Македонските натпреварувачи во Twingo Cup денеска го имаа првиот интернационален предизвик на патеката „Гробник“ во Хрватска на отворањето на новата сезона. Нашите возачи се покажаа во фантастично светло и имаа одлични резултати во конкуренција на дваесетина странски возачи.

Денеска на „Гробник“ се возеа две трки. Во првата трка, најдобар пласман од Македонците имаше ланскиот шампион Мартин Делев, кој финишираше на 11 место со вкупно време од 23:55,003 минути. Владимир Треневски беше 16-ти, Слободен Трајковски 18-ти, Ангелче Стојковски (21), Давид Малинковски (23), Емил Нацка (24) и Мартин Костовски (25) .

Втората трка, одличен пласман обезбеди Емил Нацка, кој го освои шестото место со време од 22:44,442 минути, веднаш по него Владимир Треневски – осми, Давид Малинковски 10-ти,Ангелче Стојковски 22-ри додека Мартин Делев го имаше петтото место, но поради проблем во последниот круг со контакт на бомбината не ја заврши трката.

Нашите возачи за прв пат ја возат оваа патека и се натпреваруваа со возачи од Италија и Словенија кои четири години возат и тренираат на истата патека.

Учество земаа:
•АКК Рено Спорт
•Кастум Кар
•АКК Свифт Рејсинг

Тркачкиот викенд на „Гробник“ продолжува утре (23 февруари). На програмата во утринските часови се предвидени тренинзи, квалификациите се од 10 до 11 часот, а потоа следува и четири часовна трка во издржливост.

(ПР текст)

Фудбалерите на Барселона забележаа благодарение на Лионел Меси забележаа лесна победа над Еибар 5:0, во 25 коло во Ла Лига. Неверојаниот Аргентинец постигна четири гола на овој натпревар со што дојде до бројката од 18 гола во првенството на Шпанија.

Меси му ја обезбеди победата на својот тим во првото полувреме кога три пати го совлада голманот на Еибар Марко Дмитровиќ. Меси хет-трикот го комплетираше во периодот од 14 до 40 минута.

Првиот гол го постигна по брилијантната акција, ког најпрвин му продаде „тунел“ на еден од дефанзивците на Еибар, а потоа го матираше Дмитровиќ.

Во 37 минута Аргентинецот успеа да мине низ тројца противнички фудбалери и да зголеми на 2:0.

Три минути подоцна искосристи лоша реакција на десниот бек на Еибар, му асистираше на Гризман кој реагираше бавно и почетнички, но топката се врати кај Аргентинецот кој само ја проследи во голот.

Во второто полувреме Барселона со блиц-криг во 86 и 89 минута ја комплетираше петардата.

Четвртиот гол повторно е дело на Меси, а петтиот на Бразилецот Артур.

Фудбалерите на Вардар забележаа победа во воведниот натпревар од 19 коло во рамките на Првата македонска фудбалска лига. Лидерот на табелата со 1:0 го доби гостувањето во Велес, кај Борец.

Натпреварто во Велес го реши репрезентативецот на Македонија Даниел Аврамовски во 33 минута. Голот што го постигна против Борец беше единаесетти за Аврамовски оваа сезона. Овој пораз е прв за Борец на домашен терен оваа сезона.

Колото ќе се комплетира утре со натпреварите: Работнички-Шкупи, Ренова-Струга, Силекс-Шкендија и Македонија ЃП-Академија Пандев.

foto/fkvardar.mk