Спорт
Џејдон Санчо ја предводи топ-листата на најветувачки фудбалери родени во 2000 година

ЦИЕС Фудбалската опсерваторија, организација што врши фудбалски анализи и дава интересни ранг-листи, ја објави листата на најветувачките млади фудбалери, односно оние што се родени во 2000.
Овој пат рејтингот е направен според клучното искуство во домашните лиги, како и учеството на младите фудбалери во глобалните натпреварувања.
Прв на листата е англиската ѕвезда на Борусија Дортмунд, Џејдон Санчо, пред уште двајца фудбалери што играат во Бундеслигата, Канаѓанецот Алфонсо Дејвис во Баерн Минхен и соиграчот на Санчо во Борусија, Норвежанецот Џејдон Санчо.
На табелата на фудбалери родени во 2001 година на врвот се двајца англиски фудбалери – Букајо Сака (Арсенал) и Мејсон Гринвуд (Манчестер јунајтед), а врвот за фудбалерите родени во 2002 го има Педри Гонзалез од Барселона пред Леонидас Стергиу од Санкт Гален. За родените по 2003 година, прв на листата е уште еден фудбалер на Борусија Дортмунд, Англичанецот Џуд Белингам.
ТОП-20 НАЈВЕТУВАЧКИ МЛАДИ ФУДБАЛЕРИ
1. Џејдон Санчо (Борусија Дортмунд)
2. Алфонсо Дејвис (Баерн Минхен)
3. Ерлинг Халанд (Борусија Дортмунд)
4. Свен Ботман (Лил)
5. Винисиус Жуниор (Реал Мадрид)
6. Педро Нето (Вулверхемптон)
7. Фил Фоден (Манчестер сити)
8. Феран Торес (Манчестер сити)
9. Дејан Кулушевски (Јувентус)
10 .Џонатан Дејвид (Лил)
11. Сержињо Дест (Барселона)
12. Макс Аронс (Норич)
13. Илан Меслие (Лидс)
14. Максенс Лакроа (Волфсбург)
15. Весли Фофана (Лестер)
16. Себастијан Валукевич (Каљари)
17. Орелиен Чуамени (Монако)
18. Абнер Винисиус (Параненсе)
19. Сандро Тонали (Милан)
20. Моисе Кин (Пари Сен-Жермен)
Issue number 3⃣2⃣8⃣ of the @CIES_Football Weekly Post presents the most promising youngsters worldwide ? @Sanchooo10 ??????? leads the table for players born in 2000 ahead of @AlphonsoDavies ?? & @ErlingHaaland ?? ? Full tables ➡️ https://t.co/1ujiaQ7K3b pic.twitter.com/VekTT4K8id
— CIES Football Obs (@CIES_Football) March 8, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Тепачка на фудбалски натпревар во Штип, повредени се двајца

Инцидент го прекина првенствениот фудбалски натпревар на првото коло од Републичката пионерска лига меѓу штипска Брегалница и скопско Шкупи, кога на фудбалското игралиште „Бело Брдо“ во Штип возрасна публика од Скопје влезе на теренот, а еден од напаѓачите со клоци удирал по двајца млади фудбалери од домашната екипа. Како што пренесува СДК.мк, инцидентот се случи во последната минута од напреварот за деца родени 2010 година, по еден прекршок меѓу младите фудбалери.
Министерството за внатрешни работи информира дека е уапсен 43-годишен родител по денешниот инцидент на фудбалскиот натпревар меѓу екипите на фудбалските клубови „Шкупи“ и „Брегалница“ на стадионот „Бело Брдо“ во Штип, во кој беа повредени двајца фудбалери на возраст од 15 години на ФК „Брегалница“.
– Денеска (24.08.2025) во СВР Штип било пријавено дека на игралиштето „Бело Брдо“ во Штип, за време на одигрување на фудбалски натпревар помеѓу младинските екипи на ФК „Брегалница“ од Штип и ФК „Шкупи“ од Скопје, А.А.(43) од Скопје, родител на фудбалер од ФК „Шкупи“, физички нападнал двајца малолетници од Штип, фудбалери на ФК „Брегалница“, и им нанел повреди. Веднаш по нападот, полициски службеници од СВР Штип го лишиле од слобода А.А., а малолетниците биле пренесени во Клиничка болница Штип за укажување помош, се вели во соопштението на МВР.
Известен е јавен обвинител и се преземаат мерки за целосно расчистување на настанот, по што ќе бидат поднесени соодветни пријави.
Домашната управа бара од Фудбалската федерација казни за ваквите влетувања на луѓето на теренот, а од гостинската публика и да преземе мерки во иднина да не се даваат вакви лоши примери на младите фудбалери.
Спорт
Манчестер јунајтед постигна договор со голманот на Антверпен

Манчестер јунајтед, до крајот на преодниот рок ќе го реализира трансферот на белгискиот голман Сене Ламенс од Ројал Антверпен. За услугите на 23-годишниот голман клубот од „Олд Трафорд“ ќе плати 20 милиони евра. Ламенс, досега има повеќе од 50 настапи за Антверпен откако се приклучи од Клуб Бриж пред две сезони.
Неговата вредност значително порасна во последните месеци благодарение на неговата форма и неговиот статус како член на белгиската репрезентација до 21 година, а многу аналитичари го нарекуваат еден од најперспективните голмани во Бенелукс.
Планот на Манчестер јунајтед е со доаѓањето на Леменс да ја зголеми конкуренцијата на голманската позиција, а не да биде непосредна замена за првиот голман Андре Онана.
Тренерот Рубен Аморим јавно го изрази своето задоволство од сегашниот голмански кадар, но раководството на клубот е свесно за можното заминување на Онана на Африканскиот куп на нации на почетокот на 2026 година и бара долгорочна сигурност.
Спорт
Рома и Ливерпул во преговори за Цимикас

Рома започна преговори со Ливерпул за траснферот на Костантинос Цимикас. Рома сака да издејствува позајмица со задолжителен откуп на договорот наредното лето.
Грчкиот лев бек нема многу шанси да добие поголема шанса во редовите на шампионите на Англија оваа сезона, особено по доаѓањето на Милош Керкез, а тука е и Енди Робертсон, кој претходно имаше предност пред него.
Затоа, трансфер во Рома изгледа како идеално решение за овој играч. Засега не се споменуваат бројки, но се нагласува дека „волчицата“ е решена да го реализира трансферот.
Новиот тренер на Рома, Џанпјеро Гасперини, инсистира на дополнително засилување на тимот до крајот на преодниот рок, тоа го истакна по синоќешната победа над Болоња со 1:0 во првото коло од Серија А.
Против Болоња, Гасперини играше во формација со тројца во одбраната, а Анхелињо, со кого Цимикас веројатно ќе се бори за место во тимот, дејствуваше како винг бек по левата страна.
Цимикас има 29 години и игра за Ливерпул од 2020 година.