Спорт
Драма во петтиот меч – Батлер спречи триумф на Лејкерси
Мајами Хит го преживеаја петтиот меч од финалната серија во НБА лигта. Предводени од Џими Батлер, Хит ги совладаа Лос Анџелес Лејкерс со 111:108.
Видовме неверојатна борба помеѓу Џими Батлер и Леброн Џејмс, а на крајот во неизвесна завршница Мајами ја однесоа победата. Во последните секунди Лејкерси промашија две тројки, најпрвин Дени Грон на 2,2 секунди до крајот при резултат 109:108, а откако Батлер ги погоди слободните фрлања Леброн од пола терен не успеа да пооди за да го однесе мечот во прволженија.
Брилијантен натпревар одигра Џими Батлер кој го забележа вториот трипл-дабл во оваа серија. Батлер мечот го заврши со 35 поени, 12 скока, 11 асистенции, 5 украдени топки и една блокада.
Голема помош доби од Данкан Робинсон (26 поени, 7/13 за три поени), Кендрик Нан (14 поени), Бем Адебајо (13 поени),Тајлер Хиро (12 поени).
На спротивната страна покрај двоецот Леброн Џејмс-Ентони Дејвис двоцифрен број на поени постигна уште само Кентавијус Колдвел-Поуп (16 поени). Леброн забележа 40 поени, 13 скока, 7 асистенции, 3 украдени топки, а Дјевис имаше 28 поени, 12 скока и по 3 асистенции, блокади и украдени топки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.