Спорт
Дест си оди од Барселона – Следна дестинација Минхен

Барселона во зимскиот преоден рок ќе се обиде да се ослободи од петмина фудбалери. На списокот што го составил спортскиот директор, Матеу Алемени заедно со тренерот Чави, се Филипе Кутињо, Лук де Јонг, Самјел Умтити, Сержињо Дест и Јусуф Демир.
Де Јонг, донесен по сугестија на Роналд Куман, како замена за Антоан Гризман, ќе биде вратен во Севилја. Демир, одигра неколку солидни натпревари, но Барселона нема намера да плати 10.000.000 евра, според договорот што го има со Рапид Виена, доколку напаѓачот одигра најмалку десет натпревари за првиот тим.
Тешко ќе оди продажбата на Кутињо и Умтити. Барса не одредила цена за Кутињо, но за секој клуб проблем претставува неговата плата. Умтити би го пуштиле бесплатно, но тој не сака да си оди. Реално, за фудбалер кој одиграл десет натпревари во последните две години, никој не покажува сериозен интерес.
Сигурно е само дека Дест ќе го напушти „Ноу Камп“. Чави порача дека за Американецот нема место во неговиот тим.
Медиумите пишуваат дека Дест ќе се пресели во Баерн Минехн.
Во летото 2020 година токму Баерн со Барселона се бореше за потписот на Дест. Американецот одбра кариерата да ја продолжи во Каталонија и очигледно погреши.
Јулијан Нагелсман сака да го види десниот бек во Баерн. Наводно клубовите се согласиле околу трансферот, останало само да ја договорат цената. Медиумите пишуваат дека Барселона ќе бара 25.000.000 евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Квитова го освои Мастерсот во Мајами

Чешката тенисерка Петра Квитова го освои Мастерсот во Мајами, откако во финалето ја совлада Елена Рибакина.
Во моментов 12. на ВТА листата до триумфот на Флорида стигна со резултат 7:6 (14), 6:2 по еден час и 42 минути игра.
Посебно драматичен беше првиот сет, кој беше решен по маратонски тај-брејк, во кој тенисерите влегоа по размена на брејкови во финишот.
Двете имаа по пет сет-топки, но Квитова беше таа која ја искористи својата и поведе во мечот.
На почетокот на вториот сет, во вториот гем, Квитова и го одзеде сервисот на својата ривалка, а со вториот брејк во овој сет, во осмиот гем, означи крај на мечот. Во вториот сет Квитова за уште еден степен го подогна нивото на подигна својата игра, одигра речиси без грешка. Во вториот сет направи само три неизнудени грешки, а имаше 12 винери,
Квитова на тој начин ја спречи Рибакина да го освои Мајами по Индијан Велс и да ја комплетира „Саншајн дабл“ турнејата.
Во машкото финале в недела од 19 часот се среќаваат Данил Медведев и Јаник Синер.
Спорт
Убедлив триумф на Барселона во Елче

Фудбалерите на Барселона ја оправда фаворитската улога и славеа убедлива победа на гостувањето кај последно пласираниот тим во Примера, Елче. Барса во Елче победи со 4:0 и ја зголеми предноста во однос на реал на 15 бода. Реал утре ќе го одигра својот натпревар од ова коло.
Во комбиниран состав, со Ерик Гарсија на позицијата на која незаменлив е Серхио Бускетс, Барселона отпорот на домаќинот го скриши во 20.минута. Стрелец беше Левандовски.
Повеќе од половина час се чекаше на следниот гол. По критиките што ги упати таткото Фати кон тренерот Чави, неговиот син се најде во стратната постава и постигна гол во 56.минута.
10 минути подоцна Левеновски го постигна својот втор гол, а точка на мечот стави Феран Торес во 70.минута.
Спорт
Јувентус ја победи Верона

Јувентс потешко од очекувањата ја порази Верона со 1:0, во последниот меч од саботната програма во Серија А. Стрелец на единствениот гол беше Мојс Кен.
Во 37. минута Јувентус ја погоди стативата преку Данило, а решавачкиот момент се случи во 56. минута.
Мануел Локатели одлично го одигра Кен, тој влета во вистинско време и рутински ја затресе мрежата на Верона.
До крајот на натпреварот по една добра шанса на двете страни.
Филипи Терачиано промаши за гостите во 83. минута, голманот Војичех Шченсни одлично реагираше, а четири минути подоцна не беше прецизен ниту Бремер на спротивната страна, шутираше високо над голот.
Јувентус се седми на табелата со 40 поени и со реални шанси и покрај казната да стигнат до четвртото место на табелата, додека Верона на 18. позиција има 19 поени.
Во следното коло Јувентус е домаќин на Лацио на 8 април, додека Верона истиот ден го пречекува Сасуоло.