Спорт
Ѕвездата на Челси, Хаверц има посебна приврзаност со магарињата
Германската ѕвезда на Челси, Каи Хаверц во интервју за „Гардијан“ открива дека прекарот кај дел од соиграчите му е „Магаре“ поради неговата посебна приврзаност со овие животни.
„Некои ме викаат ‘Магаре’, но не поради фудбалот. Одамна чувствувам посебна врска со магарињата. Тие се мирни животни, можеби се поврзувам со нив бидејќи и јас сум смирен човек. Тие одмараат цел ден, не прават многу, сакаат да си го живеат животот. Секогаш сум ги сакал. Кога сум загубен, одам да гледам животни. Гледам нешто човечко во нив и таму пронаоѓам мир“, вели Хаверц.
Мајката на Хаврц е адвокат, а неговиот татко полицаец, и тие се клучни во неговата чудна врска со магарињата. Кога растел во Ахен, тие му дале на подарок плишано магаре, а кога наполнил 18 години му дале три вистински магариња.
„Тоа беше посебен подарок, посвојување во едно прифатилиште за животни. Првото се викаше Тони, како Ридигер, а последното Надеж, кое беше спасено од касапница. Тоа беше веќе мртво, а сега има добар живот“, објаснува 23-годишниот Хаверц.
Денеска тој го потврди формирањето на „Каи Хаверц штифтунг“, добротворна организација за помош на животните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Нестварен пресврт во „Борис Трајковски“ – Македонија избори пласман на СП
Фото/ macedoniahandball.com.mk
Ракомњтната репрезентација на Македонија избори пласман на Светското првенство, откако во реваншот од баражот славеше над Фарските Острови со 34:26 (15:11).
Македоските ракометари го одиграа најдобриот натпревар во ерата на селекторот Кирил Лазаров, успеаја да ја надопонат негативата од седум голови која ја имаа по првиот натпревар и се пласираа на планетарната смотра.
Тактички, Македонија одигра перфектен натпревар. Лазаров изненади со 5-1 формацијата во одбраната, на која Фараните не успаја да најдат решение и со својот „седум на шест“ напад.
Ако одбраната беше гранитна, нападат беше исклучително трпелив. Без брзање и беа паника, полека Македонија ја топеше предноста на гостите.
На полувреме минусот беше три гола, на стартот од вториот дел Македонија повреде со пет голови, а во 45.минта разликата беше посакувани +8 за Македонија.
Таа разлика, момците на лазаров успеаја да ја одржат до последниот звук на сирената.
Најистакнати поединци во големаа победа беа Пешевски со осум гола, со 100 отстотна реализација, гол помалку постигна Кузмановски, а Митев натпреварот го заврши со шест гола.
Спорт
(Видео) Арсенал не се откажува од титулата – „Топџиите“ победија на Олд Трафорд
Фудбалерите на Арсенал на коло пред крајот на сезоната во Премиер лигата повторно се на чело на Премиер лигата.
Во дербито на 37. коло на „Олд Трафорд“ на гости го совлада Манчестер јунајтед со 0:1 (0:1).
Така избраниците на Микел Артета стигнаа до 87 поени и се оддалечија на два бода пред Манчестер сити, иако со натпревар помалку.
Јунајтед ја продолжи серијата лоши резултати, се подалеку се „црвените ѓаволи“ од настап во европските клупски натпреварувања, додека на Арсенал му останува само да се надева дека Манчестер сити ќе има барем еден кикс до крајот на сезоната.
Голот со кој Арсенал победи во Манчестер го постигна Леандро Тросар во 20. минута.
Во последното коло „топчиите“ играат дома со Евертон на 19 мај, додека Сити има два дуели, во вторник во Лондон против Тотенхем и пет дена подоцна со Вест Хем на домашен терен.
Спорт
Струга ја победи Шкендија во Тетотво – Еден бод ја дели од шампионскиот пехар
Фудбалерите на Струга го добија дербито за шампионската титула. Актуелните шампиони во Тетово славеа над Шкендија со 2:0.
Головите за Струга ги постигнаа Бесарт Ибраими ов 43.минута. Најдобриот стреец во историјата на Првата македонска фудбалска лига, погоди од 20-тина метри. Победата на Струга ја потврди неговиот партнер во нападот, Марјан Радески во 48.минута.
Струга на врвот има три бода повеќе од Шкендија, за да ја одбрани титулата во последното коло ќе и биде доволен еден бод против Шкупи.
Резултати, 32. коло:
Гостивар-Работнички 0-0
Македонија ЃП-Брегалница 2:1
Силекс-Вардар 1:1
Шкупи-АП Брера 0-0
Шкендија-Струга 0:2
Тиквеш-Воска спорт 0:0
Табела: