Спорт
Двајца Англичани на врвот – Белингем има најголема вредност на фудбалскиот пазар
Фудбалерот на Борусија Дортмунд и англиски репрезентативец Џад Белингем има најголема вредност на фудбалскиот пазар, според истражувањето на Меѓунардониот институт за фудбалска историја и статистика (ЦИЕС).
Белингем е прв на листата од 100 фудбалери ширум светот со највисока проценета трансфер вредност според статистичкиот модел развиен од истражувачкиот тим на ЦИЕС.
Неговиот клуб Борусија Дортмунд потенцијално би можел да заработи до 208,2 милиони евра од продажбата на 19. годишниот англиски фудбалер. Со оглед на тоа што договорот на Белингем истекува во јуни 2025 година, ова најверојатно ќе биде преоден рок во кој Германците би можеле да остварат најголем профит.
Врз основа на сопствениот статистички модел, ЦИЕС ја процени вредноста на повеќе од 30.000 фудбалери во 75 лиги ширум светот.
Фудбалерот од средниот ред на Манчестер сити, Фил Фоден е втор на листата со вредност од 200,5 милиони евра. Напаѓачот на ПСЖ, Килијан Мбапе е трет со 190,7 милиони евра. Во првата петорка се и Винисиус Жуниор од Реал Мадрид и голгетерот на Манчестер сити, Ерлинг Холанд.
Exclusive @CIES_Football ⚽️ bi-annual list of top estimated transfer values for players 🌐 now published with @BellinghamJude at the 🔝 with €2⃣0⃣8⃣m ahead of @PhilFoden @KMbappe @vinijr & @ErlingHaaland 🤩👏🤑 Top 💯 👉 https://t.co/icSxsiiW3m pic.twitter.com/QEKGSVNO1j
— CIES Football Obs (@CIES_Football) January 5, 2023
Интересно е што Лионел Меси и Кристијано Роналдо не се вклучени во топ 100 најскапи играчи во светот според ЦИЕС.
Најмногу играчи во првите десет, по двајца, имаат Манчестер сити, Барселона и Реал Мадрид.
Топ 10 најскапи играчи според ЦИЕС:
1. Џуд Белингем (Борусија Дортмунд) – 208,2 милиони евра
2. Фил Фоден (Манчестер сити) – 200,5 милиони евра
3. Килијан Мбапе (ПСЖ) 191,7 милиони евра
4. Винисиус Жуниор (Реал Мадрид) – 190,5 милиони евра
5. Ерлинг Холанд (Манчестер сити) – 174,9 милиони евра
6. Педри (Барселона) – 170,2 милиони евра
7. Гави (Барселона) – 147,6 милиони евра
8. Џамал Мусиала (Баерн) – 145,1 милиони евра
9. Јошко Гвардиол (Лајпциг) – 125,8 милиони евра
10. Федерико Валверде (Реал Мадрид) 123,5 милиони евра
Највисока проценета вредност за играчите надвор од петте најсилни европски национални шампионати има аргентинскиот репрезентативец од лисабонската Бенфика Енцо Фернандеш (80 милиони евра).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Чави демантира дека ќе добие отказ
Тренерот на Барселона, Чави Ернандез ги демантираше пишувањата на шпанските медиуми дека раководството на клубот размислува да го отпушти.
„Клубот ми кажа дека треба да останам смирен и да продолжам да работам со истата мотивација и посветеност. Ништо не се смени“, изјави Чави на прес-конференцијата во пресрет на утрешниот натпревар со Рајо Ваљекано.
Речиси сите прашања се однесуваа на шпекулациите на шпанските медиуми дека претседателот Џоан Лапорта бил изнервиран од изјавата на Чави, кој рече дека ситуацијата е многу тешка, пред се на економски план, за да може екипата рамноправно да се борат против Реал и други. европски тимови.
По таа изјава медиумите објавија дека Лапорта ја разгледува можноста летово да го отпушти Чави.
„Не знам и не ми е грижа од каде доаѓаат тие информации. Имам поддршка од претседателот и Деко, нашиот спортски директор“, изјави тренерот.
Чави во јануари изјави дека ќе го напушти клубот на крајот на сезоната, но претседателот Лапорта го убедил да остане до крајот на договорот, во јуни 2025 година.
Во 2021 година Лапорта по вторпат се врати на чело на Барселона и наследи долг од повеќе од 1,3 милијарди евра.
Спорт
Три репрезентации му нудат државјанство на Французинот Олисе
Михаел Олисе се надеваше но не доби повик од францускиот селектор Дидие Дешам за ЕУРо 2024.
Овој 22-годишен крилен напаѓач зад себе има одлична сезона во Кристал Палас. Во Премиер лигата постигна 10 гола.
Сепак, Дешам за ЕУРо 2024 се реши за проверени имиња, па шанса пред Олисе добија Коман, Дембеле, Турам и Коло Муани.
Прашање е дали Олисе ќе има трпение да чека на повикот од Дешам.
Интересно во оој момент на него сметаат уште три репрезентации: Англија, Нигерија и Алжир.
Олисе играше за младинските селекции на француската репрезентација, а гореспоменатите репрезентации се подобни бидејќи е роден во Лондон од татко Нигериец и мајка која е Французинка со алжирско потекло.
Спорт
Кејн се мачи со повреда во пресрет на ЕП
Напаѓачот на англиската репрезентација и Баерн Минхен Хари Кејн (30) мака мачи со повреда на грбот во пресрет на Европското првенство кое од 14 јуни до 14 јули ќе се одржи во Германија. Кејн ќе го пропушти последниот натпревар на Баерн во Бундес лигата против Хофенхајм, поради проблем со грбот.
Кејн имаше проблеми со грбот и во пресрет на реваншот од полуфиналето на Лигата на шампионите против Реал Мадрид минатата недела, но покрај тоа што чувствуваше болка тој беше во тимот.
„Пробавме со инекции и терапија. но не помогна. Се влоши и тоа го чувствуваше во секојдневните движења. Немаше шанси воопшто да тренира“, изјави тренерот на Баерн, Томас Тухел.
На ЕП Англија ќе игра во група со Словенија, Данска и Србија. Тренерот Герет Саутгејт во вторник ќе го именува својот прелиминарен состав за турнирот.
Кејн постигна 44 гола во сите натпреварувања во неговата прва сезона во германскиот клуб, вклучувајќи четири хет-трика во Бундеслигата. Кејн со 62 гола е најдобар стрелец во историјата на англиската репрезентација.