Данил Медведев и Стефанос Циципас се пласираа во осмина-финалето на Австралија опен. Пласман во оваа фаза, прв пат во кариерата, избори и Тејлор Фриц. Американецот во драматичен меч го победи Роберто Баутиста Агут.

Медведев не блескаше, одигра колку што му е потребно за да го победи Холанѓанецот, Ботик ван де Зандшулп. Рускиот тенисер победи со 6/4, 6/4, 6/2. Победникот го реши искуството и неизнудените грешки. Холанѓанецот направи 32, односно 12 повеќе од Медведев.

За пласман во четврт-финалето, Медведев ќе игра против Максим Керси од САД. Керси во четири сета го совлада сонародниот Кристоф О’Конел (6/2, 6/7, 6/3, 6/2).

Четвртиот носител, Стефанос Циципас, одигра четири сета против Беноа Пер. Гркот за два часа и 42 минути славеше победа 6/3, 7/5, 6/7, 6/4.

Противник во осмина-финалето ќе му биде Тејлор Фриц. Американецот, во 22 обид успеа да го мине третото коло на еден од гренд-слем турнирите. Во драматичен меч, Фриц го победи фаворизираниот Шпанец, Баутиста-Агут со 3:2 (6/0, 3/6, 3/6, 6/4, 6/3).

Никола Јокиќ, Џа Морент, Џејмс Харден, Јусуф Нукриќ, Џоел Ембид, Демар Дерозан, со сјајни индивидуални партии ја обележаа ноќта во НБА лигата.

Азктуелниот МВП во лигата, Никола Јокиќ, забележа уште еден трипл-дабл, 11. во сезоната (26 поени, 11 скокови, 12 асистенции). Денвер Нагетс и покрај тоа не успеаја да ги победат Мемфис Гризлис, во чии редови блескаше Џа Морент со 38 поени.

Мемфис славеа победа 122:118.

ЛА Клиперс, во возбудлив меч, победија во Филаделфија 102:101. Ембид со 40 поени и 13 скокови не успеа да го спречи поразот на својот тим. Кај Клиперси најефикасен беше Реџи Џексон со 19 поени и девет асистенции.

Актуелните шампиони Милвоки Бакс ја продлабочија кризата на Чикаго Булс. Бакс славеа со 94:90 и им го нанесоа на Булси петтиот пораз на последните шест натпревари. Јанис Адетокумбо забележа 30 поени и 12 скокови за Милвоки, Чикаго ги предводеше Дерозан со 35 поени.

Лидерот на Истокот, Бруклин Нетс, победи во дуелот со Сан Антонио 117:102. Џејмс Харден забележа трип-дабл од 37 поени, 10 скока и 11 асистенции. Трипл-дабл запиша и Дежонте Мареј. Играчот на Сан Антонио мечот го заврши со 25 поени, 12 скокови и 10 асистенции.

Портланд го победија Бостон со 109:105. Селтикс немаа решение за Јусуф Нуркиќ. Босанецот соминираше со 29 поени, 17 скокови и шест асистенции.

Иако се веруваше дека тие веќе практично се второлигаши, Норич со две победи во низа успеа да излезе од зоната за испаѓање во Премиерлигата, победувајќи со 0:3 кај Вотфорд во меч кој беше накратко прекинат поради прекин на струјата, и кој може да биде кобен за нивниот менаџер, Клаудио Раниери.

По 2:1 победата над Евертон, менаџерот Дин Смит (поранешен прв човек на Астон вила), очигледно успеа да им ја крене довербата на своите играчи, за импресивна победа во Лондон.  Човек на одлука овојпат беше младиот Американец, Џошуа Сарџент, кој ги постигна првите два гола на мечот во 51. и 74. минута од мечот. Мизеријата на Вотфорд ја зголеми Јурај Куцка, кој си постигна автогол во 93. минута од мечот кој имаше невообичаени 15 минути продолжение.

Норич сега се 17. со 16 поени, два повеќе од Вотфорд, иако тимот на Раниери има два меча помалку, Њукасл се 19. со 12 поени, додека Барнли се последни со 11 поени (иако со дури 5 натпревари помалку од Норич).

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1-37036”));