Спорт
Дивјачки напад над фудбалска судијка во Аргентина

Од Аргентина ни доаѓа видео со несфатлива агресија на фудбалските терени откако фудбалерот Кристијан Тироне ја нападна судијката Далма Магали Кортади предизвикувајќи хаос на теренот.
Во провинцијата Гонзалез Чавез во Буенос Аирес, на мечот помеѓу Депортиво Гарменсе, кои имале 2:1 водство против Индепеденсија де Чавез, кога Кортади досудила фаул за противниците на Тироне, Индепеденсија, тој ја загубил контролта и ја удрил Кортади одзади. Мечот беше веднаш прекинат, а полицијата веднаш го уапси насилникот.
Според спортскиот весник „Оле“, Тироне е во притвор во локалната полициска станица, а Кортади завршила во болница поради ударот во главата. Таа, сепак, ветила дека ќе продолжи со својата кариера.
„Најважно е правдата да биде задоволена и тоа да не се повтори ниту мене ниту на кој било друг судија. Не е важен мојот пол. Сите одиме на работа и си ја вршиме нашата професија со љубов. Сакам само овој човек да плати за она што го направи“, изјавила Кортади.
Cristian Tirone es el jugador de fútbol que le pegó a traición, desde atrás y en la cabeza a la árbitro del partido que jugaban Independencia de Chávez y Deportivo Garmense. El jugador fue aprehendido y será indagado por lesiones en el marco de un espectáculo deportivo. pic.twitter.com/P801psbThC
— Mauro Szeta (@mauroszeta) August 1, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Евертон ги казни грешките на Трипие – Пораз на Њукасл на Гудисон парк

Евертон го декласира Њукасл со 3:0 во 15.коло, во Премиер лигата. Со овој триумф, Евертон и покрај минусот од 10 бода, излезе од опасната зона. Зад него на табелата се Лутон, Барнли и Шефилд јунајтед.
Мечот на Гудисон парк беше решен во последните 10 минути, кога Киран Трипие им овозможи на домашните да постигнат два гола.
Англискиот репрезентативец направи две катастрофални грешки во 79. и 86.минута, кои ги казнија Мекнил и Дукуре.
Точка на натпреварот со првиот гол во Премиер лигата, стави португалскиот напаѓач Бето во 96.минута.
Спорт
Загреб победи во Битола – Пелистер остана на нула во ЛШ

facebook.com/hceurofarmpelister
Ракометарите на Еурофарм Пелистер се упте се без победа и без освоен бод во Лигата на шампионите. Во 10.коло, Еурофарм Пелистер доживеа пораз од Загреб 22:23 (10:13). Македонскиот шампион заедно со Целје се двата тима кои се без победата.
Пелистер вечерва веројатно ја пропушти последната шанса да запише триумф во Лигата на шампионите, во тоа ги спречи голманот Мандиќ кој со 20 интервенции беше најдобар на теренот.
Загреб имаше предност во текот на целиот натпревар, Пелистер имаше шанса но не ја искорсити. Во 39.минута „зелените“ изедначија на 18:18, но не и да направат пресврт. Загреб врати со два брзи гола и до крајот не го испушти водството.
Најдобри во редовите на Пелистер голманот гебдан со 14 одбрани и Кузмановски со осум гола.
Спорт
Интер му нуди нов договор на Лаутаро Мартинез

Извршниот директор на Интер, Џузепе Марота изјави дека клубот му нуди продолжување на договорот на аргентинскиот репрезентативец Лаутаро Мартинез.
Мартинез (26) во Интер пристигна во 2018 година од Расинг за околу 25 милиони евра. Тој има договор до 30 јуни 2026 година, а оваа сезона има постигнато 15 гола на 19 натпревари во сите натпреварувања.
„Се обидуваме да го продолжиме договорот со Мартинез на уште пет години. Преговараме со Лаутаро, а добро е што тој го има она големо чувство за припадност кон овој клуб, што во модерниот фудбал навистина не е за потценување“, изјави Марота.
Аргентинскиот напаѓач одигра 257 натпревари за Интер и постигна 117 голови. Со клубот освои пет трофеи.
Мартинез за аргентинската репрезентација настапи на 54 натпревари и постигна 21 гол.