Спорт
Елмас: Распадори уште ми должи 500 евра за асистенцијата
Македонскиот репрезентативец, Елиф Елмас во интервју за „Кис Кис Наполи“, зборуваше отворено за славеничката атмосфера во клубот кој е на чекор до освојувањето на прво скудето по повеќе од три децении и за својот однос со пријателот и соиграчот Џакомо Распадори.
Наполи би можеле викендов да го слават трофејот ако ги победат Салернитана, а Лацио не успее да го совлада Интер. И покрај тоа што неколку пати се жалеше на тоа што стартува од клупата, Елмас беше еден од редовните играчи во тимот на Лучано Спалеети со 1.576 минути во 41 настапи, во кои постигна шест гола.
„Дали имам посебна сезона? Не, ова е нормална сезона. За мене ова е нормална сезона. Секако, сите зборуваме за скудетото и го чекаме. Тоа е неверојатна работа бидејќи не се случува секоја година. Ние доаѓаме од земји како Македонија, Косово, Словачка, Нигерија и Камерун. Како дете не сонував дека ќе го освојам скудетото, така што тоа е емоција која ќе остане со нас. Никогаш не знаеш дали ќе освоиш друго скудето, така што ќе мораме да уживаме“, вели Елмас.
Како ќе прослави?
„Не знам. Ќе го чекам моментот и ќе видиме. Сигурно ќе го удрам неколку пати Чаки Лозано и Матијас Оливеира. Тие се одлични момци. Нема да биде лесно да се победи Салернитана бидејќи тие нема да сакаат да славиме. Салерно е тука, на час и половина од Неапол, така што нема да биде лесно“, додава Елмас.
Тој исто така беше зачуден од страста на навивачите на Наполи, кои го чекаа тимот на аеродром по победата над Јувентус.
„Навистина не го очекував тоа. Дојдов тука од Фенербахче, кои имаат слична навивачка база, но не очекував 10.000 луѓе! Не можам да замислам што ќе се случи кога ќе го освоиме скудетото“, објаснува македонскиот репрезентативец.
Елмас се наврати и на асистенцијата до Распадори на мечот со Јувентус.
„Го чекав Зиелински да ми подадее, а потоа го видов Осимен напрад и му дадов долга топка на Џек. Секогаш му велам пред мечевите: ‘Вечерва ќе ти асистирам, па ќе ми дадеш 500 евра’. И покрај тоа што го направив со Јувентус, уште ми ги нема дадено“, се шегува Елмас.
Elmas in esclusiva a KKN: “Non mi aspettavo questo entusiasmo, i tifosi del Napoli sono eccezionali. Con la Salernitana se serve la vittoria per lo Scudetto ci riusciremo sicuramente!” https://t.co/xHfhvPsklV
— Radio Kiss Kiss Napoli (@kisskissnapoli) April 27, 2023
What you did when Jack scored? 🤩#JuventusNapoli #seriea #forzanapoli #naples #uefachampionsleague #stadiodiegoarmandomaradona #italy #osimhen #ForzaNapoliSempre #napoli #raspadori #campania #calcio #india #football #stadiosanpaolo #elmas #fuorigrotta #soccer #legend #italia pic.twitter.com/FYpBti0yjn
— Napoli India ⚽️🇮🇳 (@napoli_india) April 27, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Крај на сезоната за Едерсон – Херојот Ортега ќе брани во последното коло
Голманот на Манчестер сити, Едерсон, нема да може да им помогне на соиграчите во наредниот период поради мала фрактура што ја заработи на натпреварот со Тотенхем.
Бразилецот беше заменет по судир со стоперот на противничката екипа Кристијан Ромеро.
Во моментот кога беше заменер, Едерсон го искажа своето незадоволство од одлуката на тренерот Пеп Гвардиола.
Едерсон ја напушти играта во 69. минута, му го препушти местото Стефан Ортега, кој блескаше во преостанатиот дел од натпреварот и имаше голем придонес за победата на Сити.
Избраниците на Пеп Гвардиола го зазедоа првото место на табелата откако го совладаа Тотенхем со 2:0. Ортега, два пати го запре Дејан Кулушевски, а во 84.минута веројатно ја имаше одбраната на сезоната кога го запре ударот на Хјунг-Мин Сон во ситуација еден на еден при резултат 0:1.
Сити во последното коло ќе влезе со два бода повеќе од Арсенал. Во недела Сити ќе го пречека Вест Хем, а Арсенал ќе игра против Евертон.
Спорт
ФИФА најави ВАР-револуција
Џани Инфантино, претседателот на ФИФА најави големи промени на конгресот на светската фудбалска федерација во Бангкок.
„Ќе го развиеме и подобриме ВАР. Тој систем го користат 65 национални асоцијации, но сега ќе го подобриме. Создадовме базна технологија со помалку камери и без судии да одлучуваат, така што ќе биде достапен за секого и полесен ќе се имплементира. Тој систем веќе се тестира.
Ќе функционира така што тренерот на секоја екипа ќе има право двапати по натпревар да бара помош од ВАР. Доколку првичната одлука на судијата се смени по таквата барана проверка, тимот што ја побарал проверката повотрно ќе има право на две проверки. Доколку, пак, по ваквата барана проверка, ВАР ја потврди одлуката на судијата на теренот, тогаш екипата која ја побарала го губи правото на една проверка“.
Спорт
„Тајната шопинг-листа“ на Баерн вредна 323 милиони евра
Германскиот великан, Баерн Минхен за прв пат по 12 години заврши сезона без освоен трофеј. Баер Леверкузен стави крај на 11-годишната доминација на Баварците во германскиот шампионат. Во осминафиналето на Купот на Германија, Баерн, шокантно беше елиминиран од третолигашот Сарбрикен, додека Реал Мадрид го исфрли во полуфиналето на Лигата на шампионите.
Челниците на клубот од Минхен преговараат за останување на Томас Тухел, кој требаше да си замине на крајот од сезоната, но стана прва опција откако Чаби Алонсо, ЈулијанНагелсман и Ралф Рангник одбија да го преземат клубот.
Баерн според угледот што го има не смее да си дозволи уште една лоша сезона. „Билд“ пишува дека клубот ќе се обиде во летниот преоден рок да донсе седум фудбалери.
Списокот на играчи кои Баерн ги сака во летниот преоден рок, според „Билд“, и нивните вредности на „Трансфермаркт“:
1. Стопер: Џонатан Тах (28), Баер Леверкузен, 30 милиони евра
2. Лев бек: Тео Ернандез (26), Милан, 60 милиони евра
3. Централен играч за врска Френки де Јонг (27), Барселона, 70 милиони евра
4. Централен играч за врска Асан Уедраого (18), Шалке, 8 милиони евра
5. Централен играч за врска Амаду Онана (22), Евертон, 50 милиони евра
6. Крило: Крис Фирих (26), Штутгарт, 25 милиони евра
7. Офанзивен играч за врска Чави Симонс (21), ПСЖ, 80 милиони евра
„Трансфермаркт“, веб-страница специјализирана за проценка на вредноста на фудбалерите, проценува дека споменатата листа на играчи вреди вкупно 323 милиони евра. Секако, тоа не значи дека Баерн треба да плати токму толку за нив, туку зависи од преговори, клаузули и многу други работи.
Спортските директори на Баварците, Макс Еберл и Кристоф Фројнд, наводно ја составиле оваа листа, а „Билд“ исто така истакнува дека тоа не значи дека сите ќе дојдат бидејќи желбите зависат од тренерот, но и од евентуална продажба на сопствените играчи.