Спорт
Ѕвездата Пимблет уште не дебитирал во УФЦ, удри по Хабиб и Мекгрегор
Педи Пимблет, британската ММА ѕвезда кој уште не дебитирал во УФЦ кафезот, влезе во напад на најголемите ѕвезди на спортот, велејќи дека Хабиб Нурмагомедов станал „Карен“ и дека не е најдобриот на сите времиња, додека Конор Мекгрегор е човек кој си ја „уништил репутацијата“.
26-годишниот Пимблет подолго се смета за еден од највозбудливите млади ММА фајтери по сензационалните борби во промотерската куќа „Кејџ вориорс“ и ќе има шанса да се докаже во УФЦ на 4 септември во Лас Вегас, кога ќе влезе во кафезот со Бразилецот Луиџи Вендрамини.
Тој посебно беше критичен кон Хабиб.
„Тој стана ‘Карен’ во ММА спортот. Го гледав на подкастот со Мајк Тајсон пред некој ден, кога бараше да се тргне фаст-фуд храната и марихуаната. Не, дечко, тоа е негово шоу. Замолчи. Таму си како гостин и ќе правиш што ќе ти кажат, дива една. Фановите на Хабиб се дури посрамотни од тие на Конор. Кажав дека не е Г.О.А.Т., и дека е најдобар во категоријата до 155 и веднаш почнаа да плачат на социјалните мрежи. Не е најголемиот. Тој имаше три одбрани на титулата, а Џон Џонс имаше колку? 12?“, вели Пимблет.
Тој не го штедеше ниту Конор.
„Да бидам искрен, тој е човекот кој најмногу ја уништи својата репутација. А ќе беше добро да се сретнеме на ‘Енфилд’. Скаузер (човек од Ливерпул н.з.) и Ирец. Тоа ќе беше фантастично пред 60.000 луѓе. Но, веќе не го бива, би го средил во две рунди“, додава Пимблет.
Paddy Pimblett comments on Khabib. Calls him the “Karen” of MMA. Thoughts? #MMATwitter pic.twitter.com/OQiAcyFVC7
— BogoMMA (@BogoMMA_) August 23, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.