Фудбалскиот свет со нетрпение очекува Килијан Мбапе да ја соопшти одлуката, каде ќе ја продолжи кариерата. Францускиот ас, по завршувањето на сезоната ќе биде слободен играч. ПСЖ и Реал Мадрид се тркаат за неговиот потпис.

До пред некој ден се чинеше дека Мбапе ќе се пресели во Мадрид, но според новинарот Гиљемо Балага, на „Сантијаго Брнабеу“ не се сигурни дека ова ќе се случи.

Балага тврди дека претседателот на Реал, Флорентино Перез, токму тоа им го кажал на играчите на „кралскиот клуб“ во соблекувалната по синоќешниот натпревар против Бетис.

„Само што ми кажаа дека Флорентино Перез вечерва во соблекувалната им рекол на играчите дека Мбапе НЕМА да дојде. Да почекаме и да слушнеме што ќе каже Мбапе пред да потврдиме нешто“, напиша Балага на „Твитер“.

Последната информација која ја откри мајката на Мбапе е дека двете понуди на Реал и на ПСЖ се сосема исти. И дека самиот Килијан ќе треба да ја реши дилемата каде ќе ја продолжи кариерата по 30 јуни: дали ќе го исполни детскиот сон и ќе потпише за Реал или ќе остане во својата татковина, да се обиде на „светците“ да им го донесе првиот трофеј во Лигата на шампионите во историја.

Никој не ја спомнува понудата на Ливерпул, кој наводно се вклучил во трката. Очигледно, колку и да се моќни, „црвените“ не можат финансиски да му парираат на богатиот ПСЖ, ниту пак на Реал.

Сепак, конечното решение на оваа сапуница, која предолго трае, треба да се слушне во недела, кога Мбапе најави на светот ќе му ја соопшти својата одлука.

Тренерот на Реал Мадрид, Карло Анчелоти потврди дека Иско ќе го напушти клубот на крајот од оваа сезона. Иско вчера се прости од „Сантијаго Бернабеу“, во последното коло од Примера против Бетис (0:0), шанса доби во последните 20 минути.

„Кариерата на Иско овде штотуку заврши. Тој беше важен дел од овој тим во последните неколку години, одигра одлични натпревари, но можеше да направи поголема кариера во Реал. Му посакувам се најдобро”, изјави Анчелоти

Иско, оваа сезона во Примера одигра само 304 минути.

Иско во Реал пристигна пред девет години од Малага за 30.000.000 евра. За мадридскиот клуб одигра 352 натпревари и постигна 53 гола со 56 асистенции. Во Реал стана и шпански репрезентативец (38 настапи, 12 голови).

30-годишниот играч за врска би можел да ја продолжи кариерата во Бетис.

НБА лигата објави кои десет играчи се најдоа во најдобрите две одбранбени петорки оваа сезона. Листата ја предводи бекот на Бостон Селтикс Маркус Смарт, а Дрејмонд Грин, од Голден стејт Вориорс, го најде своето место во една од овие петорки, по седми пат во својата десетгодишна кариера.

Смарт доби 99 гласа за место во првата петорка и вкупно 198 поени, пет повеќе од Микел Бриџис од Финикс Санс. Во првите пет им се придружија францускиот центар на Јута Џез, Руди Гобер, суперѕвездата на Милвоки Бакс, Џанис Адетокумбо и Јарен Џексон Јуниор. од Мемфис Гризлис.

Во втората одбранбена петорка е уште еден играч на Бостон, центарот Роберт Вилијамс, како и Бам Адебајо од Мајами Хит, Џру Холидеј од Милвоки Бакс , Матис Тибул од Филаделфија Сеентисиксерс и споменатиот Дрејмонд Грин.

Kia NBA Defensive Player of the Year Marcus Smart of Boston and runner-up Mikal Bridges of Phoenix received the most voting points in balloting for the 2021-22 Kia NBA All-Defensive Team.

More ➡️ https://t.co/VpKETU9caP

Voting results ⬇️ pic.twitter.com/dUxDi2L2oc

— NBA Communications (@NBAPR) May 21, 2022