Спорт
Дугари: Ова што го прави Мбапе е скандалозно

Килијан Мбапе на крајот на сезоната ќе го заврши договорот со ПСЖ и ќе замине во Реал Мадрид како слободен играч. Сезонава францускиот напаѓач постигна 32 гола на 33 настапи и константно играше, но тренерот Луис Енрике му даде 28, 65 и 45 минути на последните три натпревари, што е уште еден знак за негово заминување.
Пензионираниот француски репрезентативец Кристоф Дугари (51) зборуваше за Мбапе и Енрике воемисија на француското радио РМЦ.
„За прв пат ПСЖ има тренер кој има ма…а да го извади Мбапе бидејќи не игра добро. Според мене, Енрике не го сака Мбапе и начинот на кој тој игра во моментов. Енрике е секогаш провокативен, но ме шокираат неговите изјави по натпреварите. Човече, Мбапе заминува за три месеци, а ти немаш план. Дали твојот тим е подобар без него? Докажи ни“, рече Дугари.
Поранешниот напаѓач на Бордо, Милан, Барселона и Марсеј смета дека Мбапе има „просечна сезона и покрај тоа што има добра статистика“ и додава дека за ова е одговорен Енрике, шпанскиот тренер кој го презеде тимот во летото 2023 година.
„Не успеа да искористи таков играч како што треба. Мбапе можеби го загуби патот поради промените во тактиката и соиграчите“, анализира Дугари, кој со Франција го освои Светското првенство во 1998 година, а две години подоцна и Европското првенство.
Во исто време, Дугари е незадоволен од однесувањето на Мбапе.
„Тоа што го прави Мбапе е скандалозно. Тој е капитен на ПСЖ и на француската репрезентација. Енрике има право да го замени бидејќи не игра добро. Мбапе нема право да го прави она што го прави, да врти почесни кругови, и прави селфиња. Каков циркус е тоа?“ изјави Дугари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) ФИБА ги казни тепачите од Аргентина и Доминиканска република

Светската кошаркарска федерација (ФИБА) изрече суспензии и казни по натпреварот помеѓу Аргентина и Доминиканската Република на Купот на Америка.
Сликата на Гонзало Бресан како го напушта теренот облеан во крв по тепачката помеѓу играчите на двете репрезентации го засени натпреварот.
Тензиите што се создаваа за време на натпреварот избувнаа по последниот звук на сирената.
Инцидентот кулминираше мешу Дејвис-Џонс и Бресан, по што се вмешаа и останатите од двата тима.
ФИБА ги суспендираше двајцата на по два натпревари. Аргентинците Франциско Кафаро и Хуанпи Волет беа суспендирани на по еден натпревар, а тренерот Пабло Приџони беше казнет со 2.000 швајцарски франци. Аргентинската федерација ќе мора да плати 20.000 франци.
Во Доминиканската Република, Хуан Гереро и Хуан Суеро беа суспендирани на по еден натпревар, додека Анхел Делгадо е условно суспендиран на еден натпревар.
Tremenda trifulca luego del fin del partido donde República Dominicana venció a Argentina en tiempo extra. pic.twitter.com/PW9MHqbI8L
— 8DeportivoTN8 (@8DeportivoTN8) August 24, 2025
Pablo Prigioni's Argentina fights rival Dominican Republic after FIBA loss
2 years ago the DR kept Argentina out of the World Cup
Prigioni in 🇦🇷 huddle calls St John's 🇩🇴 Joel Soriano "the fat guy who can't move"🤣
Spurs David Jones-Garcia (#8🇩🇴blue) is provoked, throws down🥊 pic.twitter.com/d8BqnJmoGS
— New York Basketball (@NBA_NewYork) August 25, 2025
Спорт
Каират го елиминира Селтик, ќе игра во Лигата на шампионите

Фудбалерите на Каират направија големо изненадување, први што се квалификуваа за Лигата на шампионите од клубовите кои се бореа за место во елитното европско натпреварување преку квалификациите.
Во плејофот, шампионот на Казахстан беше подобар од шампионот на Шкотска, тимот на Селтик. Откако првиот натпревар во Глазгов заврши нерешено 0:0, во реваншот во далечниот Алмати (6.000 км воздушно растојание помеѓу Глазгов и Алмати) резултатот по регуларните 90 плус дополнителни 30 минути гласеше идентично 0:0, а по изведувањето на пенали, фудбалерите на Каират славеа со 3:2.
Херој беше 21-годишниот голман Темирлан Анарбеков, тој им одбрани три пенали на играчите на Селтик и му го трасираше патото на својот тим во главната фаза од Лигата на шампионите.
Каират стана вториот тим од Казахстан кој стигна до главната фаза од Лигата на шампионите. Претходно тоа и успеа на Астана во сезоната 2015/16.
Фото/ Принтскрин
Спорт
Најскапото засилување во историјата на Аталанта се пресели во Бешикташ

Напаѓачот од Мали, Ел Билал Туре (23) ја напушти Аталанта и ќе го помине остатокот од сезоната на позајмица во редовите на Бешикташ. Турскиот клуб ќе може да го откупи неговиот догоговор по завршувањето на сезоната.
Пред две години, Туре стана најскапото засилување во историјата на Аталанта кога дојде од Алмеира за нешто повеќе од 30 милиони евра.
Сепак, тој не се снајде во Бергамо. Речиси веднаш по пристигнувањето во Италија, тој заработи сериозна повреда на тетивата, што го спречи да игра до февруари.
Минатата сезона ја помина на позајмица во Штутгарт, а сега се сели во Бешикташ.
Претходниот тренер на Аталанта, Џан Пјеро Гасперини, не беше задоволен од неговата форма, а новиот тренер на „Ла Деа“, Иван Јуриќ, очигледно не смета ниту на него.
Тој одигра вкупно 17 натпревари за Аталанта, постигнува три гола, додека минатата сезона одигра и 17 натпревари за Штутгарт, постигнува три гола.
Туре е роден во Брегот на Слоновата Коска, но игра за репрезентацијата на Мали, вза која одигра 25 натпревари и постигна девет гола.