Спорт
Драма во Сан Антонио, дербито на ЛА за Клиперс, лидерот падна во Финикс (Видео)
Два натпревари изминатата ноќ привлекоа големо внимание во НБА лигата, трилерот што во Тексас го одиграа Сан Антонио Спарс и Денвер Нагетс, односно дуелот на ривалите од Лос Анџелес, Лејкерс и Клиперс.
Сан Антонио среќно ја извлекоа победата против Денвер 114:113, иако на шест минути до крајот на мечот имаа предност од 18 поени. Денвер се вратија со неверојатна серија на поени, во која Џамал Мареј погоди четири, а Вил Бартон една тројка.
Драмата кулминираше во последните 49 секунди, кога Дерозан не реализира напад за Сан Антонио, потоа Мареј промаши тројка, а по офанзивниот скок уште еднаш не беше успешен, а откако топката дојде д Јокиќ тој беше блокиран од Олдриџ. На спротивната страна Геј ги промаши слободните фрлања, а последниот напад за Денвер не го реализира Херис.
Демар Дерозан со 24 поени, 6 скока и 7 асистенции, односно Ламаркус Олдриџ со 22 поени и 9 скока го предводеа Сан Антонио до 36 победа во сезоната.
Кај Денвер најефикасни беа Џамал Мареј со 25 поени и Никола Јокиќ со 22 поени, 10 скока и 6 асистенции.
ЛА Клиперс, во градската пресметка, веројатно им ги згаснаа сите надежи на ЛА Лејкерс и Леброн Џејмс дека оваа сезона ќе играат во плејофот. Клиперс победија 113:105. Лејкерси на последните 12 натпревари забележале само три победи.
Леброн Џејмс (27 поени, 8 скока, 6 асистенции) и Режон Рондо (24 поени, 10 скока, 12 асистенции) не можеа да го спречат поразот. Кај Клиперс се истакнаа Данило Галинари *23 поени) и Лу Вилијамс (21 поен).
За обележување е и победата на Финикс Санс, тимот што во целата лига се наоѓа на претпоследното место. Финикс триумфираа над лидерите во лигата Милвоки Бакс 115:105. Финикс се на 14 победи и 51 пораз, а Милвоки имаат 48 победи и 16 порази.
Во последната четвртина Санс ги декласираа противниците. Последната четвртина им припадна на Финикс со резултат 38:23.
Кели Урибе го предводеше Финикс со 27 поени и 13 скока, додека кај Милвоки Јанис Адетокумбо реализира 21 поен и 13 скока.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хет трик на Довбик – Џирона со седм гола ја испрати Гранада во Сегунда
Во вториот натпревар од последното 38. коло на шпанската Примера, фудбалерите на Џирона ја декласираа Гранада со 7:0.
Џирона во голем стил ја заврши најуспешната сезона во клупската историја. Екипата од Каталонија е трета на табелата и наредната сезона ќе игра во Лигата на шампионите.
Три гола постигна Украинецот Артем Довбик, кој сега е прв стрелец во лигата со 24 гола, еден повеќе од Норвежанецот Александар Серлот од Виљареал.
Во победата два гола постигна вториот Украинец Циганков, односно Гарсија и Стуани.
Спорт
Реал го прегази Олимпијакос, ќе ја брани титулата против Панатинаикос
Реал Мадрид ќе ја брани титулата в недела против Панатинаикос, откако во второто полуфинале на завршниот турнир во Берлин го победи Олимпијакос со 87:76 (28:10, 28:27, 15:21, 16:18).
Во второто полуфинале немаше никаква неизвесност. Слично како и во првото полуфинале, работите беа решени во рната фаза од натпреварот. Реал, во првата четвртина со шест тројки го торпедираше кошот на Олимпијакос и во вториот период влезе со предност од 18 поени.
Во ист ритам Реал продолжи и во втората четвртина, во која дојде до највисоката преднотс (54:29).
Олимпијакос се разбуди во второто полувреме, во еден момент, во последната четвртина со доближи на негатива од само осум поени, но Реал лесно го одби тој напад и на крајот заслужено победи.
Џанан Муса го предводеше Реал со 20 поени, Марио Хезоња постигна 12, а Гершон Јабуселе и Винсан Поарије по 11.
Кај Олимпијакос се истакнаа Алек Питерс постигна 23 со 10 скока, Шекил Мекисик 17, а Најџел Вилијамс-Гос 15 поени.
Финалниот натпревар Реал-Панатинаикос ќе се одигра в недела од 20 часот.
Спорт
Пандев во „Тимот на светот“, ќе игра против Романија 1994
Тимот на светот утре во Букурешт ќе одигра ревијален натпревар против „златната генерација“ на романскиот фудбал која остави фантастичен впечаток на СП 1994.
На Светското првенство во 1994 година Романија стигна до четвртфиналето.
Дел од тимот на светот ќе биде и Горан Пандев. Во овој тим се меѓудругите Дида, Маикон, Стоичков, Ривалдо, Панучи, Маркос Сена, Савиола, Карембе…
Во тимот на Романија ќе бидат Попеску, Димитреску, Лакатуш, Прунеа, Лупеску, Мунтеану, Дан Петреску…