Спорт
Дест си оди од Барселона – Следна дестинација Минхен
Барселона во зимскиот преоден рок ќе се обиде да се ослободи од петмина фудбалери. На списокот што го составил спортскиот директор, Матеу Алемени заедно со тренерот Чави, се Филипе Кутињо, Лук де Јонг, Самјел Умтити, Сержињо Дест и Јусуф Демир.
Де Јонг, донесен по сугестија на Роналд Куман, како замена за Антоан Гризман, ќе биде вратен во Севилја. Демир, одигра неколку солидни натпревари, но Барселона нема намера да плати 10.000.000 евра, според договорот што го има со Рапид Виена, доколку напаѓачот одигра најмалку десет натпревари за првиот тим.
Тешко ќе оди продажбата на Кутињо и Умтити. Барса не одредила цена за Кутињо, но за секој клуб проблем претставува неговата плата. Умтити би го пуштиле бесплатно, но тој не сака да си оди. Реално, за фудбалер кој одиграл десет натпревари во последните две години, никој не покажува сериозен интерес.
Сигурно е само дека Дест ќе го напушти „Ноу Камп“. Чави порача дека за Американецот нема место во неговиот тим.
Медиумите пишуваат дека Дест ќе се пресели во Баерн Минехн.
Во летото 2020 година токму Баерн со Барселона се бореше за потписот на Дест. Американецот одбра кариерата да ја продолжи во Каталонија и очигледно погреши.
Јулијан Нагелсман сака да го види десниот бек во Баерн. Наводно клубовите се согласиле околу трансферот, останало само да ја договорат цената. Медиумите пишуваат дека Барселона ќе бара 25.000.000 евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.
Спорт
Енис Барди: Шпанците ме споредуваа со Меси
Капитенот на фудбалсата репрезентација на Македонија, Енис Барди, во интервју за „haber61.net“, зборуваше за периодот кога беше во Леванте. Потенцираше дека во еден период бил подбар изведувач на слободните удари од Лионел Меси.
„Навистина, бев подобар од Меси. Постигнав седум гола од 25 слободни удари, а Меси имаше осум од 52, имав многу подбар процент на реализација. Според процентот бев подобар. Да бидеме сериозни, прекрасно беше чувството што луѓето ме споредуваа со еден од најдобрите фудбалери на сите времиња. Се гордеев со тоа“, рече Барди.
Спорт
Клубовите се против – Шведска нема да воведе ВАР
Системот за видео анализа (ВАР) нема да биде воведен во Шведска, откако на оваа идеа се спротивтавиле фудбалските клубови, изјави во петокот претседателот на Шведската фудбалска федерација (SvFF), Фредрик Рајнфелд.
ВАР постојано беше во центарот на контроверзноста во лигите каде што беше воведен, со поплаки поврзани со неговата обемна анализа и одложувања кои често траат неколку минути.
Во јули 2023 година, Шведската професионална фудбалска лига, која ги претставува клубовите во првите две дивизии на шведскиот фудбал, соопшти дека мнозинството клубови во земјата „активно се противат“ на воведувањето на ВАР.
Рајнфелд, кој минатата година рече дека ВАР е „иднината“, беше критикуван од навивачите за неговиот став по ова прашање.
„Ако броев правилно, имаме 18 елитни клубови и два региони кои рекоа дека не сакаат да воведат ВАР. Ние тоа го почитуваме. Поради тоа не излеговме со овој предлог на претходниот состанок, а тоа нема да се случи ниту во иднина. Јас сум за почитување на демократските правила на играта“, изјави Рајнфелд, инаку поранешниот премиер на Шведска.