Арсенал и Челси се пласираа во четврт-финалето на Англискиот лига куп по различни победи во вечерните мечеви како домаќини.

На „Емирати“, првиот гол го даде Калам Чејмберс во 55. минута, само што влезе во игра, за во 69. минута талентот Еди Нкетија да го удвои водството за уште една победа на препородените „топчии“ под Микел Артета.

Каи Хаверц им донесе водство на „сините“ во финишот на првото полувреме, но Саутемптон успеа да одговори во 47. минута преку Че Адамс за да примораат пенали. Во пенал серијата, Кепа Аризабалага му го одбрани пеналот на Тео Волкот, а откако и Мејсон Маунт не беше прецизен, во следниот обид Вил Смолбоун ја прати топката високо за победа на „сините“.

АНГЛИСКИ ЛИГА КУП, 1/8 ФИНАЛЕ

Арсенал – Лидс 2:0

Челси – Саутемптон 1:1, 4:3 пен.

Квинс Парк Ренџерс – Сандерленд 0:0, 1:3 пен.



Во драматичен меч, Барселона остана непоразена во Евролигата, откако во последната секунда Никола Миротиќ им донесе тесна 76:74 победа над Фенербахче во Истанбул.

Во израмнет меч, исходот беше решен во последните две минути, во кои Барса влезе со 70:66 водство по неспортскиот фаул над Јан Весели. Фенербахче не се откажа и благодарение на Весели, кој имаше 24 поени, ја намали разликата на два поени 74:72 на 41 секунди пред крајот. Во следниот напад, Брендон Дејвис не успеа да постигне поени, а Девин Букер одговори со забивање а да израмни на 74:74 на шест секунди до крајот.

Миротиќ, кој имаше само 8 поени во мечот, доби топка од Ник Калатес и го реши мечот во последната секунда. Хигинс имаше 18 поени, а Дејвис 16 за Барселона да остане на врвот на Евролигата со 6-0 скор, додека Фенербахче сега падна на само 2-4. Весели заврши со 24 поени и 8 асистенции, додека Марко Гудуриќ имаше 17 поени.

NIKOLA MIROTIC WINS THE GAME AT THE BUZZER AGAINST FENERBAHCE 😱 pic.twitter.com/6X08s9Xfuy

— Dionysis Aravantinos (@AravantinosDA) October 26, 2021

ЕВРОЛИГА, 6.КОЛО

Монако – Црвена звезда 70:62 (21:12, 20:24, 15:17, 14:9)

Фенербахче – Барселона 74:76 (20:15, 9:20, 19:14, 26:27)

Олимпијакос – Алба Берлин 87:83 (27:19, 25:23, 19:17, 16:24)

Макаби Тел Авив – Жалгирис 76:62 (16:20, 23:10, 19:16, 18:16)

Баерн Минхен – Олимпија Милано 83:77 (21:24, 18:15, 20:15, 24:23)

Милан, неочекувано, продолжи со одличниот старт на сезоната во Серија А, победувајќи ги Торино со 1:0 на „Сан Сиро“ за да остане сам на врвот на табелата, барем до мечот на Наполи со Болоња в петок.

„Росонерите“ дојдоа во водство во 14. минута од мечот, кога по корнер на домаќините, Жиру се најде на вистинското место во шестнаесетникот и ја протна топката во голот на Сипријан Татарушану.

Со победата, деветта во 10 кола во Серија А, Милан има 28 поени, пред Наполи со 25 и Интер со 18 поени, додека Торино се 13. со 11 поени.

🎥 | Giroud’s goal against Torinopic.twitter.com/rupZxgsFXB

— Milan Eye (@MilanEye) October 26, 2021

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-33-37475”));