Спорт
Десетте најлоши напаѓачи во историјата на Реал – Тројца се од поранешна Југославија
Мадридскиот весник „АС“, објави листата на најлошите напаѓачи во историјата на Реал Мадрид. На него има десет имиња, тројца се од просторите на поранешна Југославија.
Реал Мадрид според многумина е најдобриот клуб во светот. Низ овој шпански клуб поминаа многу квалитетни напаѓачи, но некои од нив баш и не се прославија, па дури и не оставија сериозна трага.
На листата на шпанскиот весник „АС“, меѓу првите десет најлоши напаѓачи во историјата на Реал Мадрид, најпознато име секако е Николас Анелка. Французинот настапуваше за „кралскиот клуб“, во сезоната 1999/2000. Поранешниот француски репрезентативец не беше задоволен од третманот на тогашниот тренер Висенте дел Боске, дури во еден период и штрајкуваше.
Анелка му се приклучи на Реал од Арсенал во трансфер вреден 22,5 милиони фунти, иако во тоа време Арсен Венгер сакаше да го задржи во Лондон. На крајот одигра само 33 натпревари за Реал.
Се памети и доаѓањето на Антонио Касано, кој беше член на Мадрид од 2006 до 2008 година. Во тие две сезони акумулираше 29 настапи, постигна четири гола и имаше само три асистенции.
Во еден момент негов соиграч беше Хавиер Савиола. Аргентинецот играше во Реал Мадрид од 2007 до 2009 година, на 31 натпревар имаше пет гола и една асистенција.
На листата на десетте најлоши напаѓачи во историјата на Реал, тројца се просторите на поранешна Југославија.
Еден е актуелниот српски репрезентативец Лука Јовиќ, кој беше член на Реал Мадрид од 2019 до 2022 година, по што замина во Фиорентина. А во Мадрид дојде како големо засилување од Ајнтрахт. Реал за него плати 60 милиони евра.
Перица Огњеновиќ беше член на Реал Мадрид од 1999 до 2001 година, токму во периодот кога во Мадрид беше и Елвир Баљиќ, поранешен репрезентативец на Босна и Херцеговина.
Mon top 10 des PIRES attaquants du Real Madrid:
– Nicolas Anelka
– Antonio Cassano
– Javier Saviola
– Luka Jovic
– Edwin Congo
– Manolo Canabal
– Perica Ognjenovic
– Elvir Baljic
– Peter Dubosvky
– Federico Magallanes pic.twitter.com/l2K1YfInUn— 𝖡𝖾𝗇𝗓𝖾𝗆𝖺𝗆𝗈𝗌🐐🇩🇿🇵🇹 (@Benzemamos) August 4, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024
Спорт
Де Зерби заминува од Брајтон
Италијанскиот тренер Роберто де Зерби (44) ќе го напушти Брајтон на крајот од актуелната сезона, потврдија од клубот.
Де Зерби ќе се прости од навивачите на неделниот натпревар помеѓу Брајтон и Манчестер јунајтед.
Италијанецот го предводеше Брајтон од средината на септември 2022 година.
Ќе биде интересно да се види каде Де Зерби ќе ја продолжи кариерата. Медумите тврдат дека заминува бидејќи има понуда од некој поголем, посилен и поамбициозен клуб.
Спорт
(Видео) Баер без пораз ја заврши сезоната, дебакл на Баерн Минхен, Унион Берлин се спаси од испаѓање
Заврши сезоната 2023/2024 во Бундес лигата. Последното 34. коло го даде конечниот одговор на сите непознати. Најдраматично беше во борбата за опстанок, покрај Дармштад од лигата испадна Келн, а Бохум ќе игра бараж за опстанок против Фортуна Диселдорф. Унион Берлин на волшебен начин се спаси, победи против Фрајбург со 2:1 и покрај тоа што голманот на Франјбург одбрани два пенали. На табелата зад Баер Леверкузен заврши Штутгарт, а Баерн Минхен лошата сезона ја заврши со пораз кај Хофенхајм.
Унион Берлин сезонава играше во Лигата на шампионите, а во Бундес лигата едвај се спаси од испаѓање. Со победата над Фрајбург од 2:1, Унион го избегна баражот за опстанок. Фрајбург со овој пораз остана без место во европските купови и тажно се прости од тренерот Кристијан Штрајх (тој беше тренер на првиот тим од 2011 година).
Унион промаши два пенали но по вториот (го изведе Фоланд во 90+3. минута), Јаник Хаберер налета на топката трча и го постигна голот за опстанок.
Новиот шампион Баер Леверкузен ја заврши сезоната во голем стил, без ниту еден пораз. „Фармацевтите“ го пречекааа Аугсбург и победија со 2:1. Тоа беше 28-та победа во една незаборавна сезона, со шест ремија за тимот на Чаби Алонсо.
Финалистот во Лигата на шампионите, Борусија Дортмунд, убедливо го совлада одамна отпишаниот Дармштад, а капитенот Марко Ројс го постигна прошталниот гол на „Вестфален“.
.
И Штутгарт одигра сезона за паметење. „Швабите“ убедливо славеа над Борусија Менхенгладбах (4:0). Два гола постигна фантастичниот Гираси.
Баерн и во последното коло ги разочата своите навивачи и покрај тоа што кај Хофенхајм по само шест минути водеше со 0:2.
Баерн во второто полувреме со хет-трик го нокаутира хрватскиот напаѓач Андреј Крамариќ. Два од трите гола Крамариќ постигна по лошите рекции на Мануел Ноер.