Спорт
Ериксен со прекрасна порака до мало девојче што мора на операција на срцето
Кристијан Ериксен прати прекрасна порака до деветгодишно девојче, кое мора да оди на иста операција на срцето каква што имаше тој по колапсот на Европското првенство.
Срцето на данскиот репрезентативец сопре во текот на првиот меч за Данска на Евро 2020 против Финска во Копенхаген, а откако беше вратен во живот, му беше вграден минијатурен дефибрилатор (ИЦД).
Кога семејството на 9-годишната Иви му пратиле писмо на фудбалерот на Интер објаснувајќи дека нејзе исто така ѝ е потребен пејсмејкер, Ериксен одговори со посебно видео.
„Здраво Иви, јас сум Кристијан. Благодарам за прекрасното писмо. Се надевам дека се чувствуваш удобно и сигурно пред операцијата. Никогаш не е забавно да си во болница, но сигурен сум дека лекарите знаат што прават и тука се да ти помогнат. Ќе му се вратиш на нормалниот живот многу бргу, како што му се вратив и јас. Сакав да ти посакам сѐ најдобро и се надевам дека ќе се сретнеме во иднина“, вели Ериксен во видеото.
Поради вградеиот уред во срцето, Ериксен нема да може да игра за Интер во новата сезона, но постојат шпекулации дека може да се врати во Ајакс бидејќи во холандската Ередивизие нема вакви ограничувања.
Christian Eriksen sent this video message to a young 9 year-old girl who is also due to have an ICD fitted. Class ??
— COYS.com (@COYS_com) August 9, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.