Спорт
Дијаз во Баерн за петпати поголема плата

Колумбискиот напаѓач Луис Дијаз официјално ќе го засили Баерн во наредните денови.
Дијаз во текот на денот ќе слета во Минхен, каде што ќе се сретне со челниците на клубот, а медицинските прегледи се планирани за вторник. Потоа ќе следи официјализирање на трансферот вреден 75.000.000 евра со бонуси.
Дел од германските медиуми, во меѓувреме го објавија и финансискиот дел од договорот. Дијаз ќе има годишна плата од 14.000.000 евра, што е речиси пет пати повеќе од она што го имаше во Ливерпул. Таму заработуваше 2.700.000 по сезона.
Популарниот Лучо постигна 41 гол и асистираше уште 23 пати во 148 натпревари.
Фото/ Принскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ас: Неочекувана драма во Реал

Реал Мадрид е најдобриот клуб во светот, но неговата соблекувална никогаш не била и никогаш нема да биде најлесната за управување во професионалниот елитен фудбал. „Ас“ пишува за неочекуваната драма во Реал.
Посетата на Алмати ги ублажи раните по градското дерби против Атлетико, но тренерот Чаби Алонсо се врати од Казахстан со два големи проблеми:
Винисиус, кој повторно протестираше кога беше заменет, и Валверде, кој не играше ниту една минута и отворено го покажа своето незадоволство.
Ситуацијата со Уругваецот е најнеочекувана и има одредена драма зад сцената. Како што дознава „Aс“, Чаби го тестирал Валверде како десен бек на тренингот поради отсуството на Карвахал и Александер-Арнолд.
Покрај тоа, Валверде беше избран да зборува со печатот пред натпреварот, а клубот традиционално му ја дава таа чест на играч кој ќе биде во почетниот состав. Сепак, тој заврши на клупата.
Уште полошо, за време на загревањето, тој беше единствениот од резервните играчи кој не учествуваше во рондото, туку се повлече на клупата. Во продолжението од натпреварот, се случи нешто слично.
Додека Белингам и Камавинга се загреваа покрај аут-линијата, Валверде само стоеше до нив, со рацете зад грб.
Тешко е да не се поврзе оваа мала претстава со пораката на Валверде по победата од 2-1 против Марсеј, кога откри дека разговарал со Чаби за тоа да не игра на позицијата десен бек и неговата повторена изјава во Алмати: „Не сум роден да играм на позицијата десен бек“.
„Одеднаш се јавува недостаток на разбирање помеѓу тренерот и вториот капитен на Реал, што е лоша вест“, пишува „Ас“.
Спорт
Проблем за Црвене звезда – Риверо во аут до Нова година

Центарот на Црвена звезда, Хасиел Риверо, ќе биде надвор од терените околу три месеци, неофицијално дознава српскиот „Спорт Клуб“.
Во средината на втората четвртина од натпреварот со Армани Милано, на отворањето на сезоната во Евролигата, Риверо доживеа сериозна повреда на стапалото, што е нов голем удар за црвено-белите.
Прегледите што биле извршени покажаа дека кубанскиот кошаркар ја скршил метатарзалната коска и, во најдобар случај, ќе биде подготвен на крајот од годината.
Повредата на Риверо е само најновата во низата проблеми за тимот на Јанис Сферопулос.
Шансите Ајзеа Кенан да се врати на теренот оваа сезона се минимални, бидејќи го оштети предниот вкрстен лигамент на коленото и ќе патува во САД на операција во наредните денови.
Што се однесува до другите повредени играчи во црвено-белите редови, а ги има многу, во најдобра ситуација е Огњен Добриќ, кој ќе мора да паузира уште десет дена. Капитенот на Звезда го повреди грбот на дуелот со Финска во осминафиналето на Евробаскетот.
Девонте Греам ќе биде надвор од терените уште три до четири недели поради повреда на глуждот, па ќе мора да носи „чизма“ некое време. Урош Плавшиќ го извитка зглобот и ќе отсуствува уште еден месец.
Црвена звезда ќе го игра својот следен натпревар во четврток во 20:30 часот против Баерн во Минхен.
Фото/ Принтскрин
Спорт
Силва за договорот: Знам точно што ќе правам, но сега не е време

Бернардо Силва, еден од клучните играчи на Манчестер Сити, отворено проговори за својот договор, кој истекува во јуни. Иако иднината на португалскиот играч од средниот ред е тема на бројни шпекулации, тој вели дека не е време за јавни соопштенија.
„Знам точно што ќе правам, но сега не е време да зборувам за тоа“, изјави Бернардо, јасно ставајќи до знаење дека одлуката ќе ја зачува кога ќедојде вистинскиот момент.
Во моментов, фокусот на 28-годишникот е на она што е најважно, враќањето на Сити на врвот.
„Сега е време да се концентрирам на Манчестер Сити и да дадам се од себе за да го вратам клубот таму каде што припаѓа“, рече Силва.
Силва е еден од најважните играчи во тимот на Пеп Гвардиола во изминатите сезони, честопати решавајќи клучни натпревари со својот квалитет и енергија. Сепак, интересот за неговите услуги не се намалува, а медиумите шпекулираат за можни понуди од шпанската Ла Лига, како и од други европски гиганти.