Спорт
Џерард: Ако Ливерпул ја освојат титулата, болката за 2014 ќе биде помала

Стивен Џерард ќе остане запишан во историјата на Ливерпул како еден од големите капитени на славниот тим, но и како човекот кој ги чинеше титула во неверојатниот меч против Челси во финишот на сезоната 2013/14, кога „црвените“ беа на чекор до титулата.
По славното лизгање, Демба Ба постигна гол и Челси победија, што на крајот беше доволно титулата да отиде кај Манчестер сити. Џерард повеќе пати зборуваше за болката за тој пропуст, но сега вели дека би му било малку полесно доколку оваа сезона тие ја освојат титулата од Премиер лигата.
„Ако Ливерпул ја освојат лигата оваа година, секако ќе ми помогне да се чувствувам подобро. Лани, кога ја освоија титулата од Лигата на шампионите беше прекрасно, гледав и забележував дека фановите повторно се среќни. Тоа беше момент за лечење за мене. Тоа што се случи беше најниското во мојата кариера. Многу потешко отколку што си мислат луѓето. Единствен пат во 20-годишната кариера кога немав чувство. Ако анализираме, најверојатно губењето на титулата не е само тој момент, но дел од мене уште мисли така“, вели Џерард во последниот разговор со неговиот поранешен колега, Питер Крауч.
Џерард признава дека уште во глава му е „сопката“ која го чинеше титула (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Спектакл на маратонот во Токио, Симба во фото финиш до златниот медал

Алфонсо Феликс Симбу од Танзанија во спектакуларен финиш го освои златниот медал на маратонската трка на Светското првенство во Токио.
Победникот беше решен во фотофиниш, а Танзаниецот Алфонс Феликс Симбу буквално му го украде златото на Германецот Аманал Петрос. Ова е првиот и најсјаен медал во историјата на оваа африканска земја на светските првенства.
Двајцата заедно со Италијанецот Ауани влегоа заедно на стадионот. На околу 100 метри пред целта, Петрос го засили темпото и се чинеше дека Симба не може да го следи.
Сепак, во последните 20 метри, Танзаниецот пронајде нова сила, почна да се забрзува и во последните сантиметри влезе во целта пред Петрос. Двајцата постигнаа резултат од 2:09;48 часа, но Симбу беше побрз за само 0,03 секунди. Италијанецот Ауани го освои бронзениот медал пет секунди зад него.
Високата влажност беше огромен проблем и голем број фаворити испаднаа, вклучувајќи тројца натпреварувачи од Етиопија и еден Кениец.
After 42.2km, this is the most insane finish to a marathon you’ll ever see.
A photo finish was needed to determine the winner: Tanzania’s Alphonce Felix Simbu. #WorldAthleticsChamps pic.twitter.com/6u1izgWVss
— John Dean (@JohnDean_) September 15, 2025
Спорт
(Видео) Барселона ја декласира Валенсија

Барселона го одигра својот прв домашен натпревар оваа сеозна. На стадионот „Јохан Кројф“, Барселона ја декласира Валенсија со 6:0.
Првото полувреме не навестуваше дека екипата од Валенсија ќе доживее дебакл.
Фермин Лопез ја доведе Барселона во водство по додавање од Феран Торес, а потоа следеше канонада во втората половина од натпреварот.
Во игра влезе Рафиња, кој целосно ја поремети играта на противникот.
Бразилецот го дуплираше водството на својот тим во 53-та минута, а три минути подоцна, Лопес повторно го запиша своето име на семафорот.
Рафиња ја зголеми предноста на Барса со брилијантен гол, а потоа на сцена стапи Роберт Левандовски.
Полјакот на теренот влезе во 68-та минута и набрзо го постигна првиот гол на овој натпревар.
Се играше во 78-та минута кога Левандовски ја затресе мрежата на Валенсија по одлично додавање од Дани Олмо, а потоа во 86-та минута го постави конечниот резултат, по асистенција од Бернал.
Барселона сега е на два бода зад Реал Мадрид, кој е единствениот тим со сите четири победи.
Foto/ EPA
Спорт
(Видео) Деби гол на неуништливиот Модриќ за триумф на Милан

Фудбалерите на Милан ја победија Болоња (1:0) на „Сан Сиро“ во натпреварот од третото коло на италијанската Серија А.
Херој на Росонерите беше 40-годишниот Лука Модриќ, кој го постигна својот прв гол во дресот на славниот клуб во 61-та минута.
Крајот на натпреварот го обележа интересна ситуација судијата Матео Марченаро покжа на пенал, но откако ја прегледа снимката го поништи, а потоа му покажа црвен картон на тренерот на Милан, Масимилијано Алегри, кој „полуде“ по таа одлука.
Милан на крајот стрепеше за победата, иако беше подобар во текот на целиот натпревар, дури четири пати неговите ја погодија стативата.
Тоа го направија еднаш Первис Еступињан и Самуеле Ричи, а двапати напаѓачот Сантијаго Хименез.
Милан ја оствари втората победа сезонава, има шест бода, додека Болоња остана на три бода, освоени во дуелот со Комо.
Foto/ EPA