Спорт
Дождлив хаос во Спа – по четири часа чекање и „вртење“ зад безбедносно возило, возачите добија пола поени
По речиси четири часа, Белгиското ГП на легендарната патека Спа-Франкоршамп беше комплетирано без вистинско тркање, а возачите ќе се задоволат со половина поени според распоредот на стартување, по неуспешните обиди да се тркаат на силниот дожд во белгиските шуми.
Илјадниците фанови на трибините на легендарната патека чекаа да ги видат своите миленици во акција, но силниот дожд едноставно не дозволи старт. Откако трката започна стандардно во 15.00 часот зад безбедносно возило, по два круга беше покажано црвено знаме бидејќи немаше услови за трка.
По ова следуваше долго чекање, а ФИА реши наместо традиционалната граница од 3 часа за трка, да се обиде да има трка од еден час, по која би се поделиле половина поени. Меѓутоа, и по овој обид да се стартува трката во 18.17 часот, беше одлучено дека нема да има трка. Сепак, бидејќи беа поминати барем два круга, ќе има пласман на трката, со половина поени за возачите.
BREAKING: Max Verstappen is confirmed as the official winner of the #BelgianGP
Verstappen and the rest of the top 10 will take half points#F1 ?? pic.twitter.com/STJdsLNDT5
— Formula 1 (@F1) August 29, 2021
#BelgianGP TOP 10
Verstappen
Russell
Hamilton
Ricciardo
Vettel
Gasly
Ocon
Leclerc
Latifi
Sainz #F1 ?? pic.twitter.com/H28n9JT5RY— Formula 1 (@F1) August 29, 2021
? RED FLAG ?
Race control have called the drivers back to the pits due to the continuing wet conditions on track #BelgianGP ?? #F1 pic.twitter.com/k62m2LV9Z5
— Formula 1 (@F1) August 29, 2021
We’ve completed two laps and we will have a classification
The cars will be out on track for a maximum of 1 hour from the green light ⏱#BelgianGP ?? #F1 pic.twitter.com/NRUIGcJfE1
— Formula 1 (@F1) August 29, 2021
BREAKING:
The race will not resume#BelgianGP ?? #F1 pic.twitter.com/biPK0UWHLa
— Formula 1 (@F1) August 29, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.
Спорт
Барселона подготвува мега-трансфер, го продава Араухо за 100 милиони евра
Барселона е подготвена да го продаде Роналд Араухо (25), објави каталонски „Спорт“. Овој извор наведува дека Барселона мора да заработи од трансфери на играчи во летниот преоден рок за да избегне финансиски проблеми и да ги исполни критериумите од финансискиот фер-плеј.
Уругвајскиот дефанзивец е еден од фудбалерите кои имаат најголема пазарна вредност. Раководството на Барселона смета дека од неговиот трансфер би можеле да заработат повеќе од 100 милиони евра.
„Трансфермаркт“, неговата вредност ја проценува на 70 милиони евра, а неговиот договор со Барселона истекува во јуни 2026 година.
Барселона смета, тврди „Спорт“, дека во суперталентот Пау Кубарси (17), има квалитетна дефанзивна опција. Доколку би го продале Араухо, Барселона би се обидела да донесе слободен играч кој би му бил партнер на Кубарси.
Араухо ја започна својата кариера во уругвајските клубови Рентистас и Бостон Ривер. Во 2018 година Барселона го донесе за речиси пет милиони евра, а оттогаш забележа 147 настапи, постигна осум гола. Со Барселона има освоено три трофеи.
Спорт
Баер Леверкузен заинтересиран за фудбалер на Реал Мадрид
Баер Леверкузен има фантастична сезона. Избраниците на тренерот Чаби Алонсо ја освоија Бундеслигата и ставија крај на 11-годишната доминација на Баерн, тие се пласираа во финалето на германскиот куп, противник ќе им биде Кајзерслаутерн, а во Лига Европа, во полуфиналето за противник ја добија Рома.
Логично дека постои голем интерес за фудбалерите, кои под водство на Чаби Алонсо немаат пораз на 44 натпревари во сите конкуренции. Тоа значи дека во клубот веќе работат на потенцијалните засилувања.
„Билд“, пишува дека Баер е заинтересиран за Рафа Марин (21), шпански дефанзивец и репрезентативец до 21 година, кој е под договор со Реал Мадрид и оваа сезона е на позајмица во Алавес.
Марин, ги помина сите младински категории на Реал, додека оваа сезона забележа 31 настап како првиот тим на Алавес.
Пјеро Хинкапи и Џонатан Тах се дефанзивци без кои Алонсо би можел да остане и од чија продажба Баер би можел да заработи пари. Од друга страна, за Марин, клубот ќе треба да му плати обесштетување на Реал, бидејќи тој има валиден договор до летото 2026 година.
„Трансфермаркт“, неговата вредност ја проценува на пет милиони евра.