Спорт
Џенова се спаси со автогол, Елмас „лош домаќин“ на Нестор-гол

Вечерва тројцата македонски фудбалски репрезентативци кои настапуваат во Серија А беа на теренот.
Џенова на капитенот на Македонија, Горан Пандев стигна го исклучително важни 3 бода во борбата за опстанок и тоа против директниот конкурент, тимот на Лече. Џенова славеше победа со 2-1.
Санабрија уште во 7 минута погоди за домашно водство од 1-0.
Гостите во 45 минута имаа можност да го израмнат резултатот од белата точка, но пеналот не го искористи Манкосу.
Сепак, во вториот дел истиот играч, во 60 минута погоди за 1-1.
Џенова имаше иницијатива, а помош добија од противничкиот голман Габриел. По еден шут кон неговиот гол, топката удри во стативата и се врати во поле, но притоа го удри него во раката и заврши во мрежата.
Горан Пандев го напушти теренот дури во 91 минута.
Оваа победа ја крена Џенова на 4 бода над опасната зона, на 4 кола до крајот на Серија А.
Во мечот меѓу двајцата мекедонски фудбалери Наполи на Елиф Елмас со гол во 95 минута славеше победа против Удинезе на Илија Несторовски – 2-1. Нестор-гол го одигра целиот меч кај гостите, додека Елмас во игра влезе во 80 минута.
Гостите од Удине водеа на овој меч. Де Пол погоди за 0-1 во 22 минута.
Само што влезе во игра на местото на Мертенс, во истата минута Милик погоди за 1-1, во 31 минута.
Овој резултат беше актуелен се до самиот финиш, а кога играчите на Удинезе се понадеваа дека со еден бод се враќаат од тешкото гостување, Политано со одличен удар во 95 минута ги остави сите 3 бода во Неапол.
Со овој пораз Удинезе пак падна близу до опасната зона, со +2 бода од Џенова и на плус 6 од Лече кој е во зоната која води во Серија Б.
На останатите мечеви во истиот термин, Бреша го совлада СПАЛ со 2-1, а Фиорентина беше подобра од Торино со 2-0.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ѓоковиќ со мали проблеми успешно стартуваше на Вилблдон

Фото/ EPA/NEIL HALL
Новак Ѓоковиќ успешно го помина првото коло на Вимблдон по 20-ти пат во својата кариера.
На почетокот од турнирот, кој го освои седум пати, шестиот играч во светот го победи Александер Муле со 3-1, во сетови 6:1, 6:7 (7), 6:2, 6:2.
Новак се мачеше во одредени моменти, му подаруваше поени на својот ривал, бараше медицински тајм-аут, но по речиси три часа и 20 минути игра, забележа победа.
Првиот, третиот и четвртиот сет минаа во доминација на Ѓоковиќ. Српскиот тенисер самиот си направи проблеми во вториот сет. Ѓоковиќ пропушти дури 11 брејк топки и шест сет топки за предност од 2:0, а во тај-брејкот испушти предност од 5:2 и буквално му го подари сетото на Муле, 41-ви на АТП листата. .
Ѓоковиќ во второто коло ќе игра против домашниот тенисер, Даниел Еванс.
Спорт
(Видео) Гонзало Гарсија го одведе Реал во четвртфиналето

Фото/ EPA/CRISTOBAL HERRERA-ULASHKEVICH
Фудбалерите на Реал Мадрид се пласираа во четвртфиналето на Светското клупско првенство во САД по минималната победа над Јувентус.
Дерби натпреварот од оваа фаза од натпреварувањето, одигран на стадионот „Хард Рок“ во Мајами, заврши со резултат 1:0 (0:0). Стрелец на единствениот гол беше Гонзало Гарсија во 54-та минута.
Реал Мадрид се пласираше во осминафиналето како победник во Групата Х, додека Јувентус заврши втор во Групата Г зад Манчестер сити.
Во првото полувреме немаше голови, иако играчите на двата тима имаа шанси во неколку ситуации, пред сè Рендал Коло Муани (Јувентус), Џуд Белингам и Феде Валверде (двајцата Реал Мадрид).
Во продолжението, се започна со иницијатива на шпанскиот тим (шанси на Белингам и Хујсен), а во 54-та минута, конечно беше затресена италијанската мрежа: Стрелец беше 21-годишниот напаѓач Гонзало Гарсија Торес, кој сè повеќе му се наметнува на Чаби Алонсо.
Тој скокна високо по центаршутот на Трент Александар Арнолд и го совлада одличниот голман Микеле Ди Грегорио.
Тоа беше неговиот трет гол и сега е најдобар стрелец на Реал на Светското клупско првенство.
Реал имаше повеќе можности во остатокот од натпреварот, но Ди Грегорио повторно се истакна и ги сопре обидите на Валверде, Арда Гулер и Чуамени.
Реал Мадрид ќе игра во четвртфиналето на 5 јули во Њу Џерси против победникот од последниот осминафинален натпревар помеѓу Борусија Дортмунд и Монтереј. Таа средба започнува во три часот по полноќ.
Сите четвртфинални парови
4 јули, Пасадена: Палмеирас (Бразил) – Челзи (Англија)
4 јули, Орландо: Флуминенсе (Бразил) – Ал Хилал (Јужна Арабија)
5 јули, Атланта: ПСЖ (Франција) – Баерн (Германија)
5 јули, Њу Џерси: Реал (Шпанија) – Дортмунд (Германија) / Монтереј (Мексико)
Спорт
Ден полн со големи изненадувања: Зверев и Коко Гоф си одат дома

Foto/ EPA/DANIEL HAMBURY
Вториот ден од Вимблдон донесе голем број интересни натпревари, но и неколку изненадувања. Сензационални елиминации доживеаја третиот носител кај мажите, Александар Зверев и втората носителка во женска конкуренција Коко Гоф.
Во натпревар што траеше два дена, Артур Риндеркнеч го победи третиот играч во светот, Александар Зверев со 7:6 (3), 6:7 (8), 6:3, 6:7 (5), 6:4 по четири часа и 42 минути игра. За неверување е податокот францускиот тенисер не му дозволи на Зверев ниту една брејк топка.
Дарија Јастремска направи големо изненадување елиминирајќи ја втората тенисерка во светот, Коко Гоф. Украинката, која моментално е 42-ра на ВТА листата, против актуелната шампионка на Ролан Гарос славеше со 7:6 (3), 6:1 за прв триумф против Американката, во нивниот четврти меѓусебен дуел.
Негова следна противничка ќе биде Захарова.