Спорт
(Видео) Дончиќ со трипл-дабл му го расипа дебито на Вембањама

Лука Дончиќ со трип-дабл ја отвори новата сезона во НБА лигата. Словенецот го предводеше Далас, во дербито на Тексас, до победата над Сан Антонио Спарс со 126:119. За Сан Антонио дебитираше првиот пик на драфтот Виктор Вембањама.
Дончиќ, чии настап на овој натпревар беше под знак прашалник, влезе во историјата на НБА лигата.
Тој одигра 34 минути, во статистиката запиша 33 поени, 13 скока и 10 асистенции, со што стана само третиот кошаркар во историјата на НБА кој постигнал трипл-дабл со 30 или повеќе поени на отворањето на сезоната.
Оскар Робертсон го направи тоа двапати, во 1961 и 1966 година, а во поновата ера тоа му успеа само на Јанис Адетокумбо во 2019 година. Тој стана и првиот играч на Далас со трипл-дабл во првиот натпревар од сезоната.
Натпреварот кој се очекуваше поради дебито на Вембањама, новото кошаркарско чудо за кое стручњаците велат дека ќе доминира во наредните години, го одбележа сензационална игра на поискусниот Словенец, чиј тим минатата сезона го пропушти плеј-офот, во новата влезе со големи амбиции.
Кајри Ирвинг додаде 22 поени, Грант Вилијамс и Тим Хардавеј Јуниор по 17, а дебитантот Лајвли одлично се претстави со 16 поени и 10 скока.
Повеќе од 40 години никој не влезе во НБА лигата со најмалку 15 поени и 10 скока, со реализација од најмалку 80 отсто.
Вембањама, кој изгледаше одлично во претсезоната, рано влезе во неволји со личните грешки, одигра 23 минути во своето деби во НБА. Ги искористи за 15 поени и пет скока, а имаше и пет загубени топки. Тој во последните седум минути од натпреварот постигна девет поени од вкупниот учинок.
Девин Васел беше најефикасен кај Сан Антонио со 23 поени.
Резултати:
Шарлот – Атланта 116:110
Индијана – Вашингтон 143:120
Њујорк – Бостон 104:108
Орландо – Хјустон 116:86
Бруклин – Кливленд 113:114
Мајами – Детроит 103:102
Торонто – Минесота 97:94
Чикаго – Оклахома 104:124
Мемфис – Њу Орлеанс 104:111
Јута – Сакраменто 114:130
Сан Антонио – Далас 119:126
ЛА Клиперс – Портланд 123:111
Foto/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Со спортот до посилна заедница: улогата на Државната лотарија во развојот на спортот

Во време кога спортот сè повеќе се препознава како моќна алатка за позитивна општествена трансформација, со значајно влијание врз младите генерации, се појавува потреба од интензивна поддршка и унапредување на спортската инфраструктура и активности. Во таа насока, Државна лотарија во текот на изминативе години презеде активна улога во унапредување на спортската инфраструктура, соработка со спортски колективи низ државата, ставајќи посебен акцент на развојот на млади спортисти, создавање подобри услови за тренинг и натпреварување, но и зачувување на спортските традиции.
Во последната година компанијата воспостави соработка со значителен број спортски колективи, вклучувајќи клубови од различни спортски дисциплини, како кошарка, фудбал, бокс, ракомет, боречки вештини и шах. Преку оваа поддршка, не се настојува само да се подобрат условите во кои функционираат спортските организации, туку и да се афирмираат вредностите што ги носи спортот со себе: тимска работа, фер-плеј игра, дисциплина, истрајност, почитување на различностите и здрав начин на живот.
Меѓу клубовите со коишто се остварени партнерства се кошаркарските екипи „Куманово“, „МЗТ“ и „Чаир“, фудбалските клубови „Форца – Вардар“, „Фенебахче – Тефејуз“ и „Албарса“, боксерските клубови „Шкупи“ и „Албарса“, како и ракометните клубови „Аеродром“ и „Спартек“. Во областа на боречките вештини, клубовите „Дрвени“ и „Викинг“, карате клубот „Аеродром“, планинарски клуб „Остри врв“, Кратово и други. Овој широк опфат на спортови укажува на намерата поддршката да не биде ограничена само на најпопуларните дисциплини, туку да се прошири и на помалку видливи спортски заедници, кои, сепак, играат клучна улога во развојот на спортската култура во државата.
Важно е да се истакне дека критериумот за поддршка не се темели исклучиво на спортскиот успех или на популарноста на клубовите. Наместо тоа, се вреднува посветеноста кон работа со млади категории, создавање инклузивна средина за тренирање и натпреварување, како и посветеноста на пренесување на спортските вредности кон идните генерации. Спортот, во овој контекст, се гледа како образовен и воспитен ресурс, кој игра важна улога во социјалниот развој и во оформувањето активни, здрави и одговорни граѓани.
Дополнително, соработката со Шаховскиот клуб на ветерани „Скопје 72“ е показател за ангажманот на Државна лотарија и кон повозрасната спортска популација. Поддршката на спортски ветерани значи признавање на нивниот придонес во спортската историја на земјата и важноста на нивната улога во пренесувањето на знаењето и искуството кон помладите. Преку вакви иницијативи, се овозможува континуитет на спортската традиција, а истовремено се отвора простор за интергенерациска поврзаност во рамките на спортските заедници.
За Државна лотарија, како општествено одговорна компанија, инвестицијата во спортот е влог во човечкиот капитал, во здравјето на идните генерации и во заедницата во целина. Преку доследна и стратегиска поддршка на спортските колективи и индивидуалци, може да се создаде основа за долгорочен развој на спортот, но и на општеството во поширока смисла.
ПР
Спорт
(Видео) Прва голема грешка на судиите во новата НБА-сезона

Првиот натпревар во сезоната во НБА лигата ја донесе првата голема грешка на судиите. Оклахома го победи Хјустон, по две продолженија со 125:124. Судиите не ги почитуваа правилата, наместо тоа тие му „прогледаа низ прсти“ на Кевин Дурант.
Сè се случи на крајот од натпреварот помеѓу Хјустон и Оклахома, односно на крајот од првото од двете продолженија.
Оклахома имаше напад за победа, но само неколку секунди до крајот, топката заврши во рацете на Гилџес-Александер, тој беше блокиран од Тери Исон, а топката падна во рацете на Дурант со околу една секунда до крајот.
Дурент ја фати топката и побара тајм-аут што Рокетс го немаа. Веднаш по рекацијата на Дурант, Шенгун се фати за глава свесен за последиците.
Според правилата требаше да биде судена техничка и едно слободно фрлање за Окалхома, што веројатно ќе им ја донесе победата на Тандер.
Играчите на Оклахома жестокот протестираа, но судиите воопшто не реагираа.
По натпреварот, судијата Зак Зарба рече дека ниту еден од судиите не го видел Дурант како бара тајм-аут, а видео што кружи на социјалните мрежи покажува дека тој го сторил тоа, како и неговиот соиграч Алперен Шенггун како се обидува да го прикрие тоа.
Kevin Durant called for a timeout, but Houston had none, and the refs didn’t see it.
WOW — DOUBLE OVERTIME.
— Hoop Central (@TheHoopCentral) October 22, 2025
Спорт
Халанд изедначи рекорд на Кристијано Роналдо

Фудбалерите на Манчестер Сити, во вторникот го победија Виљареал, на свој терен, а посебен детаљ во победата на англискиот клуб во новата рунда од Лигата на шампионите (0:2) е водечкиот гол на „граѓаните“, постигнат од Ерлинг Халанд.
Гол-машината од Норвешка застана рамо до рамо со еден Кристијано Роналдо.
Со голот постигнат во 17-та минута од дуелот со шпанскиот ривал, Норвежанецот го израмни рекордот за последователни натпревари во кои беше стрелец, со оглед на тоа што, како и голгетерот од Португалија, имаше дури 12. Исто така, собра ист број на голови, 21.
Серијата ја започна против Брајтон во Премиер лигата (1), а потоа продолжи во натпреварите со Финска (1), Молдавија (5), Манчестер Јунајтед (1), Наполи (1), Арсенал (1), Барнли (2), Монако (2), Брентфорд (1), Израел (3) и Евертон (2).