Спорт
Почина италијанската легенда Џанлука Вијали
Поранешниот италијански фудбалер и тренер Џанлука Вијали почина на 58. годишна возраст. Вијали почина од рак на панкреасот.
Во текот на својата кариера играше за Кремонезе, Сампдорија, Јувентус и Челзи, од 1980 до 1999 година.
Во последната играчка сезона ја започна и својата тренерска кариера како играч-менаџер во Челзи, а потоа една сезона беше менаџер на Ватфорд.
Последните години тој беше неформален член на стручниот штаб на италијанската репрезентација, а состојбата му се влоши на почетокот на месецот кога беше примен во болница.
Шампион на Италија беше со Сампдорија и Јувентус со „старата дама“, ја освои и Лигата на шампионите, додека со Челзи ги освои англиските купови.
Брилијантниот напаѓач постигна 259 гола на 673 натпревари за клубовите за кои настапуваше. Тој се смета за еден од најдобрите и најконстантни италијански стрелци во својата генерација.
Беше комплетен напаѓач, динамичен, решителен, универзален, способен да игра на сите офанзивни позиции.
Вијали одигра 59 натпревари и постигна 16 гола за италијанската репрезентација, со која беше трет на Светското првенство во 1990 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Барселона потврди дека Чави добил отказ
Фудбалскиот клуб Барселона потврди дека Чави Ернандез повеќе нема да биде тренер на првиот тим.
Како што беше најавено, Џоан Лапорта не му ги прости критиките на Чави за лошата ситуација во клубот и денеска му врачи оставка.
Барселона на официјалниот сајт на клубот потврди дека Чави последен пат ќе седне на клупата против Севилја во недела.
„Фудбалскиот клуб Барселона му се заблагодарува на Чави за сè што направи како тренер, надградувајќи го она што го прави како играч и капитен. Клубот му ја посакува сета среќа на светот. Чави ќе го води тимот за последен пат време во недела на гостувањето кај Севилја. Во наредните денови Барселона ќе објави повеќе информации за новиот тренер“, соопшти Барселона.
Како што е познато, Лапорта и спортскиот директор Деко, постигнале договор со Ханси Флик, кој во понеделник ќе биде назначен за нов тренер.
Спорт
Бразилската мафија го принудила Пакета да добива жолти картони – Фудбалерот се соочува со 10-годишна суспензија
Скандалот „Пакетa“ ги тресе Англија и Бразил.
Репрезентативецот на Бразил и фудбалер на Вест Хем, Лукас Пакета е на мета на англиското обвинителство поради учество во нелегално обложување.
Англичаните утврдиле дека Пакета во четири наврати намерно добил жолти картони. Бразиелцот тврди дека не е виновен.
Англиските медиуми пишуваат дека доколку Пакета не ја докаже својата невиност може да добие суспензија од 10 години.
Бразилски медиуми, кои внимателно го следат случајот, тврдат дека Пакета, под закана од бразилската мафија, бил принуден да ги добива жолтите картони.
Еден од шефовите на бразилското подземје упатил серизно закани до Пакета и неговото семејство дека поради големиот број на уплети мора да добие жолти картони.
Засега нема докази, но се чини дека ова е само почеток на скандалот кој може да го одбележи летото во Англија и Бразил.
Спорт
Македонските ракометари во третиот шешир пред ждрепката за СП
Foto/ facebook.com/rfmofficial
Ракометната репрезентација на Македонија на 29 мај ќе ги дознае противниците со кои ќе се сретна во првата фаза на Светското првенство чии домаќини наредната година ќе бидат Хрватска, Данска и Норвашка.
На ракометниот Мундијал ќе учествуваат 32 репрезентации кои ќе бидат поделени во шест групи.
Во пресрет на ждрепката домаќините си одбраа по една група за себе и дополнително уште една група во која сместија по една репрезентација.
Надежите дека Хрватска ќе ја „стави“ Македонија во една од групите паднаа во вода откако Хрватите си ја избраа групата Х во Загреб, Словенија ја сместија во групата Г која исто така ќе се игра во Загреб, за Унгарија ја одбраа групата Д во Вараждин, а во Ц групата, во Пореч ќе игра Австрија.
Данска си ја избра Б групата, а Германија ја сместија во групата А, додека Норвежаните го избраа Осло и Ф групата, а на Шведкса и ја доделија групата Ф.
Ждрепката за Светското првенство во ракомент ќе се одржи на 29 мај, со почеток во 19.30 часот во Загреб.
Македонија е во третиот шешир заедно со Полска, Бразил, Катар, Аргентина, Куба, Јапонија и Алжир.