчестер јунајтед од дете, тој е британски милијардер и претседател на петрохемиската компанија Инеос, која е голем инвеститор во спортот.

Тој минатата година потроши 1,3 милијарди фунти за 28,94 отсто од акциите во клубот, а неговата компанија ги презеде фудбалските операции.

Зборувајќи за тренерот Рубен Аморим, кој го замени отпуштениот Ерик Тен Хаг во ноември, Ретклиф рече дека Португалецот има поддршка од раководството.

Аморим загуби девет од 26 натпревари во Премиер лигата, а тимот заостанува 36 бода зад лидерот Ливерпул.