Спорт
Квартараро може да биде крунисан во Мизано
Фабио Квартатро, возачот на Јамаха, во недела може да стане светски првак во кралската класа, во Мото ГП. Францускиот возач сигурно ќе го детронизира актуелниот првак Жоан Мир, доколку победи на трката за Големата награда на Емилија Ромања.
Трката во Италија нема да биде важна само поради можното крунисување на Квартараро туку и поради Валентино Роси. Најтрофејниот во овој спорт, последен пат во кариерата ќе вози пред домашната публика, во Мизано.
„Докторот“, најави повлекување по завршувањето на сезоната.
Постојат уште неколку сценарија според кои Квартараро може да ја освои титулата на домашната патека на Роси. „Ел Диабло“, во трката ќе влезе со предност од 52 поени пред Франческо Бањаја. Ќе ја освои титулата и доколку заврши втор, а Бањаја не победи.
Ова се останатите сценарија:
– ако Фабио биде трет, Бањаја не треба да биде пред него
– ако Фабио биде четврти или петти, Бањаја не смее да биде меѓу најдобрите тројца
– ако Фабио биде шести или седми, Бањаја не треба да биде во Топ 4
– ако Фабио биде осми, Бањаја не треба да биде во Топ 5
– ако Фабио биде деветти, Бањаја не треба да биде во Топ 6
– ако Фабио биде десетти, Бањаја не смее да биде во Топ 7
– ако заврши на 11.место, Бањаја не смее да биде меѓу најдобрите осум
– ако заврши како 12., Бањаја не треба да биде во Топ 9
– ако биде на 13.место, Бањаја треба да биде надвор од Топ 10
– ако заврши на 14.место, Бањаја не треба да биде меѓу најбрзите 11
– ако го освои 15.место, Бања не треба да биде 12 или подобро пласиран
– доколку Фабио не освои ниту еден поен, Бањаја не треба да биде меѓу најдобрите 13.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.
Спорт
Јунајтед стави 11 играчи на трансфер листата
Манчестер Јунајтед игра уште една лоша. Поради тоа Сер Џим Ретклиф и останатите челници на „црвените ѓаволи“ донеле радикална одлука, во летниот преоден рок на продажба ќе биде половина од тимот.
Шестото место, 53 бодови и 24 бодови зад лидерот Арсенал по 33 одиграни натпревари сигурно никого не задоволува на „Олд Трафорд“.
Покрај тоа, клубот го загуби финалето на Лига купот и заврши на четвртото место во групата на Лигата на шампионите во конкуренција на Баерн, Копенхаген и Галатасарај.
Пред неколку дена Манчестер Јунајтед на „мускули“, по изведувањето пенали го елиминираше Ковентри во полуфиналето на ФА Купот. За трофејот ќе игра против Манчестер Сити на 25 мај на Вембли.
Поради тоа во клубот донеле радикална одлука. 11 играчи ќе бидат ставени на трансфер листата и ќе можат да го напуштат клубот во летниот преоден рок.
На списокот има Во него има неколку звучни имиња:
Арон Ван-Бисака
Виктор Линделоф
Хари Мегваер
Рафаел Варан
Касемиро
Кристијан Ериксен
Антони
Дони Ван де Бек
Џејдон Санчо
Ентони Марсијал
Маркус Рашфорд