По четири порази во низа, Барселона, конечно, го победи тимот на актуелниот шампион од Евролигата, Анадолу Ефес, триумфирајќи со 95:93 по продолжеијата во Истанбул во реприза на минатогодишниот меч за титулата.

Сертач Шанли имаше 24 поени во првиот меч против својот поранешен клуб по заминувањето за да биде лидер на Барселона, и беше одговорен за последниот поен на мечот, слободното фрлање, по што намерно го промаши второто. Барселона поведоа со 4 поени на 40 секунди пред крајот со тројката на Рокас Јокубаитис, но Ефес се врати со тројката на Адриен Мерман за 93:95, но немаше време за пресврт.

Василије Мициќ имаше 26 поени и 5 скока за Ефес, кои беа без Шејн Ларкин (14 поени) во продолжението откако тој направи пет лични грешки, а во бурниот финиш и тренерот Ергин Атаман доби две технички грешки.

Back to back threes from Sertac Sanli against his former team 🔥🔥 pic.twitter.com/vQCuNxILXp

— The BasketHead (@theBasketHead2) December 3, 2021

Црвена звезда пак, стигна до импресивна 69:58 победа на гости кај Зенит Санкт Петерсбург, доминирајќи во целиот меч, посебно со својата одбрана. Звезда имаше 42:28 водство на полувреме, кое го зголеми на 20 поени (58:38) по паузата. Нејт Волтерс имаше 14 поени, Никола Калиниќ и Огњен Кузмиќ додадоа по 11 поени. Звезда сега има 5-8 скор, додека Зенит паднаа на 8-5.

ЕВРОЛИГА, 13.КОЛО

Уникс Казан – Олимпијакос 84:87 (20:17, 20:25, 22:17, 15:18, 7:10)

Анадолу Ефес – Барселона 93:95 (25:20, 22:17, 21:25, 12:18, 13:15)

Зенит Санкт Петерсбург – Црвена звезда 58:69 (16:23, 12:19, 12:16, 18:11)

Алба Берлин – Олимпија Милано 81:76 (19.15, 24:19, 24:22, 14:20)

Рускиот шампион Зенит Санкт Петербург одигра само 2:2 со Ростов во меч од Руската Премиер лига, но од резултатот поголемо внимание предизвика гестот на домашниот тим пред мечот.

Сите фудбалери на Зенит со себе на теренот понесоа едно куче како дел од кампањата за удомување кучиња од локалниот стационар за бездомни кучиња.

🐶💙😍 #СобакамЛучшеДома pic.twitter.com/5QA9OeLC6D

— ФК «Зенит» (@zenit_spb) December 3, 2021

Новак Ѓоковиќ со 6:4/6:2 експресно го победи својот стар пријател Марин Чилиќ за повторно да ја спаси Србија и да израмни на 1:1 во полуфиналето на Дејвис-купот, каде што сега ќе одлучуваат мечевите во двојки.

Иако на моменти имаше малку нервоза во неговата игра и во комуникацијата со селекторот Виктор Троицки, Ѓоковиќ беше за класа подобар од Чилиќ и откако спаси шест брејк-топки во првиот сет, експресно го освои вториот за импресивна победа. Откако Борна Гојо го изненади Душан Лајовиќ во два сета во првиот меч, сега патникот во неделното финале ќе се одлучува во мечот во двојки.

Ѓоковиќ повторно ќе биде на теренот со својот партнер Никола Чачиќ, но ова ќе биде редок меч во кој тој нема да биде фаворит бидејќи од другата страна на мрежата ќе бидат Никола Мектиќ и Мате Павиќ, кои се прворангирана тениска двојка во 2021 година, тие освоија 9 титули (вклучувајќи го и Вимблдон) и го освоија златото на Олимпијадата во Токио.