Спорт
Другар на МЈ раскажува: Пиевме цел ден, Мајкл испи 10 пива, па сам го разби Кливленд

Не е тајна дека легендарниот американски кошаркар, Мајкл Џордан е голем љубител на голф и на обложување, а најновата приказна за него ја раскажа хокеј-легендата на НХЛ и Чикаго Блекхокс, Џереми Роник.
Тој раскажа интересна случка во врска со обложувањето со популарниот МЈ. Иако се чинело невозможно, сепак кошаркарот го добил облогот.
„Игравме голф и го победив неколкупати. Заработив неколку илјади долари и тој се подготвуваше да си оди дома. Булси таа вечер требаше да играат против Кливленд. Беше 10 часот наутро и на одење ми рече `Не, ќе одиграме уште една партија`. Продолживме да играме, дури и попладнето, испивме секој по десетина пива, а тој потоа директно отиде на натпреварот. Се шегував со него дека сите пари кои ги добив на облог со него, ќе ги вложам во победа на Кливленд. На тоа ми рече `се обложувам дека ќе победиме со 20 разлика, а јас ќе дадам повеќе од 40 поени`. Прифатив веднаш. Човекот на крајот имаше 52 поени, а Булси ги победија Кавси со 26 разлика“ – се потсетува Роник.
Иако Роник не откри за кој точно меч се работи, при погледот во архивата на НБА дуелите најверојатно се работи за меч одигран на 28 март 1992 година.
Роник најверојатно поради пивото малку ги погрешил податоците.
Џордан не постигнал 52, туку 44 поени, а Кавси не загубиле со 26, туку со 24 разлика – 126-102.
.@McNeil_Parkins asked Jeremy Roenick for his best Michael Jordan story. It was incredible.
It involved golf, beers and basketball. (We can't verify that every detail lines up, but that's not what we're here for. This is about MJ's greatness.)
Podcasts: https://t.co/k7yHNc6btN pic.twitter.com/2myY2M1EYw
— 670 The Score (@670TheScore) November 8, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Се шири скандалот во НБА – Уапсен и тренерот на Порталнд Чонси Билапс

Тренерот на Портланд Треил Блејзерс, Чонси Билапс е еден од уапсените како дел од истрагата на ФБИ под сомнение за вмешаност во нелегални активности поврзани со спортско обложување, објавува ESPN. Билапс е уапсен речиси во исто време кога и кошаркарот на мајами Хит, Тери Розир.
Истражителите веруваат дека некои членови на лигата биле поврзани со организирана мрежа за обложување, но засега не е познато дали обвиненијата се директно поврзани со натпреварите во кои Билапс бил тренер.
ФБИ и Министерството за правда на САД најавија прес-конференција подоцна во текот на денот, каде што се очекува да откријат повеќе детали за случајот што ја тресе НБА.
Чонси Билапс (48) е еден од најпознатите плејмејкери на својата генерација и поранешен шампион на НБА со Детроит Пистонс, со кои ја освои титулата во 2004 година и беше прогласен за МВП на финалната серија.
За време на неговата кариера, тој играше на Бостон Селтикс, Денвер Нагетс, Њујорк Никс, Лос Анџелес Клиперс и Детроит, а е познат по прекарот „Mr. Big Shot“ поради неговата прецизност во одлучувачките моменти од натпреварите.
Ја започна својата тренерска кариера во 2021 година како главен тренер на Портланд, а претходно беше асистент во Клиперс една сезона.
Спорт
Спенсер Динвиди го одбра Баерн пред Олимпијакос

Познатиот американски кошаркар Спенсер Динвиди кариерата ќе ја продолжи во Евролигата. И покрај тоа што се поврзуваше со Олимпијакос, а грчките медиуми синоќа пишуваа дека трансферот е завршен, Динвиди реши да се пресели во Баерн Минхен.
Спенсер Динвиди со Баерн договорил соработка до крајот на сезоната, без мжност соработката да биде раскината доколку доби понуда од НБА лигата. Го одбрал Баерн бидејќи во минатото имал можност да се запознае со актуелниот тренер на Баварците, Гордно Херберт,
Баварците трансферот го потврдија на клупската веб-страницата.
Динвиди забележа солидни бројки минатата сезона во дресот на Далас Маверикс, а во предсезоната играше за Шарлот Хорнетс, но оваа франшиза не му понуд договор.
Во НБА, Динвиди играше за Детроит, Бруклин, Вашингтон, Далас и Лејкерси, а своите најдобри натпревари ги одигра во дресот на Нетси, особено истакнувајќи се во сезоната 2019-20, кога во просек постигнуваше над 20 поени по натпревар.
Спорт
ФБИ го упаси играчот на Мајами, Тери Розир

Новата НБА сезона, започнаа скандал, во центарот на вниманието е кошаркарот на Мајами Хит, Тери Розиер. Мајами сезоната ја почна со пораз во дербито на Флорида. Хит загубија во Орландо со 121.125.
Розир е уапсен од ФБИ како дел од истрагата за спортско обложување, објави Шамс Чаранија.
Розир е под истрага за можна вмешаност во нелегална шема за спортско обложување, а истрагата започна во јануари.
Сето тоа се случило, наводно, уште во 2023 година додека Розир играл за Шарлот Хорнетс.
Засега не се познати сите детали, но тоа ќе биде на прес-конференција закажана од Источниот округ на Њујорк и директорот на ФБИ, Кеш Пател, за 10 часот по локално време, кога ќе ги објави сите апсења во истрагата.
Засега се наведува дека Розир заедно со Дежонтеј Портер и „манипулирал“ со неговиот настап во НБА натпреварите, а биле забележани и големи плаќања.
Тери Розир е ветеран во НБА со 10 години искуство. Неговата најдобра сезона беше во 2022/2023, со просек од 21,1 поен, 4,1 скока и 5,1 асистенции во дресот на Шарлот Хорнетс.
Тој играше и за Бостон Селтикс, а моментално е член на Мајами Хит.