Спорт
„Досието“ на Рангник го открива апсолутниот хаос во Манчестер јунајтед
Преодниот менаџер на Манчестер јунајтед, а наскоро советник на тимот, Ралф Рангник ќе му предаде на новиот прв човек Ерик Тен Хаг „досие“ со брутална оценка за фудбалерите на клубот, во која се посочува дека на клубот му е потребен целосен „ремонт“ со недисциплинирани играчи, кои се себични, на кои им недостасува квалитет и имаат премногу моќ, тврди „Дејли мирор“.
По разговорите со директорот за фудбал Џон Мурто и генералниот директор на клубот, Ричард Арнолд, 63-годишниот Рангник најавил искрена проценка на ситуацијата на клубот и неверојатниот непрофесионализам на скапо платените ѕвезди.
Според Рангник, дел од фудбалерите едноставно ги игнорирале неговите инструкции за тактика на теренот во одредени натпревари, дел од фудбалерите едноставно „не се дораснати“ за работата, ниту се доволно физички подготвени да се справат со најдобрите клубови во Англија.
Рангник советува „чистка“ во клубот, и откажување од „навиката“ за купување на големи имиња и наместо тоа фокусирање на носење на млади и „гладни“ играчи. Во одбраната, Рангник смета дека Арон Ван-Бисака, Ерик Баји, Фил Џонс и Виктор Линелоф се недораснати, и дека капитенот Хери Мегваер не е единствениот кој треба да биде „жртвен јарец“.
Во средината на теренот, Рангник е шокиран од недостатокот на енергија и подготвеност за физичка игра, советувајќи барем три засилувања на оваа позиција. Во нападот, Јунајтед и покрај 20-те гола на Кристијано Роналдо има големи проблеми и смета дека трансферите на Одион Игало во 2020 и на Единсон Кавани во 2021 биле доказ дека не постои визија за иднината. Тој очекува Тен Хаг да извлече максимум од Маркус Рашфорд и Џејдон Санчо, но смета дека Антони Марсијал мора да биде продаден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.