Спорт
ЕП е за седум месеци а Германците не можат никого да победат
Foto/ EPA
Фудбалската репрезентација на Германија минува низ еден од најтешките периоди во својата богата историја. Организаторот на ЕУРО 2024 реди порази, а континеталниот шампионат на кој имаат големи амбиции ќе започне за седум месеци. Германците синоќа, во пријателски натпревар, загубија 2:0 од Австрија.
Не може да се објасни падот на германскиот национален тим. Гледано од оваа перспектива не било до селекторите, Ханси Флик дојде на местото на Јоаким Лев, а откако Флик стана првиот селектор во германската историја кој добил отказ на неговото место дојде Јулијан Нагелсман.
Германија во 2014 година супериорсно го освои Светското првенство во Бразил, а потоа на наредните две, во Русија и Катар не успеа да ја мине првата фаза.
Она што е лошо за нив е што кризата како да нема крај. Во 2023 година, Германија одигра 11 натпревари, забележаа само три победи, два пати играа нерешено и доживеаја шест порази.
Јулијан Нагелсман мандатот го започна со победи над Франција и САД, но сега и тој започна да лута и да ја тера јавноста да се прашува дали селекторот воопшто има некаков план и систем/
Не им е јасно што се обидува да направи Нагелсман, Каи Хаверц вторпат по ред игра на позицијата лев бек, а селекторот тврди дека немаат доволно добри одбранбени играчи.
„Сега немаме чудовишта, а нема да ги имаме ниту до почетокот на ЕП. Ова тим тоа го нема. Играчите играат во тимови кои се многу повеќе фокусирани на нападот отколку на одбраната“, рече Нагелсман, кој не делува како човек кој може да го реши овој проблем.
Германците лесно примаат голови, тоа го забележа и Ралф Рангник, тренерот на Австрија.
„Тешко е да се победи ако примиш два или три гола на натпревар. Тоа е одговорност на тренерот и Јулијан има многу работа“, изјави Рангник.
Ова се резултатите на германската репрезентација во 2023 година:
Германија – Перу 2:0
Германија – Белгија 2:3
Германија – Украина 3:3
Полска – Германија 1:0
Германија – Колумбија 0:2
Германија – Јапонија 1:4
Германија – Франција 2:1
САД – Германија 1:3
Мексико – Германија 2:2
Германија – Турција 2:3
Австрија – Германија 2:0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.
Спорт
Димитиревски договорил четири годишна соработка со Валенсија
Репрезетативецот на Македонија Столе Димитиревски од наредната сезона ќе го носи дресот на Рајо Ваљекано. Бројни шапнски медиуми и најпознатиот транфер-инсајдер, Фабрицио Романо, објавија дека голманот со Валенсија потпишал четири годишен договор.
Столе Димитриевски по шест сезони, како слободен играч ќе го напушти Рајо Ваљекано. Од „Ваљехас“ ќе замине како голман со најмногу одиграни натпревари во клупската историја.
Во последното коло, против Атлетик Билбао на домашен терен Македонецот по 192. пат ќе застане на голот на Рајо Ваљекано.
Трансферот на Димитриевски значи дека Валенсија ќе ја напушти Грузиецот, Гиорги Мамрдашвили. Од неговиот трансфер Валенсија треба да заработи 30 или повеќе милиони евра.
Спорт
Тиквеш и Воска најавуваат голема борба за трофејот во Купот
Извор/ ffm.mk
Тиквеш и Воска Спорт утре од 19:00 часот на Националната арена „Тодор Проески“ во Скопје ќе се соочат во 31. финале од Купот на Македонија.
На денешната прес-конференција, тренерите и капитените на двата тима ги споделија своите очекувања во пресрет на утрешното финале.
„Кога сме веќе во финалето, секако дека сме тука и да го освоиме. Нема да бидеме скромни, сакаме да го освоиме пехарот. Верувам дека моите фудбалери ќе бидат максимално мотивирани и дека ќе ја заокружиме оваа сезона на најдобар можен начин. Победникот може да го реши еден момент, грешка или инспирација на одреден фудбалер“, изјави тренерот на Тиквеш, Ѓорѓи Мојсов.
„За разлика од Тиквеш ние сме млад клуб кој постои неколку години, ова е прва година во Прва лига за Воска и веднаш стигнуваме до историско финале што е голем успех. Првенството го завршивме на посакувано место, па сега одиме да се надигруваме против Тиквеш во Купот на Македонија. Тие се хит во пролетниот дел од сезоната и сакам да им честитам за четвртото место на табелата кое е одлично остварување за Тиквеш. Играат добро, но сепак и ние сме во добра форма, долго време сме без пораз и дојдовме во Скопје да се надигруваме и да го освоиме Купот на Македонија. Еднаш бев учесник во финале како тренер на Металург и загубивме од Работнички. Се надевам дека сега со Воска Спорт ќе бидеме поуспешни и дека ќе ги оствариме нашите цели“, рече тренерот на Воска Срѓан Захариевски