Спорт
Дибала се договорил со Интер

Интер е се поблиску до склучување договор со Пол Дибал, пишува „Газета дело Спорт“. Договорот на Дибала истекува на 30.јуни и тој како слободен играч ќе си замине од Торино.
За 28-годишниот Аргентинец се заинтересирани клубови како Атлетико Мадрид, Манчестер јунајтед и Тотенхем, но „Газета дело Спорт“ истакнува дека фудбалерот ќе ја продолжи кариерата во Интер.
Последниот состанок наводно бил одржан минатата недела, а Газета потенцира дека Дибала чувствувал дека е предаден од Јуве и дека не сака да ја напушти Италија.
„Дибала имаше годишна плата од седум милиони евра во Јуве. Интер му нуди помалку – шест милиони со бонуси – но и централна улога во проектот на тренерот Симоне Инзаги. Раководството на клубот од Милано мора да обезбеди пари пред да излезе со конкретна понуда. но изгледа како Дибала е решен да потпише како слободен агент“, објави „Газета дело Спорт“.
Парите за платата на Дибала Интер ќе ги обезбеди со заминувањето на Артуро Видал, Матијас Весино, Алексис Санчез и Стефан де Фрај.
„Дибала ќе биде еден од најплатените играчи во Интер, заедно со Марсел Брозовиќ и Лаутар Мартинез“, заклучува „Газета дело Спорт“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Борко Ристовски: Горд сум на овие ракометари на Вардар

Ракометарите на Вардар ја освоија двојната круна во Македонија, откако денеска триумфираа против Тиквеш (37:25) и го потврдија шампионскиот пехар.
Искусниот голман Борко Ристовски вели дека сезоната беше турбулентна, но вардарци на крајот ја комплетираа со двоен триумф, и во првенството и во Купот.
„Ова беше една турбулентна сезона со успеси и со падови, но Вардар сепак ја покажа големината. Успеавме да ја освоивме двојната круна и горд сум на овие ракометари. Ќе се обидеме да дојдеме до подобри резултати следната сезона и во Лигата на шампионите“, изјави Борко Ристовски.
Спорт
Наташа Андонова уште две години во дресот на Леванте

Најдобрата македонска фудбалерка, Наташа Андонова, ќе биде членка на шпанскиот прволигаш Леванте и во наредните две сезони. Таа денеска потпиша нов двегодишен договор со клубот.
Андонова е фудбалерка на Леванте од 2019 година каде пристигна од редовите на Барселона.
Пред да се пресели во Шпанија, Наташа Андонова настапуваше за ПСЖ, Розенгард и за Турбине Потсдам. Кариерата во Македонија ја почна во Тиквешанка, а потоа настапуваше и за Борец Велес.
View this post on Instagram
Спорт
РК Вардар го прегази Тиквеш и го потврди 15. шампионски пехар (ФОТО)

Македонскиот ракометен првак Вардар ја освои двојната круна оваа сезона, откако денеска со триумфот против Тиквеш (37:25) го потврди и шампионскиот пехар во првенството. „Црвено-црните“ претходно успеаја да слават на гости против Еурофарм Пелистер и во последните три кола од Суперлигата рутински го потврдија освојувањето на 15. трофеј.
Вардар и Пелистер завршуваат со идентичен број бодови, но „црвено-црните“ имаат подобар меѓусебен биланс во дуелите.
Тимот на Давид Дејвис денеска немаше проблеми против Тиквеш, се беше познато уште по првото полувреме кога вардарци обезбедија предност од 18:10.
Најефикасни на мечот беа Тимур Дибиров и Филип Талески со по десет гола.
Фото: Игор Паневски