Минатиот вторник пристигнаа лоши вести за навивачите на ВФБ Лубек, германски четвртолигаш. Лубек е град во северна Германија, во провинцијата Шлезвиг-Холштајн.

Клубот тогаш објави дека е пред банкрот, и дека во следните 48 часа мора да собере еден милион евра за да се спаси.

„Сеопфатната анализа на моменталната финансиска состојба идентификуваше значителен недостаток на ликвидност, што претставува голем финансиски предизвик за Надзорниот одбор и раководството“, напишаа од клубот.

„Апелираме до сите да застанат покрај нас во овој тежок момент и да размислат како можат да не поддржат. Секоја навремена поддршка, без разлика дали во форма на спонзорство, донации или други мерки е важна. Само заедно можеме да го спасиме Лубек и да ја надминеме оваа егзистенцијална криза“, се вели и во пораката, а навивачите на Лубек покажаа колку се подготвени да го спасат својот клуб.

Клубот во неделата попладне објави дека во последните неколку дена успеал да собере еден милион евра од навивачите, поддржувачите и спонзорите. На миса во Лубек во неделата рано навечер, веста за спасувањето официјално им беше објавена на навивачите. Присуствуваа околу 4.500 луѓе.

Подоцна, клубот ја објави веста преку официјални канали: „Сензационално, извонредно, уникатно, ова е за историја, иако е тешко да се опише со зборови што сме доживеале, собравме, споделивме и постигнавме заедно како Лубек семејство. Ја собравме потребната сума од еден милион евра, Лубек жив!“, соопшт клубот.

Макс Ферстапен, светски шампион во Формула 1, победи на трката за Големата награда на Катар во неделата. Сепак, по трката, наместо победата вниманието го привлече неговата расправија со Џорџ Расел, возачот на Мерцедес.

Ферстапен ја обезбеди пол-позицијата во квалификациите за прв пат по Големата награда на Австрија, но остана без неа три часа подоцна.

Официјалните лица долго го разгледаа инцидентот во кој Холанѓанецот наводно го блокираше Расел, во неговиот последен летечки круг и на крајот го казни светскиот шампион со едно место на гридот, промовирајќи го Расел на пол-позицијата. Инаку, Ферстапен ја освои пол-позицијата со 55 илјадити делови од секундата подобро време од Расел.

По трката, дојде до расправија во просторијата за состаноци, а Холанѓанецот беше видно изнервиран.

“Бев изненаден од се што се случи и што беше кажано. Тој секогаш се однесува многу убаво пред камерите. Но кога ја знаете приказната внатре, тогаш знаете дека тој е сосема друга личност. Не можам да издржам. Многу пати сум бил во салата за состаноци со луѓето со кои се тркав.

И никогаш не сум видел некој да се обиде да за.бе некого толку силно. Изгубив секаква почит кон него. Беше смешно како се обиде да изнуди казна, јас бев многу лут“, изјави Ферстапен.

И шпанска „Марка“, објави дека во интервју за холандските медиуми, Ферстапен дополнително ги загубил нервите: „Може да оди и да се е.е, не сакам повеќе да имам работа со него“.

Една од најважните задачи што го чека Баерн се преговорите со Јозуа Кимих околу продолжувањето на неговиот договор.

Актуелниот договор на германскиот репрезентативец истекува на лето. Ситуацијата со Кимих внимателно ја следат неколку врвни европски клубови.

„Нема да чекам да заврши сезоната. Ќе седнам во следниот период да размислам и да ја видам поголемата слика. Дефинитивно ќе донесам одлука во јануари“, изјави Кимих.

Кимих во Баерн дојде во 2015 година од Лајпциг. Ова е негова 10-та сезона во најголемиот германски клуб. Одигра вкупно 409 натпревари во сите натпреварувања, постигна 42 гола и учествуваше во освојувањето на осум титули во германскиот шампионат, три купа, шест Суперкупа, Лигата на шампионите, Суперкупот на Европа и Светското клупско првенство.